Job Description: ➤ ಒಡಿಶಾದ ಪುರಿಯ 12ನೇ ಶತಮಾನದ ಪ್ರಸಿದ್ಧ ಶ್ರೀ ಜಗನ್ನಾಥ ದೇವಾಲಯದ ಆಡಳಿತ ಮಂಡಳಿ (SJTA) ತನ್ನ ಧಾರ್ಮಿಕ ಹೆಸರುಗಳು ಮತ್ತು ಸಂಕೇತಗಳಿಗೆ ಕಾನೂನಾತ್ಮಕ ಟ್ರೇಡ್‌ಮಾರ್ಕ್ (Trademark Rights/ಬೌದ್ಧಿಕ ಆಸ್ತಿ ಹಕ್ಕು) ರಕ್ಷಣೆಯನ್ನು ಪಡೆದುಕೊಂಡಿದೆ. ಭಾರತದಲ್ಲೇ ಪ್ರಥಮ ಬಾರಿಗೆ ಧಾರ್ಮಿಕ ಸಂಸ್ಥೆಯೊಂದು ತನ್ನ ಹೆಸರು ಮತ್ತು ಲೋಗೋಗಳಿಗೆ ಬೌದ್ಧಿಕ ಆಸ್ತಿಯ ಕಾನೂನು ರಕ್ಷಣೆ ಪಡೆದಿರುವುದು ಒಂದು ಐತಿಹಾಸಿಕ ಮೈಲಿಗಲ್ಲಾಗಿದೆ. ➤ ಶ್ರೀ ಜಗನ್ನಾಥ ದೇವಾಲಯದ ಆಡಳಿತ ಮಂಡಳಿಯು (Shree Jagannath Temple Administration - SJTA) ದೇವಾಲಯಕ್ಕೆ ಸಂಬಂಧಿಸಿದ ಪವಿತ್ರ ಹೆಸರುಗಳು, ಪ್ರಸಾದ ಹಾಗೂ ಪವಿತ್ರ ಸ್ಥಳಗಳ ಹೆಸರುಗಳನ್ನು 'ಟ್ರೇಡ್‌ಮಾರ್ಕ್' ಆಗಿ ನೋಂದಾಯಿಸಲು ಐದು ಪ್ರಮುಖ ಅರ್ಜಿಗಳನ್ನು ಸಲ್ಲಿಸಿತ್ತು. ಈ ಅರ್ಜಿಗಳನ್ನು ಕೇಂದ್ರ ಟ್ರೇಡ್‌ಮಾರ್ಕ್ಸ್ ರಿಜಿಸ್ಟ್ರಿ (Trade Marks Registry) ಪರಿಶೀಲಿಸಿ, ಪ್ರಾಥಮಿಕ ಅನುಮೋದನೆ ನೀಡಿದ್ದು, ಅಧಿಕೃತ 'ಟ್ರೇಡ್‌ಮಾರ್ಕ್ ಜರ್ನಲ್'ನಲ್ಲಿ ಪ್ರಕಟಿಸಲು ಸಮ್ಮತಿಸಿದೆ.➤ ಟ್ರೇಡ್‌ಮಾರ್ಕ್ ಅನುಮೋದನೆ ಪಡೆದ ಪ್ರಮುಖ ಪದಗಳು ಮತ್ತು ಅರ್ಥ: ಜಗನ್ನಾಥ ಧಾಮ (Jagannath Dham): ಚಾರ್ ಧಾಮಗಳಲ್ಲಿ ಒಂದಾದ ಪೂರಿ ಕ್ಷೇತ್ರವನ್ನು ಸೂಚಿಸುವ ಪವಿತ್ರ ಹೆಸರು. ಶ್ರೀಕ್ಷೇತ್ರ (Shree Kshetra): ಪೂರಿ ಪುಣ್ಯಕ್ಷೇತ್ರಕ್ಕೆ ನೀಡಲಾಗಿರುವ ಸಾಂಪ್ರದಾಯಿಕ ಹೆಸರು. ಮಹಾಪ್ರಸಾದ್ (Mahaprasad): ಜಗನ್ನಾಥ ದೇವರಿಗೆ ಅರ್ಪಿಸುವ ಹಾಗೂ ಆನಂದ ಬಜಾರ್‌ನಲ್ಲಿ ನೀಡಲಾಗುವ ಪವಿತ್ರ ನೈವೇದ್ಯ. ನೀಲಾಚಕ್ರ (Nilachakra): ದೇವಾಲಯದ ಮೇಲ್ಭಾಗದಲ್ಲಿರುವ ೮ ಕಡ್ಡಿಗಳ ಲೋಹದ ಚಕ್ರ (ದೇವಾಲಯದ ಸಂಕೇತ). ಕೋಯಿಲಿ ವೈಕುಂಠ (Koili Vaikuntha): ನವಕಳೇಬರ (Nabakalebara) ಆಚರಣೆಯ ಸಂದರ್ಭದಲ್ಲಿ ಹೊಸ ಮೂರ್ತಿಗಳನ್ನು ಕೆತ್ತಿ, ಹಳೆಯ ಮೂರ್ತಿಗಳನ್ನು ಸಮಾಧಿ ಮಾಡುವ ಪವಿತ್ರ ಉದ್ಯಾನ. ಪತಿತಪಾವನ (Patitapaban): ಸಿಂಹದ್ವಾರದ ಬಳಿ ಕಾಣಸಿಗುವ ಜಗನ್ನಾಥನ ರೂಪ. ಆನಂದ ಬಜಾರ್ (Ananda Bajara)ದೇವಾಲಯದ ಆವರಣದಲ್ಲಿ ಪ್ರಸಾದ ವಿತರಿಸುವ ಜಾಗ. ➤ ಹಿನ್ನೆಲೆ: ಪಶ್ಚಿಮ ಬಂಗಾಳದ ದಿಘಾದಲ್ಲಿ ಹೊಸದಾಗಿ ನಿರ್ಮಿಸಿದ ದೇವಾಲಯಕ್ಕೆ 'ಧಾಮ' ಎಂದು ಹೆಸರಿಟ್ಟು ಪೂರಿಯ ಐತಿಹಾಸಿಕ ಪವಿತ್ರತೆಗೆ ಧಕ್ಕೆ ತಂದ ವಿವಾದದ ಹಿನ್ನೆಲೆಯಲ್ಲಿ, ಜಗನ್ನಾಥ ಸಂಸ್ಕೃತಿಯ ಹೆಸರುಗಳು ವಾಣಿಜ್ಯಿಕವಾಗಿ ದುರ್ಬಳಕೆಯಾಗುವುದನ್ನು ಶಾಶ್ವತವಾಗಿ ತಡೆಯಲು ಪೂರಿ ದೇವಾಲಯ ಆಡಳಿತವು (SJTA) ಟ್ರೇಡ್‌ಮಾರ್ಕ್ ರಕ್ಷಣೆಗೆ ಅರ್ಜಿ ಸಲ್ಲಿಸಿತು.KAS, PSI, PC, FDA, SDA, RRB, PDO ಸೇರಿದಂತೆ ಇನ್ನಿತರ ಪರೀಕ್ಷೆಗಳ ಹಳೆ ಪ್ರಶ್ನೆ ಪತ್ರಿಕೆಗಳನ್ನು ಅಭ್ಯಾಸ ಮಾಡಲು ಇಲ್ಲಿ ಕ್ಲಿಕ್ ಮಾಡಿ
