➤ ಭಾರತ ಮತ್ತು ನೇಪಾಳ ನಡುವಿನ ಶತಮಾನಗಳಷ್ಟು ಹಳೆಯ ರಕ್ಷಣಾ ಬಾಂಧವ್ಯಕ್ಕೆ ಮತ್ತಷ್ಟು ಶಕ್ತಿ ತುಂಬುವ ಉದ್ದೇಶದಿಂದ, ಭಾರತೀಯ ಸೇನಾ ಮುಖ್ಯಸ್ಥ ಜನರಲ್ ಧೀರಜ್ ಸೇಥ್ ಅವರಿಗೆ ನೇಪಾಳ ಸೇನೆಯ ಉನ್ನತ ಗೌರವ ಹುದ್ದೆಯಾದ ‘ಜನರಲ್ ಆಫ್ ನೇಪಾಳಿ ಆರ್ಮಿ’ (Honorary General of the Nepali Army) ಪದವಿಯನ್ನು ಪ್ರದಾನ ಮಾಡಲಾಗಿದೆ.
➤ ನೇಪಾಳಕ್ಕೆ ಮೂರು ದಿನಗಳ ಅಧಿಕೃತ ಭೇಟಿ ನೀಡಿರುವ ಜನರಲ್ ಧೀರಜ್ ಸೇಥ್ ಅವರಿಗೆ, ಕಾಠ್ಮಂಡುವಿನ ಶೀತಲ್ ನಿವಾಸದಲ್ಲಿ ನಡೆದ ಅದ್ಧೂರಿ ಸಮಾರಂಭದಲ್ಲಿ ನೇಪಾಳದ ಗೌರವಾನ್ವಿತ ಅಧ್ಯಕ್ಷ ರಾಮಚಂದ್ರ ಪೌಡೇಲ್ ಅವರು ಈ ಗೌರವ ಪದವಿಯನ್ನು ನೀಡಿ ಪುರಸ್ಕರಿಸಿದರು. 
➤ ಈ ವಿಶೇಷ ಸಮಾರಂಭದಲ್ಲಿ ನೇಪಾಳದ ಉಪರಾಷ್ಟ್ರಪತಿ ರಾಮ್ ಸಹಾಯ್ ಪ್ರಸಾದ್ ಯಾದವ್, ವಿದೇಶಾಂಗ ಸಚಿವ ಶಿಶಿರ್ ಖನಾಲ್, ನೇಪಾಳದಲ್ಲಿರುವ ಭಾರತದ ರಾಯಭಾರಿ ನವೀನ್ ಶ್ರೀವಾಸ್ತವ ಹಾಗೂ ಉಭಯ ದೇಶಗಳ ಹಿರಿಯ ಮಿಲಿಟರಿ ಅಧಿಕಾರಿಗಳು ಭಾಗವಹಿಸಿದ್ದರು.
➤ ಭಾರತ-ನೇಪಾಳ ಸೇನಾ ಪರಂಪರೆ:

• 1950 ರಿಂದ ಸಾಗೃಂದ ಪರಂಪರೆ: 1950 ರಿಂದ ಭಾರತ ಮತ್ತು ನೇಪಾಳ ದೇಶಗಳು ಪರಸ್ಪರ ತಮ್ಮ ದೇಶಗಳ ಸೇನಾ ಮುಖ್ಯಸ್ಥರಿಗೆ ಗೌರವ 'ಜನರಲ್' ಪದವಿಯನ್ನು ನೀಡುವ ಅನನ್ಯ ಮಿಲಿಟರಿ ಸಂಪ್ರದಾಯವನ್ನು ಪಾಲಿಸಿಕೊಂಡು ಬರುತ್ತಿವೆ.
• ಪರಸ್ಪರ ಗೌರವ ಮತ್ತು ನಂಬಿಕೆ: ಈ ಗೌರವ ಪದವಿಯು ಕೇವಲ ಒಂದು ಶಿಷ್ಟಾಚಾರದ ಸನ್ಮಾನವಲ್ಲದೆ, ಉಭಯ ದೇಶಗಳ ಸೇನೆಗಳ ನಡುವಿನ ಪರಸ್ಪರ ವೃತ್ತಿಪರ ಗೌರವ, ನಂಬಿಕೆ ಮತ್ತು ಕಾರ್ಯತಂತ್ರದ ಸಹಕಾರದ ಸಂಕೇತವಾಗಿದೆ.
• ಸೇನಾ ಸಹಕಾರ ಮತ್ತು ತರಬೇತಿ: ಭಾರತ ಮತ್ತು ನೇಪಾಳ ಸುಮಾರು 1,751 ಕಿಲೋಮೀಟರ್‌ಗಳ ಮುಕ್ತ ಗಡಿಯನ್ನು ಹಂಚಿಕೊಂಡಿದ್ದು, ರಕ್ಷಣಾ ಉಪಕರಣಗಳ ಪೂರೈಕೆ, ದುರಂತ ನಿರ್ವಹಣೆ ಹಾಗೂ ಜಂಟಿ ಸೇನಾ ತರಬೇತಿ (ಉದಾಹರಣೆಗೆ 'ಸೂರ್ಯ ಕಿರಣ್' ಜಂಟಿ ಸೇನಾ ಅಭ್ಯಾಸ) ಮೂಲಕ ರಕ್ಷಣಾ ಸಂಬಂಧಗಳನ್ನು ಭದ್ರಪಡಿಸಿಕೊಂಡಿವೆ.