➤ ಭಾರತವು ನವೀಕರಿಸಬಹುದಾದ ಇಂಧನ (Renewable Energy) ಕ್ಷೇತ್ರದಲ್ಲಿ ಮತ್ತೊಂದು ಐತಿಹಾಸಿಕ ಮೈಲಿಗಲ್ಲನ್ನು ಸಾಧಿಸಿದೆ. ಇತ್ತೀಚಿನ ಮರ್ಕಾಮ್ ಇಂಡಿಯಾ ರಿಸರ್ಚ್ (Mercom India Research) ವರದಿಯ ಪ್ರಕಾರ, 2026ರ ಮೊದಲಾರ್ಧದಲ್ಲಿ (H1 2026) ಭಾರತವು ದಾಖಲೆಯ 27 GW (ಗಿಗಾವ್ಯಾಟ್) ಸೌರ ವಿದ್ಯುತ್ (Solar PV) ಸಾಮರ್ಥ್ಯವನ್ನು ದೇಶದ ವಿದ್ಯುತ್ ಗ್ರಿಡ್‌ಗೆ ಸೇರ್ಪಡೆಗೊಳಿಸಿದೆ. ಇದು ಕಳೆದ ವರ್ಷದ ಇದೇ ಅವಧಿಗೆ (18 GW) ಹೋಲಿಸಿದರೆ ಶೇಕಡಾ 49% ರಷ್ಟು ಅಭೂತಪೂರ್ವ ಏರಿಕೆಯಾಗಿದೆ.

• ದಾಖಲೆ ಪ್ರಮಾಣದ ಸೇರ್ಪಡೆ: 2026ರ ಪ್ರಥಮಾರ್ಧದಲ್ಲಿ (H1) ಸೇರ್ಪಡೆಯಾದ ಒಟ್ಟು 35.8 GW ನೂತನ ವಿದ್ಯುತ್ ಉತ್ಪಾದನಾ ಸಾಮರ್ಥ್ಯದಲ್ಲಿ ಸೌರ ವಿದ್ಯುತ್ ಪಾಲು ಶೇ. 76 ರಷ್ಟಿದೆ.
• ಒಟ್ಟು ಸೌರ ಸಾಮರ್ಥ್ಯ: 2026ರ ಜೂನ್ ಅಂತ್ಯದ ವೇಳೆಗೆ ಭಾರತದ ಒಟ್ಟು ಸ್ಥಾಪಿತ ಸೌರ ಸಾಮರ್ಥ್ಯವು 164.8 GW ತಲುಪಿದೆ.
• ಸೌರಶಕ್ತಿಯ ಪಾಲು: ಭಾರತದ ಒಟ್ಟಾರೆ ವಿದ್ಯುತ್ ಸಾಮರ್ಥ್ಯದಲ್ಲಿ ಸೌರಶಕ್ತಿಯು 30% ಪಾಲನ್ನು ಹಾಗೂ ಒಟ್ಟು ನವೀಕರಿಸಬಹುದಾದ ಇಂಧನ ಸಾಮರ್ಥ್ಯದಲ್ಲಿ 57% ಪಾಲನ್ನು ಹೊಂದಿದೆ.
• ಮುಂಚೂಣಿಯಲ್ಲಿರುವ ರಾಜ್ಯಗಳು: ದೊಡ್ಡ ಪ್ರಮಾಣದ (Utility-Scale) ಸೌರ ಯೋಜನೆಗಳ ಸ್ಥಾಪನೆಯಲ್ಲಿ ಗುಜರಾತ್ (40%), ರಾಜಸ್ಥಾನ (19%) ಮತ್ತು ಮಹಾರಾಷ್ಟ್ರ (17%) ಮೊದಲ ಮೂರು ಸ್ಥಾನಗಳಲ್ಲಿವೆ.

➤ ಭಾರತ ಸರ್ಕಾರದ ಪ್ರಮುಖ ನೀತಿಗಳು ಮತ್ತು ಯೋಜನೆಗಳು:

• ಪ್ರಧಾನಮಂತ್ರಿ ಸೂರ್ಯ ಸರೋವರ ಯೋಜನೆ (PM-SSY): ಇತ್ತೀಚೆಗೆ ಕೇಂದ್ರ ಸಂಪುಟವು ₹5,070 ಕೋಟಿ ವೆಚ್ಚದಲ್ಲಿ 5 GW ಸಾಮರ್ಥ್ಯದ ಫ್ಲೋಟಿಂಗ್ (ತೇಲುವ) ಸೌರ PV ಯೋಜನೆಗಳು ಮತ್ತು ಬ್ಯಾಟರಿ ಎನರ್ಜಿ ಸ್ಟೋರೇಜ್ ಸಿಸ್ಟಮ್ (BESS) ಸ್ಥಾಪನೆಗೆ ಅನುಮೋದನೆ ನೀಡಿದೆ.
• PLI ಯೋಜನೆ (Production Linked Incentive): ದೇಶೀಯವಾಗಿ ಸೌರ ಕೋಶಗಳು (Cells) ಮತ್ತು ಮೊಡ್ಯೂಲ್‌ಗಳ ಉತ್ಪಾದನೆಯನ್ನು ಉತ್ತೇಜಿಸಲು ಸರ್ಕಾರವು 48,000 MW ಗೂ ಹೆಚ್ಚಿನ ಸಾಮರ್ಥ್ಯಕ್ಕೆ PLI ಬೆಂಬಲ ನೀಡಿದೆ.
• ALMM (Approved List of Models and Manufacturers): ವಿದೇಶಿ (ಮುಖ್ಯವಾಗಿ ಚೀನಾ) ಉಪಕರಣಗಳ ಮೇಲಿನ ಅವಲಂಬನೆ ತಗ್ಗಿಸಲು ಕೇಂದ್ರ ಇಂಧನ ಸಚಿವಾಲಯವು ಗುಣಮಟ್ಟದ ದೇಶೀಯ ತಯಾರಕರ ಪಟ್ಟಿಯನ್ನು (ALMM) ಕಡ್ಡಾಯಗೊಳಿಸಿದೆ.
• PM-ಸೂರ್ಯ ಘರ್: ಉಚಿತ ಬಿಜಲಿ ಯೋಜನೆ: ಮನೆಗಳ ಮೇಲ್ಛಾವಣಿ (Rooftop Solar) ಸೌರ ಘಟಕಗಳನ್ನು ಅಳವಡಿಸಲು ಸಬ್ಸಿಡಿ ನೀಡುವ ಯೋಜನೆ.

➤ ಭಾರತದ ಪ್ರಮುಖ ಸೌರ ಉಪಕರಣ ತಯಾರಿಕಾ ಸಂಸ್ಥೆಗಳು - 2026

1    ವಾರಿ ಎನರ್ಜೀಸ್:ಗುಜರಾತ್ 
2    ಎಮ್‌ವಿ Solar (Emmvee): ಕರ್ನಾಟಕ 
3    ಗೋಲ್ಡಿ ಸೋಲಾರ್ (Goldi Solar): ಗುಜರಾತ್ 
4    ಪ್ರೀಮಿಯರ್ ಎನರ್ಜೀಸ್ : ತೆಲಂಗಾಣ 
5    ವಿಕ್ರಮ್ ಸೋಲಾರ್ : ಪಶ್ಚಿಮ ಬಂಗಾಳ ಮತ್ತು ತಮಿಳುನಾಡು
6    ಅದಾನಿ/ಮುಂಡ್ರಾ ಸೋಲಾರ್ : ಗುಜರಾತ್ 
7    ರಿನ್ಯೂಸಿಸ್ ಇಂಡಿಯಾ : ಕರ್ನಾಟಕ, ತೆಲಂಗಾಣ, ಮಹಾರಾಷ್ಟ್ರ    
8    ಟಾಟಾ ಪವರ್ ಸೋಲಾರ್ : ಕರ್ನಾಟಕ, ತಮಿಳುನಾಡು    
9    ರಿಲಯನ್ಸ್ ಇಂಡಸ್ಟ್ರೀಸ್ : ಜಾಮ್‌ನಗರ, ಗುಜರಾತ್    
10    ಫಸ್ಟ್ ಸೋಲಾರ್ : ತಮಿಳುನಾಡು 

➤ ಕರ್ನಾಟಕದ ವಿಶೇಷತೆ: ಕರ್ನಾಟಕದ ಬೆಂಗಳೂರು ಮತ್ತು ದೊಡ್ಡಬಳ್ಳಾಪುರ ಭಾಗಗಳಲ್ಲಿ Emmvee, Tata Power Solar, RenewSys ನಂತಹ ಪ್ರಮುಖ ಸೌರ ಉಪಕರಣ ತಯಾರಿಕಾ ಘಟಕಗಳಿದ್ದು, ರಾಜ್ಯವು ಸೌರ ತಯಾರಿಕಾ ವಲಯದಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿದೆ.