➤ ಭಾರತದ ಮೂಲಸೌಕರ್ಯ ಕ್ಷೇತ್ರದಲ್ಲಿ ಅಭೂತಪೂರ್ವ ಬದಲಾವಣೆ ತರಲು ಆರಂಭಿಸಲಾದ 'ಪ್ರಧಾನಮಂತ್ರಿ ಗತಿ ಶಕ್ತಿ ರಾಷ್ಟ್ರೀಯ ಮಾಸ್ಟರ್ ಪ್ಲಾನ್' (PM GatiShakti National Master Plan) ಅಡಿಯಲ್ಲಿ ದೇಶಾದ್ಯಂತ ₹18.66 ಲಕ್ಷ ಕೋಟಿ ಮೌಲ್ಯದ 396 ಬೃಹತ್ ಯೋಜನೆಗಳನ್ನು ಪರಿಶೀಲಿಸಲಾಗಿದ್ದು, ಈ ಪೈಕಿ 256 ಯೋಜನೆಗಳಿಗೆ ಹಸಿರು ನಿಶಾನೆ ನೀಡಲಾಗಿದೆ. ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯ ನೀಡಿರುವ ಅಧಿಕೃತ ಮಾಹಿತಿ ಪ್ರಕಾರ, ಅನುಮೋದನೆಗೊಂಡ ಯೋಜನೆಗಳಲ್ಲಿ ಈಗಾಗಲೇ198 ಯೋಜನೆಗಳ ಕಾಮಗಾರಿ ಭರದಿಂದ ಸಾಗುತ್ತಿದೆ.
➤ 'ನೆಟ್‌ವರ್ಕ್ ಪ್ಲಾನಿಂಗ್ ಗ್ರೂಪ್' (NPG):ಪಿಎಂ ಗತಿ ಶಕ್ತಿ ಯೋಜನೆಯಡಿಯಲ್ಲಿ ₹500 ಕೋಟಿಗೂ ಹೆಚ್ಚು ವೆಚ್ಚದ ಪ್ರತಿಯೊಂದು ಸಾರಿಗೆ ಮತ್ತು ಮೂಲಸೌಕರ್ಯ ಯೋಜನೆಯನ್ನುನೆಟ್‌ವರ್ಕ್ ಪ್ಲಾನಿಂಗ್ ಗ್ರೂಪ್ (NPG)ಮೂಲಕ ಪರಿಶೀಲಿಸಲಾಗುತ್ತದೆ. ಯೋಜನೆಗಳು ಒಂದಕ್ಕೊಂದು ಪೂರಕವಾಗಿವೆಯೇ, ಸ್ಥಳೀಯವಾಗಿ ವೆಚ್ಚ ಕಡಿತ ಸಾಧ್ಯವೇ ಮತ್ತು ಬಹುಮಾದರಿ ಸಂಪರ್ಕ (Multimodal Connectivity) ಕಲ್ಪಿಸುತ್ತವೆಯೇ ಎಂಬುದನ್ನು ಈ ಗ್ರೂಪ್ ಮೌಲ್ಯಮಾಪನ ಮಾಡುತ್ತದೆ.
➤ 'ಸರ್ಕಾರದ ಸಮಗ್ರ ದೃಷ್ಟಿಕೋನ': ಈ ಯೋಜನೆಯ ಪ್ರಮುಖ ವಿಶೇಷತೆಯೆಂದರೆ 'Whole of Government Approach' (ಸರ್ಕಾರದ ಸಮಗ್ರ ದೃಷ್ಟಿಕೋನ).

• ಹಿಂದೆ ವಿವಿಧ ಇಲಾಖೆಗಳ ನಡುವೆ ಸಮನ್ವಯದ ಕೊರತೆಯಿಂದಾಗಿ ಯೋಜನೆಗಳು ವಿಳಂಬವಾಗುತ್ತಿದ್ದವು (ಉದಾಹರಣೆಗೆ: ರಸ್ತೆ ನಿರ್ಮಾಣವಾದ ತಕ್ಷಣವೇ ಪೈಪ್‌ಲೈನ್ ಅಥವಾ ಕೇಬಲ್‌ಗಾಗಿ ಮತ್ತೆ ರಸ್ತೆ ಅಗೆಯುವುದು).

• ಆದರೆ ಗತಿ ಶಕ್ತಿ ಡಿಜಿಟಲ್ ಪ್ಲಾಟ್‌ಫಾರ್ಮ್ ಮೂಲಕ ಜಿಯೋಸ್ಪೇಷಿಯಲ್ (Geospatial) ಡೇಟಾ, ಸ್ಯಾಟಲೈಟ್ ಇಮೇಜರಿ ಮತ್ತು GIS ಮ್ಯಾಪಿಂಗ್ ಬಳಸಿ ಎಲ್ಲಾ ಇಲಾಖೆಗಳು ಒಂದೇ ವೇದಿಕೆಯಲ್ಲಿ ಯೋಜನೆ ರೂಪಿಸುತ್ತವೆ.

• ಪ್ರಸ್ತುತ58 ಕೇಂದ್ರ ಸಚಿವಾಲಯಗಳು ಹಾಗೂ ಎಲ್ಲಾ 36 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳುಈ ನೆಟ್‌ವರ್ಕ್‌ನಲ್ಲಿದ್ದು, ಯೋಜನಾ ಪ್ರಕ್ರಿಯೆಯಲ್ಲಿ ಪಾರದರ್ಶಕತೆ ತಂದಿವೆ.

➤ ಆರ್ಥಿಕತೆಗೆ ಬೂಸ್ಟರ್ ಡೋಸ್: IIM ಬೆಂಗಳೂರು ಅಧ್ಯಯನ: ಐಐಎಂ ಬೆಂಗಳೂರು (IIM Bangalore) ನಡೆಸಿದ ಅಧ್ಯಯನದ ಪ್ರಕಾರ, ಗತಿ ಶಕ್ತಿ ಯೋಜನೆಯಡಿ ಮೂಲಸೌಕರ್ಯದಲ್ಲಿ ಹೂಡಿಕೆ ಮಾಡುವ ಪ್ರತಿ 1 ರೂಪಾಯಿಯು ದೇಶದ ಜಿಡಿಪಿ (GDP) ಗೆ 3.2 ರೂಪಾಯಿಗಳಷ್ಟು ಮೌಲ್ಯವನ್ನು ಸೃಷ್ಟಿಸುತ್ತಿದೆ.

• ಲಾಜಿಸ್ಟಿಕ್ಸ್ ವೆಚ್ಚ ಕಡಿತ: ಭಾರತದಲ್ಲಿ ಪ್ರಸ್ತುತ ಹೆಚ್ಚಾಗಿರುವ ಲಾಜಿಸ್ಟಿಕ್ಸ್ ವೆಚ್ಚವನ್ನು (ಸಾಗಣೆ ವೆಚ್ಚ) ಕಡಿತಗೊಳಿಸಿ, ದೇಶೀಯ ಉದ್ಯಮಗಳನ್ನು ಜಾಗತಿಕ ಮಟ್ಟದಲ್ಲಿ ಸ್ಪರ್ಧಾತ್ಮಕವಾಗಿಸುವುದು ಇದರ ಮುಖ್ಯ ಗುರಿ.

• ಪ್ರಮುಖ ವಲಯಗಳು: ರಸ್ತೆ ಸಾರಿಗೆ (Highways), ರೈಲ್ವೆ, ಬಂದರುಗಳು, ನಾಗರಿಕ ವಿಮಾನಯಾನ, ವಿದ್ಯುತ್, ದೂರಸಂಪರ್ಕ ಮತ್ತು ಕೈಗಾರಿಕಾ ಕಾರಿಡಾರ್‌ಗಳು ಈ ಯೋಜನೆಯಲ್ಲಿ ಸೇರಿವೆ.

KAS, PSI, PC, FDA, SDA, RRB, PDO ಸೇರಿದಂತೆ ಇನ್ನಿತರ ಪರೀಕ್ಷೆಗಳ ಹಳೆ ಪ್ರಶ್ನೆ ಪತ್ರಿಕೆಗಳನ್ನು ಅಭ್ಯಾಸ ಮಾಡಲು ಇಲ್ಲಿ ಕ್ಲಿಕ್ ಮಾಡಿ