* ಕೇಂದ್ರ ಸರ್ಕಾರವು ಗ್ರಾಮ ಪಂಚಾಯತಿ ಮಟ್ಟದಲ್ಲಿ ಸ್ಥಳೀಯ ಯೋಜನೆಯನ್ನು ಹೆಚ್ಚಿಸುವ ಗುರಿಯೊಂದಿಗೆ ಕೇಂದ್ರ ಪಂಚಾಯತ್ ರಾಜ್ ಸಚಿವಾಲಯವು ಭೌಗೋಳಿಕ ಮಾಹಿತಿ ವ್ಯವಸ್ಥೆ ಆಧಾರಿತ ಆ್ಯಪ್‌ "ಗ್ರಾಮ್ ಮನ್ ಚಿತ್ರ ಆ್ಯಪ್‌" ಗೆ ಚಾಲನೆ ನೀಡಿದೆ.
* ಈ ವಿನೂತನ ಅವಿಷ್ಕಾರಕ ಆ್ಯಪ್, ಭೂ-ಪ್ರಾದೇಶಿಕ (ಜಿಯೋ ಸ್ಪೇಷಲ್) ತಂತ್ರಜ್ಞಾನವನ್ನು ಪಂಚಾಯಿತಿಗಳು ತಮ್ಮ ಯೋಜನೆಗಳನ್ನು ರೂಪಿಸುವಲ್ಲಿ ಹಾಗೂ ಸಬಲೀಕರಿಸಲು ನೆರವಾಗಲಿದೆ.
* 'ಗ್ರಾಮ ಮನ್‌ಚಿತ್ರ' ಏಕೀಕೃತ ಭೂ ಪ್ರಾದೇಶಿಕ ವೇದಿಕೆಯಾಗಿ ಕಾರ್ಯನಿರ್ವಹಿಸಲಿದೆ. ವಿವಿಧ ಕ್ಷೇತ್ರಗಳಲ್ಲಿ ಆಗಬೇಕಾಗಿರುವ ಅಭಿವೃದ್ಧಿ ಕಾರ್ಯಗಳ ಸಮಗ್ರ ನೋಟವನ್ನು ಅದು ಒದಗಿಸುತ್ತದೆ. 
* ವಾಸ್ತವಿಕ ಮತ್ತು ಸಾಧಿಸಲು ಆಗುವಂಥ ಅಭಿವೃದ್ಧಿ ಯೋಜನೆಗಳನ್ನು ರೂಪಿಸಲು ಗ್ರಾಮ ಪಂಚಾಯತ್ ಅಧಿಕಾರಿಗಳಿಗೆ ಜಿಐಎಸ್ ತಂತ್ರಜ್ಞಾನ ನೆರವಾಗುವ ರೀತಿಯಲ್ಲಿ 'ಗ್ರಾಮ ಮನ್‌ಚಿತ್ರ' ವಿವಿಧ ಯೋಜನಾ ಸಾಧನಗಳನ್ನು ಸೇರ್ಪಡೆ ಮಾಡಲಿದೆ. ಈ ಸಾಧನಗಳು ಯೋಜನಾ ಪ್ರಕ್ರಿಯೆಯಲ್ಲಿ ಮಹತ್ವದ ಪಾತ್ರ ನಿರ್ವಹಿಸಲಿವೆ. ಸಂಭಾವ್ಯ ಯೋಜನಾ ಪ್ರದೇಶಗಳನ್ನು ಗುರುತಿಸಲು ನೆರವಾಗಲಿದೆ. ಆಸ್ತಿ ಟ್ರ್ಯಾಕಿಂಗ್, ವೆಚ್ಚ ಅಂದಾಜಿಗೆ ಮತ್ತು ಪರಿಣಾಮ ಮೌಲ್ಯಮಾಪನಕ್ಕೆ ಸಹಾಯಕವಾಗಲಿವೆ.
* ಗ್ರಾಮ ಮನ್‌ಚಿತ್ರಕ್ಕೆ ಪೂರಕವಾಗಿ ಸರ್ಕಾರ 'ಎಂಆ್ಯಕ್ಷನ್‌ಸಾಫ್ಟ್' ಅನ್ನು ಪರಿಚಯಿಸಿದೆ. ಜಿಪಿಎಸ್ ಸಮನ್ವಯಗಳನ್ನು ಒಳಗೂಡಿಸಿಕೊಂಡು ಜಿಯೋ-ಟ್ಯಾಗ್ ಗಳೊಂದಿಗೆ ಫೊಟೋಗಳನ್ನು ಸೆರೆಹಿಡಿಯಲು ರೂಪಿಸಲಾದ ಮೊಬೈಲ್ ಆಧಾರಿತ ವಿನ್ಯಾಸ ಇದಾಗಿದೆ.
* ಮೂರು ನಿರ್ಣಾಯಕ ಹಂತಗಳಲ್ಲಿ ಆಸ್ತಿಗಳ ಜಿಯೋ-ಟ್ಯಾಗಿಂಗ್‌ಗೆ ಈ ಫೀಚ‌ರ್ ನೆರವಾಗುತ್ತದೆ.
1. ಕೆಲಸ ಆರಂಭಕ್ಕೆ ಮುನ್ನ.
 2. ಕಾಮಗಾರಿಯ ಅವಧಿಯಲ್ಲಿ. ಮತ್ತು 
3. ಕೆಲಸ ಪೂರ್ಣಗೊಂಡ ಮೇಲೆ 
* ಎಂಆ್ಯಕ್ಷನ್‌ಸಾಫ್ಟ್ ಅಪ್ಲಿಕೇಶನ್ ಬಳಸಿ ಜಿಯೋ-ಟ್ಯಾಗ್ ಮಾಡಲಾದ ಆಸ್ತಿಗಳು 'ಗ್ರಾಮ ಮನ್ ಚಿತ್ರ'ದೊಂದಿಗೆ ನಿರಾಯಾಸವಾಗಿ ಸಮಗ್ರಗೊಳ್ಳುತ್ತವೆ. ಇದರಿಂದಾಗಿ ಗ್ರಾಮ ಪಂಚಾಯತಿಗಳ ಅಭಿವೃದ್ಧಿ ಕಾರ್ಯಗಳ ಮನೋಗೋಚರೀಕರಣವು (ವಿಜುವಲೈಸೇಶನ್) ಸುಧಾರಿಸುತ್ತದೆ. ಇದರಿಂದ ಹಣಕಾಸು ಆಯೋಗದ ನಿಧಿಯ ಅಡಿಯಲ್ಲಿ ಬರುವ ಆಸ್ತಿಗಳ ಮಾಹಿತಿ ಹಾಗೂ ಲಭ್ಯತೆಯ ಪಾರದರ್ಶಕತೆ ಸಾಧ್ಯವಾಗುತ್ತದೆ.