Job Description: * ಭಾರತೀಯ ಸೇನೆಯು ಕೇವಲ ಟ್ಯಾಂಕ್‌ಗಳು ಮತ್ತು ಕ್ಷಿಪಣಿಗಳಿಂದ ಮಾತ್ರವಲ್ಲ, ಪ್ರಕೃತಿಯ ಅಪ್ರತಿಮ ಕೊಡುಗೆಗಳಾದ ಪ್ರಾಣಿ ಸೈನಿಕರ ಮೂಲಕವೂ ದೇಶದ ಗಡಿ ರಕ್ಷಣೆ ಮಾಡುತ್ತಿದೆ. ಮುಂಬರುವ 2026ರ ಜನವರಿ 26ರ ಗಣರಾಜ್ಯೋತ್ಸವ ಮೆರವಣಿಗೆಯಲ್ಲಿ, ಮೊದಲ ಬಾರಿಗೆ ಎರಡು ಬೆನ್ನೇರಿ (Double Hump) ಹೊಂದಿರುವ ಬ್ಯಾಕ್ಟ್ರಿಯನ್ ಒಂಟೆಗಳು ಮತ್ತು ಅಪರೂಪದ ಝನ್‌ಸ್ಕರಿ ಕುದುರೆಗಳು ಭಾಗವಹಿಸಿ ಇತಿಹಾಸ ನಿರ್ಮಿಸಲಿವೆ.ಈ ಬಾರಿಯ ಮೆರವಣಿಗೆಯ ಮತ್ತೊಂದು ವಿಶೇಷವೆಂದರೆ, ಸೇನೆಯ ಪಶುವೈದ್ಯಕೀಯ ದಳದ (RVC) ತುಕಡಿಯನ್ನು ಮಹಿಳಾ ಅಧಿಕಾರಿಯೊಬ್ಬರು ಮುನ್ನಡೆಸುತ್ತಿರುವುದು 'ನಾರಿ ಶಕ್ತಿ'ಗೆ ಸಾಕ್ಷಿಯಾಗಲಿದೆ.* ಮೆರವಣಿಗೆಯಲ್ಲಿ ಭಾಗವಹಿಸುವ ಒಂಟೆಗಳು ಪೂರ್ವ ಲಡಾಖ್‌ನ ಶೀತ ಮರುಭೂಮಿ ಪ್ರದೇಶಗಳಲ್ಲಿ, ವಾಸ್ತವಿಕ ನಿಯಂತ್ರಣ ರೇಖೆ (LAC) ಸಮೀಪ ಲಾಜಿಸ್ಟಿಕ್ಸ್ ವಿತರಣೆ ಹಾಗೂ ಗಸ್ತು ಕರ್ತವ್ಯಗಳಿಗೆ ನಿಯೋಜಿಸಲ್ಪಟ್ಟಿವೆ. ಕಳೆದ ಎರಡು ವರ್ಷಗಳಲ್ಲಿ ಇವು ಹಲವು ಕಠಿಣ ಕಾರ್ಯಾಚರಣೆಗಳಲ್ಲಿ ಪಾಲ್ಗೊಂಡಿದ್ದು, 15,000 ರಿಂದ 18,000 ಅಡಿ ಎತ್ತರದಲ್ಲಿಯೂ ಸುಲಭವಾಗಿ ಕಾರ್ಯನಿರ್ವಹಿಸುವ ಸಾಮರ್ಥ್ಯ ಹೊಂದಿವೆ. ಪ್ರತಿ ಒಂಟೆ 150 ರಿಂದ 200 ಕಿಲೋಗ್ರಾಂ ತೂಕವನ್ನು ಹೊತ್ತೊಯ್ಯಬಲ್ಲದು ಹಾಗೂ ತೀವ್ರ ಶೀತ ಮತ್ತು ಕಠಿಣ ಹವಾಮಾನದಲ್ಲಿಯೂ ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸುತ್ತದೆ.* ಅದೇ ರೀತಿ, ಝನ್‌ಸ್ಕರಿ ಕುದುರೆಗಳು ಹಾಗೂ ಹೇಸರಗತ್ತೆಗಳನ್ನೂ ಸೇನೆಯ ಸೇವೆಗೆ ಬಳಸಲಾಗುತ್ತಿದೆ. ಇವು 70 ಕಿಲೋಗ್ರಾಂ ತೂಕವನ್ನು ಹೊರುವ ಸಾಮರ್ಥ್ಯ ಹೊಂದಿದ್ದು, 18,000 ಅಡಿ ಎತ್ತರದ ಪರ್ವತ ಪ್ರದೇಶಗಳಲ್ಲಿ ಸಹ ಸರಾಗವಾಗಿ ಸಂಚರಿಸಬಲ್ಲವು. ವಿಶೇಷವಾಗಿ ಮೈನಸ್ 40 ಡಿಗ್ರಿ ಸೆಲ್ಸಿಯಸ್ ತೀವ್ರ ತಾಪಮಾನದಲ್ಲಿಯೂ ಜೀವಿಸಿ ಕೆಲಸ ಮಾಡುವ ಶಕ್ತಿಯು ಇವುಗಳ ಪ್ರಮುಖ ವೈಶಿಷ್ಟ್ಯವಾಗಿದೆ.* ಈ ಪ್ರಾಣಿ ಪಡೆಗಳ ಪ್ರದರ್ಶನವು ಭಾರತೀಯ ಸೇನೆಯ ಕಾರ್ಯಕ್ಷಮತೆ, ಹೊಂದಿಕೊಳ್ಳುವಿಕೆ ಮತ್ತು ಪ್ರಕೃತಿಯೊಂದಿಗೆ ಸಹಬಾಳ್ವೆಯನ್ನು ಪ್ರತಿನಿಧಿಸುವುದರ ಜೊತೆಗೆ, ದೇಶದ ಭದ್ರತೆಗೆ ಅವು ನೀಡುತ್ತಿರುವ ಮಹತ್ವದ ಕೊಡುಗೆಯನ್ನು ರಾಷ್ಟ್ರದ ಮುಂದೆ ಉಜ್ಜುವ ಮಹತ್ವದ ಅವಕಾಶವಾಗಿದೆ.
