➤ ಭಾರತವು 2036ರ ಒಲಿಂಪಿಕ್ಸ್ ಕ್ರೀಡಾಕೂಟದ ಅತಿಥೇಯ ವಹಿಸುವ ಪ್ರಬಲ ಸ್ಪರ್ಧಿಯಾಗಲು ಸಜ್ಜಾಗುತ್ತಿದೆ. ಈ ಐತಿಹಾಸಿಕ ಕ್ರೀಡಾ ಕನಸನ್ನು ನನಸು ಮಾಡಲು ದೇಶದ ಕ್ರೀಡಾ ಕ್ಷೇತ್ರದಲ್ಲಿ ಕ್ರಾಂತಿಕಾರಿ ಹೆಜ್ಜೆಯನ್ನಿಡಲಾಗಿದೆ. 80ನೇ ಸ್ವಾತಂತ್ರ್ಯ ದಿನಾಚರಣೆಯ ಅಂಗವಾಗಿ ದೆಹಲಿಯ ಕೆಂಪುಕೋಟೆಯಿಂದ ದೇಶವನ್ನು ಉದ್ದೇಶಿಸಿ ಮಾತನಾಡಿದ ಪ್ರಧಾನಮಂತ್ರಿ ನರೇಂದ್ರ ಮೋದಿ, 5 ರಿಂದ 15 ವರ್ಷ ವಯಸ್ಸಿನ ಮಕ್ಕಳಿಗಾಗಿ ದೇಶವ್ಯಾಪಿ ಕ್ರೀಡಾ ಪ್ರತಿಭೆ ಅನ್ವೇಷಣೆ (Nationwide Talent Hunt) ಕಾರ್ಯಕ್ರಮವನ್ನು ಘೋಷಿಸಿದ್ದಾರೆ.
➤ ಒಲಿಂಪಿಕ್ಸ್‌ನಂತಹ ಜಾಗತಿಕ ಕ್ರೀಡಾಕೂಟಗಳಲ್ಲಿ ಭಾರತದ ಭಾಗವಹಿಸುವಿಕೆಯನ್ನು ವಿಸ್ತರಿಸುವುದು ಈ ಯೋಜನೆಯ ಮೂಲ ಉದ್ದೇಶವಾಗಿದೆ.

• ಪ್ರಸ್ತುತ ಸ್ಥಿತಿ: ಒಲಿಂಪಿಕ್ಸ್‌ನಲ್ಲಿ ಸುಮಾರು 40 ಕ್ರೀಡಾ ವಿಭಾಗಗಳು ಹಾಗೂ 350 ಪದಕ ಸ್ಪರ್ಧೆಗಳಿರುತ್ತವೆ (Medal Events). ಪ್ರಸ್ತುತ ಭಾರತವು ಇದರಲ್ಲಿ ಕೇವಲ ಮೂರನೇ ಒಂದು ಭಾಗದಷ್ಟು (1/3rd) ಸ್ಪರ್ಧೆಗಳಲ್ಲಿ ಮಾತ್ರ ಅರ್ಹತೆ ಪಡೆಯುತ್ತಿದೆ.

• ಭವಿಷ್ಯದ ಗುರಿ: 2036ರ ವೇಳೆಗೆ ಒಲಿಂಪಿಕ್ಸ್‌ನ ಕನಿಷ್ಠ ಮೂರು-ನಾಲ್ಕನೇ (3/4th) ಭಾಗದಷ್ಟು ಅಂದರೆ 75% ಸ್ಪರ್ಧೆಗಳಲ್ಲಿ ಭಾರತೀಯ ಕ್ರೀಡಾಪಟುಗಳು ಸ್ಪರ್ಧಿಸುವಂತೆ ಮಾಡುವುದು ಸರಕಾರದ ಗುರಿಯಾಗಿದೆ.

• ತಳಮಟ್ಟದಿಂದ ಅನ್ವೇಷಣೆ (Grassroots Level): ಹಳ್ಳಿಗಳು, ಸಣ್ಣ ನಗರಗಳು ಮತ್ತು ಶಾಲಾ ಮಟ್ಟದಲ್ಲಿ ಅಡಗಿರುವ ಗ್ರಾಮೀಣ ಪ್ರತಿಭೆಗಳನ್ನು ಗುರುತಿಸಿ, ಅವರಿಗೆ ವಿಶ್ವದರ್ಜೆಯ ತರಬೇತಿ ಮತ್ತು ಪೋಷಣೆ ನೀಡುವುದು.

➤ 5-15 ವರ್ಷ ವಯಸ್ಸಿನ ಗುಂಪು: 

ಕ್ರೀಡಾ ವಿಜ್ಞಾನದ ಪ್ರಕಾರ, ಕ್ರೀಡಾಪಟುಗಳನ್ನು ಅಂತರರಾಷ್ಟ್ರೀಯ ಮಟ್ಟಕ್ಕೆ ಸಿದ್ಧಗೊಳಿಸಲು ಬಾಲ್ಯದಲ್ಲೇ ತರಬೇತಿ ನೀಡುವುದು ಕಡ್ಡಾಯ.

1. ದೀರ್ಘಾವಧಿ ಅಭಿವೃದ್ಧಿ: 10 ರಿಂದ 12 ವರ್ಷಗಳ ನಿರಂತರ ತರಬೇತಿಯು ಕ್ರೀಡಾಪಟುವಿನ ಶಕ್ತಿ, ಚುರುಕುತನ ಮತ್ತು ಮಾನಸಿಕ ಸ್ಥಿರತೆಯನ್ನು ಹೆಚ್ಚಿಸುತ್ತದೆ.

2. ತಾಂತ್ರಿಕ ಕೌಶಲ್ಯ: ಚಿಕ್ಕ ವಯಸ್ಸಿನಲ್ಲೇ ಸೈಕ್ಲಿಂಗ್, ಈಜು (Aquatics), ರೋಯಿಂಗ್ ಮತ್ತು ಜಿಮ್ನಾಸ್ಟಿಕ್ಸ್‌ನಂತಹ ಕ್ರೀಡೆಗಳಲ್ಲಿ ಪ್ರವೀಣತೆ ಪಡೆಯಲು ಸಾಧ್ಯವಾಗುತ್ತದೆ.

3. ಉದಾಹರಣೆ: 2008ರ ಬೀಜಿಂಗ್ ಒಲಿಂಪಿಕ್ಸ್‌ನಲ್ಲಿ ಚೀನಾ ದೇಶವು ಇದೇ ತಳಮಟ್ಟದ ಮಾದರಿಯನ್ನು ಬಳಸಿ 100 ಪದಕಗಳನ್ನು ಗೆದ್ದು ಜಾಗತಿಕ ಕ್ರೀಡಾ ಶಕ್ತಿಯಾಗಿ ಹೊರಹೊಮ್ಮಿತ್ತು.

➤ ಎಐ (Artificial Intelligence) ತಂತ್ರಜ್ಞಾನದ ಬಳಕೆ: ಈ ದೇಶವ್ಯಾಪಿ ಅನ್ವೇಷಣೆಯಲ್ಲಿ ಕೃತಕ ಬುದ್ಧಿಮತ್ತೆ (AI) ಅತ್ಯಂತ ಪ್ರಮುಖ ಪಾತ್ರ ವಹಿಸಲಿದೆ. ಮಕ್ಕಳ ಹೃದಯರಕ್ತನಾಳದ ಸಹಿಷ್ಣುತೆ (Cardiovascular Endurance), ಸ್ನಾಯು ಶಕ್ತಿ, ನಮ್ಯತೆ (Flexibility) ಮತ್ತು ಸಮತೋಲನವನ್ನು ವೈಜ್ಞಾನಿಕವಾಗಿ ಪರೀಕ್ಷಿಸಲು AI ಆಧಾರಿತ 'ಫಿಟ್‌ನೆಸ್ ಬ್ಯಾಟರಿ ಟೆಸ್ಟ್'ಗಳನ್ನು (Fitness Battery Tests) ಬಳಸಲಾಗುತ್ತದೆ.