* ಜಾಗತಿಕ ರಿಯಲ್‌ ಎಸ್ಟೇಟ್‌ ಪಾರದರ್ಶಕ ಸೂಚ್ಯಂಕ 2024ರಲ್ಲಿ ಭಾರತವು 31ನೇ ಸ್ಥಾನ ಪಡೆದಿದೆ ಎಂದು ಗ್ಲೋಬಲ್‌ ಪ್ರಾಪರ್ಟಿ ಕನ್ಸಲ್ಟೆನ್ಸಿ ಜೆಎಲ್‌ಎಲ್‌ ವರದಿ ತಿಳಿಸಿದೆ.*ಭಾರತದ ಶ್ರೇಣಿ-I ಮಾರುಕಟ್ಟೆಗಳು ಮೊದಲ ಬಾರಿಗೆ 2.44 ರ ಸಂಯೋಜಿತ ಸ್ಕೋರ್‌ನೊಂದಿಗೆ 'ಪಾರದರ್ಶಕ' ವಲಯಕ್ಕೆ ಪ್ರವೇಶಿಸಿವೆ ಎಂದು ತೋರಿಸಿದೆ. 89 ದೇಶಗಳ ಪಟ್ಟಿಯಲ್ಲಿ ಭಾರತವು ಗಮನಾರ್ಹವಾದ ಪ್ರಗತಿಯನ್ನು ಮಾಡಿದೆ, ಮೊದಲ ಬಾರಿಗೆ ಪಾರದರ್ಶಕ ಶ್ರೇಣಿಯನ್ನು ತಲುಪಿದೆ".* ಜಾಗತಿಕ ಪಟ್ಟಿಯಲ್ಲಿ ಯುನೈಟೆಡ್ ಕಿಂಗ್‌ಡಮ್ ಅಗ್ರಸ್ಥಾನದಲ್ಲಿದೆ (1.24 ಅಂಕಗಳೊಂದಿಗೆ) ಫ್ರಾನ್ಸ್, ಯುನೈಟೆಡ್ ಸ್ಟೇಟ್ಸ್, ಆಸ್ಟ್ರೇಲಿಯಾ, ಕೆನಡಾ, ನೆದರ್ಲ್ಯಾಂಡ್ಸ್, ನ್ಯೂಜಿಲೆಂಡ್, ಐರ್ಲೆಂಡ್, ಸ್ವೀಡನ್, ಜರ್ಮನಿ, ಜಪಾನ್, ಬೆಲ್ಜಿಯಂ ಮತ್ತು ಸಿಂಗಾಪುರ್ ನಂತರದ ಸ್ಥಾನದಲ್ಲಿವೆ.* ಪಾರದರ್ಶಕ ವಲಯದಲ್ಲಿ ಫಿನ್ಲೆಂಡ್ 22 ದೇಶಗಳಲ್ಲಿ ಅಗ್ರಸ್ಥಾನದಲ್ಲಿದೆ, ಹಾಂಗ್ ಕಾಂಗ್ SAR, ಡೆನ್ಮಾರ್ಕ್, ಸ್ವಿಟ್ಜರ್ಲೆಂಡ್, ಸ್ಪೇನ್, ಇಟಲಿ, ಪೋಲೆಂಡ್, ನಾರ್ವೆ, ಜೆಕ್ ರಿಪಬ್ಲಿಕ್, ಲಕ್ಸೆಂಬರ್ಗ್, ಹಂಗೇರಿ, ಪೋರ್ಚುಗಲ್, ಚೈನೀಸ್ ತೈಪೆ, ದಕ್ಷಿಣ ಕೊರಿಯಾ, ಯುಎಇ-ದುಬೈ, ದಕ್ಷಿಣ ಆಫ್ರಿಕಾ, ಚೀನಾ- ಶ್ರೇಣಿ 1, ಭಾರತ- ಶ್ರೇಣಿ 1, ಥೈಲ್ಯಾಂಡ್, ಮಲೇಷ್ಯಾ, ರೊಮೇನಿಯಾ ಮತ್ತು ಸ್ಲೋವಾಕಿಯಾ.* ಉಳಿದ ದೇಶಗಳು ಅರೆ-ಪಾರದರ್ಶಕ, ಕಡಿಮೆ ಪಾರದರ್ಶಕತೆ ವಲಯಗಳಲ್ಲಿವೆ.* ದೇಶದ ರಿಯಲ್ ಎಸ್ಟೇಟ್ ಕ್ಷೇತ್ರದ ಸುಧಾರಣೆಗಾಗಿ ರೇರಾ ಕಾಯ್ದೆ ಜಾರಿಯಾಗಿದೆ. ಇದರಡಿ ಹೂಡಿಕೆದಾರರಿಗೆ ರಕ್ಷಣೆ ಸಿಕ್ಕಿದೆ. ಭೂ ದಾಖಲೆಗಳ ಡಿಜಿಟಲೀಕರಣವು ಹೆಚ್ಚಿನ ಪಾರದರ್ಶಕತೆಗೆ ಒತ್ತು ನೀಡಿದೆ. ಇದು ರಿಯಾಲ್ಟಿ ವಲಯದ ಬೆಳವಣಿಗೆಗೆ ಸಹಕಾರಿಯಾಗಿದೆ' ಎಂದು ವರದಿ ಹೇಳಿದೆ.
