➤ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ದೇಶದಲ್ಲಿ ಪಾಲಿಮರ್ (ಪ್ಲಾಸ್ಟಿಕ್ ಆಧಾರಿತ) ಬ್ಯಾಂಕ್ ನೋಟುಗಳನ್ನುಕ್ಷೇತ್ರ ಮಟ್ಟದ ಪ್ರಾಯೋಗಿಕ ಪರೀಕ್ಷೆಗೆ (Field Trials) ಪರಿಚಯಿಸಲು ಸಲ್ಲಿಸಿದ್ದ ಪ್ರಸ್ತಾವನೆಗೆ ಕೇಂದ್ರ ಹಣಕಾಸು ಸಚಿವಾಲಯವು ಅಧಿಕೃತ ಅನುಮೋದನೆ ನೀಡಿದೆ. 
➤ ಆರ್‌ಬಿಐನ ಕೇಂದ್ರೀಯ ಮಂಡಳಿಯು RBI Act-1934 ರ ಸೆಕ್ಷನ್ 25 ರ ಅಡಿಯಲ್ಲಿ ಈ ಪ್ರಸ್ತಾವನೆಯನ್ನು ಸಲ್ಲಿಕೆ ಮಾಡಿದ್ದು, ಆರಂಭಿಕ ಹಂತದಲ್ಲಿ ₹10 ಮತ್ತು ₹20 ಮುಖಬೆಲೆಯ ತಲಾ 1 ಶತಕೋಟಿ (100 ಕೋಟಿ) ನೋಟುಗಳನ್ನು ಕ್ಷೇತ್ರ ಮಟ್ಟದಲ್ಲಿ ಪರೀಕ್ಷಿಸಲು ಉದ್ದೇಶಿಸಲಾಗಿದೆ. ಈ ಪ್ರಯೋಗ ಯಶಸ್ವಿಯಾದ ನಂತರ ಈ ನೋಟುಗಳನ್ನು ನಿಯಮಿತವಾಗಿ ವಿತರಿಸುವ ಯೋಜನೆಯಿದೆ.
➤ ಪಾಲಿಮರ್ ನೋಟುಗಳ ಪ್ರಮುಖ ಲಕ್ಷಣಗಳು:

• ಕಚ್ಚಾವಸ್ತು: ಸಾಂಪ್ರದಾಯಿಕ ಹತ್ತಿ ಕಾಗದದ (Cotton Paper Substrate) ಬದಲು Biaxially Oriented Polypropylene (BOPP) ಎಂಬ ಪಾಲಿಮರ್ ವಸ್ತುವಿನಿಂದ ನೋಟುಗಳನ್ನು ತಯಾರಿಸಲಾಗುತ್ತದೆ.

• ಸುಧಾರಿತ ಬಾಳಿಕೆ: ಈ ನೋಟುಗಳು ನೀರು, ತೇವಾಂಶ, ಎಣ್ಣೆ ಮತ್ತು ಕೊಳಕಿನಿಂದ ಹಾಳಾಗುವುದಿಲ್ಲ. ಸಾಮಾನ್ಯ ಕಾಗದದ ನೋಟುಗಳಿಗೆ ಹೋಲಿಸಿದರೆ 2.5 ರಿಂದ 4 ಪಟ್ಟು ಹೆಚ್ಚು ಕಾಲ ಬಾಳಿಕೆ ಬರುತ್ತವೆ.

• ಸುರಕ್ಷತಾ ವೈಶಿಷ್ಟ್ಯಗಳು (Security Features): ಇವುಗಳಲ್ಲಿ ಪಾರದರ್ಶಕ ಕಿಟಕಿಗಳು (Transparent Windows) ಮತ್ತು ಸುಧಾರಿತ ಸುರಕ್ಷತಾ ಎಳೆಗಳನ್ನು ಅಳವಡಿಸಲು ಸಾಧ್ಯವಿರುವುದರಿಂದ ಕಳ್ಳನೋಟು (Counterfeiting) ತಡೆಯುವುದು ಸುಲಭ.