* ಪ್ರಸ್ತುತ ಭಾರತ ಸರ್ಕಾರದ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವಾಲಯವು 2022 ರ ಫೆಬ್ರವರಿ 28 ರವರೆಗೆ 'ಪಿಎಂ ಕೇರ್ಸ್ ಫಾರ್ ಚಿಲ್ಡ್ರನ್' ಯೋಜನೆಯನ್ನ ವಿಸ್ತರಿಸಿದೆ. ಈ ಮೊದಲು ಈ ಯೋಜನೆಯು 2021 ರ ಡಿಸೆಂಬರ್. 31 ರವರೆಗೆ ಮಾತ್ರ ಮಾನ್ಯವಾಗಿತ್ತು.

* ಇದೀಗ ಈ ಯೋಜನೆಯ ಕುರಿತಾಗಿ ಎಲ್ಲಾ ಪ್ರಧಾನ ಕಾರ್ಯದರ್ಶಿಗಳು, ಮಹಿಳಾ ಹಾಗೂ ಮಕ್ಕಳ ಅಭಿವೃದ್ಧಿ, ಸಾಮಾಜಿಕ ನ್ಯಾಯ ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಸಬಲೀಕರಣ ಇಲಾಖೆಗೆ ಅಗತ್ಯವಿರುವ ಕ್ರಮಕ್ಕಾಗಿ ಎಲ್ಲಾ ಜಿಲ್ಲಾಧಿಕಾರಿಗಳಿಗೆ ಈ ಬಗ್ಗೆ ಪತ್ರ ಬರೆಯಲಾಗಿದೆ.

* ಇದೀಗ ಪಿಎಂ ಕೇರ್ಸ್ ಫಾರ್ ಚಿಲ್ಡ್ರನ್ ಯೋಜನೆಯ ಅಡಿಯಲ್ಲಿ ಎಲ್ಲಾ ಅರ್ಹ ಮಕ್ಕಳನ್ನು ಇದೇ  ಫೆಬ್ರವರಿ. 28 ರೊಳಗೆ ನೋಂದಾಯಿಸಬಹುದು ಹಾಗೂ ಈ ಯೋಜನೆಯ ಪ್ರಯೋಜನಗಳನ್ನು ಅವರಿಗೆ ನೀಡಬಹುದಾಗಿದೆ.

* ಈ PM CARES ಗಾಗಿ ಮಕ್ಕಳ ಯೋಜನೆಯನ್ನು ಈ ಹಿಂದೆ 2021 ರ ಮೇ. 29 ರಂದು ಭಾರತದ ಪ್ರಧಾನ ಮಂತ್ರಿ ಮೋದಿ ಅವರು ಆರಂಭಿಸಿದ್ದಾರೆ. ಪ್ರಸ್ತುತ ಈ ಯೋಜನೆಯು COVID-19 ಸಾಂಕ್ರಾಮಿಕ ರೋಗದಿಂದಾಗಿ ಪೋಷಕರು ಅಥವಾ ಕಾನೂನು ಪಾಲಕರು ಅಥವಾ ದತ್ತು ಪಡೆದ ಪೋಷಕರು ಅಥವಾ ಬದುಕುಳಿದಿರುವ ಪೋಷಕರನ್ನು ಕಳೆದುಕೊಂಡಿರುವ ಮಕ್ಕಳನ್ನು ಬೆಂಬಲಿಸುವ ಗುರಿಯನ್ನು ಹೊಂದಿದೆ. 2020 ರ ಮಾರ್ಚ್. 11 ರಿಂದ ಆರಂಭಿಸಲಾಗಿದೆ. ಈ ಯೋಜನೆ ಅಡಿಯಲ್ಲಿ 23 ವರ್ಷ ವಯಸ್ಸಿನ ಮಕ್ಕಳ ಸಮಗ್ರ ಆರೈಕೆ ಹಾಗೂ ರಕ್ಷಣೆಯ ಉದ್ದೇಶಗಳ ಯೋಜನೆಯು ಆರ್ಥಿಕ ಬೆಂಬಲದೊಂದಿಗೆ ಸ್ವಾವಲಂಬಿ ಅಸ್ತಿತ್ವದೊಂದಿಗೆ ಶಿಕ್ಷಣ ಹಾಗೂ ಸಮಾನತೆಯ ರೀತಿಯಲ್ಲಿ ಅವರ ಯೋಗಕ್ಷೇಮದ ಅಧಿಕಾರವನ್ನು ಕಲ್ಪಿಸಲಾಗುತ್ತದೆ.

* ಭಾರತೀಯ ಪ್ರಧಾನ ಮಂತ್ರಿಗಳು ಕೋವಿಡ್-19 ರೋಗದಿಂದಾಗಿ ಪೋಷಕರಿಬ್ಬರನ್ನೂ ಕಳೆದುಕೊಂಡ ಮಕ್ಕಳಿಗೆ ಸಮಗ್ರ ಬೆಂಬಲವನ್ನು ಘೋಷಣೆ ಮಾಡಿದ್ದಾರೆ. ಈ ಯೋಜನೆಯ ಮೂಲಕ  ಮಕ್ಕಳಿಗೆ ಶಿಕ್ಷಣವನ್ನು ಖಚಿತಪಡಿಸಿಕೊಳ್ಳಲು ಅಂತರ ನಿಧಿ, ಮಾಸಿಕ ಸ್ಟೈಫಂಡ್'ನ್ನು ಆ ಮಗುವಿಗೆ 23 ವರ್ಷ ತುಂಬಿದ ನಂತರ 10 ಲಕ್ಷ ರೂ. ನೀಡಲಾಗುತ್ತದೆ ಎಂದು ತಿಳಿಸಿದ್ದಾರೆ.