➤ ಡಿಜಿಟಲ್ ಜಾಲತಾಣಗಳಲ್ಲಿ ಮಕ್ಕಳ ಲೈಂಗಿಕ ಶೋಷಣೆ ಮತ್ತು ನಿಂದನೆಗೆ (CSAM - Child Sexual Abuse Material) ಸಂಬಂಧಿಸಿದ ಕಂಟೆಂಟ್ ಪ್ರಸಾರ ತಡೆಯಲು ವಿಫಲವಾದರೆ, 'ಮೆಟಾ' (Meta - Facebook, Instagram, WhatsApp) ಸಂಸ್ಥೆಗೆ ಭಾರತದಲ್ಲಿ ನೀಡಲಾಗಿರುವ 'ಸೇಫ್ ಹಾರ್ಬರ್' (Safe Harbour) ರಕ್ಷಣೆಯನ್ನು ರದ್ದುಗೊಳಿಸಲಾಗುವುದು ಎಂದು ಕೇಂದ್ರ ಎಲೆಕ್ಟ್ರಾನಿಕ್ಸ್ ಮತ್ತು ಐಟಿ ಸಚಿವಾಲಯ (MeitY) ಖಡಕ್ ಎಚ್ಚರಿಕೆ ನೀಡಿದೆ. ಸಚಿವಾಲಯದ ಹಿರಿಯ ಅಧಿಕಾರಿಗಳು ಹಾಗೂ ಮೆಟಾ ಸಂಸ್ಥೆಯ ಉನ್ನತ ಮಟ್ಟದ ನಿಯೋಗದ ನಡುವೆ ನಡೆದ ಮಾತುಕತೆಯ ನಂತರ ಈ ಮಹತ್ವದ ಬೆಳವಣಿಗೆ ಹೊರಬಿದ್ದಿದೆ.

• ನಿಯಮ ಉಲ್ಲಂಘಿಸಿದರೆ ವಿನಾಯಿತಿ ಇಲ್ಲ: ಭಾರತದ ಕಾನೂನುಗಳನ್ನು ಉಲ್ಲಂಘಿಸುವ ಯಾವುದೇ ಸೋಷಿಯಲ್ ಮೀಡಿಯಾ ಸಂಸ್ಥೆಗೆ ಕಾನೂನಾತ್ಮಕ ರಕ್ಷಣೆ ಸಿಗುವುದಿಲ್ಲ ಎಂದು ಕೇಂದ್ರ ಸರ್ಕಾರ ಸ್ಪಷ್ಟಪಡಿಸಿದೆ.
• AI & Deepfake ಲೇಬಲಿಂಗ್ ಕಡ್ಡಾಯ: ಕೃತಕ ಬುದ್ಧಿಮತ್ತೆ (AI) ಹಾಗೂ ಡೀಪ್‌ಫೇಕ್ ತಂತ್ರಜ್ಞಾನದಿಂದ ಸೃಷ್ಟಿಯಾದ ವಿಡಿಯೋ ಮತ್ತು ಚಿತ್ರಗಳಿಗೆ ಕಡ್ಡಾಯವಾಗಿ'AI-Generated'ಎಂದು ಲೇಬಲ್ ಮಾಡಬೇಕು.
• ತಾಂತ್ರಿಕ ಬದಲಾವಣೆಗೆ ಮೆಟಾ ಸಮ್ಮತಿ: ಸರ್ಕಾರದ ಎಚ್ಚರಿಕೆಯ ನಂತರ, ತನ್ನ ಅಲ್ಗಾರಿದಮ್ ಮತ್ತು ತಾಂತ್ರಿಕ ವ್ಯವಸ್ಥೆಯಲ್ಲಿ ಅಗತ್ಯ ಬದಲಾವಣೆಗಳನ್ನು ಮಾಡಲು ಮೆಟಾ ಒಪ್ಪಿಕೊಂಡಿದೆ.
• ಭಾರತೀಯ ಭಾಷಾ ಸೂಕ್ಷ್ಮತೆ: ಕಂಟೆಂಟ್ ಮಾಡರೇಷನ್ ಪ್ರಕ್ರಿಯೆಯಲ್ಲಿ ಕೇವಲ ಜಾಗತಿಕ ಮಾನದಂಡಗಳನ್ನು ಬಳಸದೆ, ಭಾರತೀಯ ಪ್ರಾದೇಶಿಕ ಭಾಷೆಗಳು ಮತ್ತು ಸಾಂಸ್ಕೃತಿಕ ಸೂಕ್ಷ್ಮತೆಗಳನ್ನು ಪರಿಗಣಿಸಲು ಸರ್ಕಾರ ಸೂಚಿಸಿದೆ.

➤ 'ಸೇಫ್ ಹಾರ್ಬರ್':ಮಾಹಿತಿ ತಂತ್ರಜ್ಞಾನ ಕಾಯ್ದೆ (IT Act, 2000) ರ ಸೆಕ್ಷನ್ 79 (Section 79) ರ ಅಡಿಯಲ್ಲಿ ಸಾಮಾಜಿಕ ಜಾಲತಾಣಗಳಿಗೆ ಈ ರಕ್ಷಣೆ ಸಿಗುತ್ತದೆ.

• ಕಾರ್ಯವೈಖರಿ: ಬಳಕೆದಾರರು (Users) ಅಪ್‌ಲೋಡ್ ಮಾಡುವ ಕಾನೂನುಬಾಹಿರ ಅಥವಾ ಅಪರಾಧಕಾರಿ ಪೋಸ್ಟ್‌ಗಳಿಗೆ ಮಧ್ಯವರ್ತಿ ಸಂಸ್ಥೆಗಳು (Facebook, X, Instagram) ನೇರ ಕಾನೂನು ಹೊಣೆಗಾರರಾಗುವುದಿಲ್ಲ.
• ಪರಿಣಾಮ: ಒಂದು ವೇಳೆ ಈ ರಕ್ಷಣೆ ರದ್ದಾದರೆ, ವೇದಿಕೆಯಲ್ಲಿ ಪ್ರಕಟವಾಗುವ ಪ್ರತಿಯೊಂದು ಕಾನೂನುಬಾಹಿರ ಪೋಸ್ಟ್‌ಗೂ ಮೆಟಾ ಸಂಸ್ಥೆಯನ್ನೇ ನೇರ ಪ್ರಕಾಶಕರು (Publisher) ಎಂದು ಪರಿಗಣಿಸಿ ಕ್ರಿಮಿನಲ್ ಮೊಕದ್ದಮೆ ಹೂಡಬಹುದು.
• KAS, PSI, PC, FDA, SDA, RRB, PDO ಸೇರಿದಂತೆ ಇನ್ನಿತರ ಪರೀಕ್ಷೆಗಳ ಹಳೆ ಪ್ರಶ್ನೆ ಪತ್ರಿಕೆಗಳನ್ನು ಅಭ್ಯಾಸ ಮಾಡಲು ಇಲ್ಲಿ ಕ್ಲಿಕ್ ಮಾಡಿ