ಭಾರತ ಸರ್ಕಾರದ 'ಇಂಡಿಯಾ ಕೋಡ್ ಪೋರ್ಟಲ್' ಪುನರಾರಂಭ

➤ ಕೇಂದ್ರ ಸರ್ಕಾರದ ಕಾನೂನು ಮತ್ತು ನ್ಯಾಯ ಸಚಿವಾಲಯವು ದೇಶದ ನಾಗರಿಕರು, ವಕೀಲರು, ಸಂಶೋಧಕರು, ನ್ಯಾಯಾಂಗ ಮತ್ತು ಸರ್ಕಾರಿ ಇಲಾಖೆಗಳಿಗೆ ದೇಶದ ಶಾಸನಬದ್ಧ ಮಾಹಿತಿಗಳನ್ನು ಸುಲಭವಾಗಿ ತಲುಪಿಸುವ ಉದ್ದೇಶದಿಂದ ನವೀಕರಿಸಿದ 'ಇಂಡಿಯಾ ಕೋಡ್ ಪೋರ್ಟಲ್' (India Code Portal) ಅನ್ನು ನವದೆಹಲಿಯಲ್ಲಿ ಬಿಡುಗಡೆ ಮಾಡಿದೆ. ಈ ಪೋರ್ಟಲ್ ಭಾರತದ ಸಂವಿಧಾನ, ಕೇಂದ್ರ ಕಾಯ್ದೆಗಳು (Central Acts), ರಾಜ್ಯ ಕಾಯ್ದೆಗಳು, ನಿಯಮಗಳು ಹಾಗೂ ತಿದ್ದುಪಡಿಗಳ ಅಧಿಕೃತ ಡಿಜಿಟಲ್ ಸಂಗ್ರಹಾಗಾರವಾಗಿ (Digital Repository) ಕಾರ್ಯನಿರ್ವಹಿಸುತ್ತದೆ.
➤ ನವೀಕರಿಸಿದ ಪೋರ್ಟಲ್‌ನ ಪ್ರಮುಖ ವೈಶಿಷ್ಟ್ಯಗಳು: 
ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ಆಧಾರಿತ ಶೋಧನೆ: ಪೋರ್ಟಲ್‌ನಲ್ಲಿ AI ಆಧಾರಿತ ಸೆಮ್ಯಾಂಟಿಕ್ ಶೋಧನೆ (Semantic Search) ಮತ್ತು ಧ್ವನಿ ಆಧಾರಿತ ಶೋಧನೆ (Speech-based Search) ಸೌಲಭ್ಯ ಒದಗಿಸಲಾಗಿದೆ.
22 ಅಧಿಕೃತ ಭಾಷೆಗಳಲ್ಲಿ ಲಭ್ಯ (Multilingual Access): ಭಾರತೀಯ ಸಂವಿಧಾನದ 8ನೇ ಅನುಸೂಚಿಯಲ್ಲಿರುವ (8th Schedule) ಎಲ್ಲಾ 22 ಅಧಿಕೃತ ಭಾಷೆಗಳಲ್ಲಿ ಕಾನೂನು ದಾಖಲೆಗಳನ್ನು ಪ್ರವೇಶಿಸಲು AI ತಂತ್ರಜ್ಞಾನ ಬಳಸಲಾಗಿದೆ.
ಇ-ಗಜೆಟ್ (e-Gazette) ಸಂಯೋಜನೆ: ಭಾರತ ಸರ್ಕಾರದ ಅಧಿಕೃತ ಇ-ಗಜೆಟ್ ಪರಿಸರ ವ್ಯವಸ್ಥೆಯೊಂದಿಗೆ ನೇರ ಸಂಯೋಜನೆ ಹೊಂದಿದ್ದು, ಹೊಸ ತಿದ್ದುಪಡಿಗಳು ತಕ್ಷಣ ನವೀಕರಣಗೊಳ್ಳುತ್ತವೆ.
ಕ್ಯೂಆರ್ ಕೋಡ್ ಮತ್ತು ನಾಗರಿಕ ಪ್ರತಿಯುತ್ತರ ವ್ಯವಸ್ಥೆ: ಪ್ರತಿಯೊಂದು ಕಾನೂನು ದಾಖಲೆಗೆ QR-ಕೋಡ್ ಪ್ರವೇಶ ಮತ್ತು ಸಾರ್ವಜನಿಕರ ಅನಿಸಿಕೆ ದಾಖಲಿಸಲು structured citizen-feedback ವ್ಯವಸ್ಥೆ ನೀಡಲಾಗಿದೆ.
ಶಾಸನಬದ್ಧ ಇತಿಹಾಸ ಮತ್ತು ಸಂಪರ್ಕ: ಮೂಲ ಕಾಯ್ದೆಗಳು (Primary Acts) ಮತ್ತು ಅವುಗಳ ಅಡಿಯಲ್ಲಾಗುವ ಉಪ-ಕಾಯ್ದೆಗಳು/ನಿಯಮಗಳ ನಡುವೆ ನೇರ ಸಂಪರ್ಕ (Linkage) ಒದಗಿಸಲಾಗಿದ್ದು, ಶಾಸನಬದ್ಧ ಇತಿಹಾಸವನ್ನು (Legislative History) ಸುಲಭವಾಗಿ ತಿಳಿಯಬಹುದು.