➤ ಆಫ್ರಿಕಾ ಖಂಡದ ಸೋಮಾಲಿಯಾ ಕರಾವಳಿ ಪ್ರದೇಶದಲ್ಲಿ ಕಡಲ್ಗಳ್ಳರ (Pirates) ಉಪಟಳ ಮತ್ತೆ ಹೆಚ್ಚಾಗಿದ್ದು,M/V LUTUFಎಂಬ ಕ್ಯಾಮರೂನ್ ಧ್ವಜವನ್ನು ಹೊಂದಿದ್ದ ಸರಕು ಸಾಗಣೆ ಹಡಗನ್ನು ಕಡಲ್ಗಳ್ಳರು ಅಪಹರಿಸಿದ್ದಾರೆ. ಈ ಹಡಗು ಸೋಮಾಲಿಯಾದ ರಾಜಧಾನಿ ಮೊಗದಿಶುದಲ್ಲಿರುವ ಟರ್ಕಿಶ್ ಮಿಲಿಟರಿ ತರಬೇತಿ ಕೇಂದ್ರಕ್ಕೆ ಸೇನಾ ಶಸ್ತ್ರಾಸ್ತ್ರಗಳು, ಸಂವಹನ ಸಾಮಗ್ರಿಗಳು ಮತ್ತು ಉಪಗ್ರಹ ಉಪಕರಣಗಳನ್ನು ಒಯ್ಯುತ್ತಿತ್ತು.
➤ ಹಡಗಿನಲ್ಲಿದ್ದ ಸಿಬ್ಬಂದಿ ವಿವರ:ಹಡಗಿನಲ್ಲಿ ಒಟ್ಟು 10 ಜನರು ಪ್ರಯಾಣಿಸುತ್ತಿದ್ದರು:

1. ಭಾರತೀಯರು: 6 ನಾವಿಕರು
2. ಟರ್ಕಿ ಪ್ರಜೆ: 1
3. ಜಾರ್ಜಿಯಾ ಪ್ರಜೆ: 1
4. ಸೆರ್ಬಿಯಾದ ಭದ್ರತಾ ಸಿಬ್ಬಂದಿ: 2

➤ ದಾಳಿ ನಡೆದದ್ದು ಹೇಗೆ?

• ಸ್ಥಳ: ಪುಂಟ್‌ಲ್ಯಾಂಡ್‌ನ ಐಲ್ (Eyl) ಜಿಲ್ಲೆಯ ಮರ್ರಾಯಾ (Marraya) ಕರಾವಳಿಯಿಂದ ಸುಮಾರು 3.5 ಸಾಗರ ಮೈಲಿ (Nautical Miles) ದೂರದಲ್ಲಿ ಹಡಗನ್ನು ವಶಕ್ಕೆ ಪಡೆಯಲಾಯಿತು.
• ದಾಳಿಕೋರರು: ಸುಮಾರು 8 ಜನರಿದ್ದ ಕಡಲ್ಗಳ್ಳರ ಗುಂಪು ಈ ಕೃತ್ಯ ಎಸಗಿದೆ. ಇವರು ಈ ಹಿಂದೆ ಅಪ್ರಿಲ್ 26 ರಂದು ನಡೆದಿದ್ದ 'M/V Sward' ಹಡಗು ಅಪಹರಣ ಪ್ರಕರಣದಲ್ಲೂ ಭಾಗಿಯಾಗಿದ್ದರು ಎಂದು ಶಂಕಿಸಲಾಗಿದೆ.
• ಟರ್ಕಿ ಸೇನೆಯ ಮೇಲ್ವಿಚಾರಣೆ: ಹಡಗು ಅಪಹರಣಗೊಂಡ ನಂತರ ಟರ್ಕಿಯ ಹೆಲಿಕಾಪ್ಟರ್‌ಗಳು ಮತ್ತು ಡ್ರೋನ್‌ಗಳು ಆ ಪ್ರದೇಶದ ಮೇಲೆ ನಿಗಾ ವಹಿಸಿದ್ದು, ಎರಡು ಟರ್ಕಿಶ್ ಹಡಗುಗಳು ಆ ಭಾಗಕ್ಕೆ ಧಾವಿಸಿವೆ.