Job Description: ➤ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ದ್ವಿಪಕ್ಷೀಯ ಬಾಂಧವ್ಯದಲ್ಲಿ ಹೊಸದೊಂದು ಐತಿಹಾಸಿಕ ಅಧ್ಯಾಯ ಆರಂಭವಾಗಿದೆ. 2026ರ ಜುಲೈ 8 ರಿಂದ 10 ರವರೆಗೆ ಆಸ್ಟ್ರೇಲಿಯಾ ಪ್ರವಾಸ ಕೈಗೊಂಡಿದ್ದ ಭಾರತದ ಗೌರವಾನ್ವಿತ ಪ್ರಧಾನಿ ನರೇಂದ್ರ ಮೋದಿ ಅವರು, ಜುಲೈ 9, 2026 ರಂದು ಮೆಲ್ಬೋರ್ನ್‌ನಲ್ಲಿ ನಡೆದ 3ನೇ ವಾರ್ಷಿಕ ಶೃಂಗಸಭೆಯಲ್ಲಿ ಭಾಗವಹಿಸಿದ್ದರು. ಈ ಸಂದರ್ಭದಲ್ಲಿ ಪ್ರಧಾನಿ ಮೋದಿ ಹಾಗೂ ಆಸ್ಟ್ರೇಲಿಯಾದ ಪ್ರಧಾನಿ ಆಂಥೋನಿ ಅಲ್ಬನೀಸ್ ಅವರ ನೇತೃತ್ವದಲ್ಲಿ ಉಭಯ ದೇಶಗಳ ನಡುವೆ ರಕ್ಷಣೆ, ಇಂಧನ, ತಂತ್ರಜ್ಞಾನ ಮತ್ತು ಶಿಕ್ಷಣ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ಬರೋಬ್ಬರಿ 18 ಪ್ರಮುಖ ಒಪ್ಪಂದಗಳಿಗೆ (Outcomes) ಅಧಿಕೃತವಾಗಿ ಸಹಿ ಹಾಕಲಾಗಿದೆ.➤ ಭಾರತ - ಆಸ್ಟ್ರೇಲಿಯಾ ನಡುವಿನ 18 ಪ್ರಮುಖ ಒಪ್ಪಂದಗಳ ಪಟ್ಟಿ: ರಕ್ಷಣೆ ಮತ್ತು ಭದ್ರತಾ ಸಹಕಾರ ಜಂಟಿ ಪ್ರಕಟಣೆ (JDDSC): ಉಭಯ ದೇಶಗಳ ಸೇನಾ ಸಾಮರ್ಥ್ಯ ಹೆಚ್ಚಿಸಲು ರಕ್ಷಣಾ ಒಪ್ಪಂದ. ಕಡಲ ಭದ್ರತಾ ಸಹಕಾರ ಮಾರ್ಗಸೂಚಿ (MSCR): ಹಿಂದೂ ಮಹಾಸಾಗರ ವಲಯದಲ್ಲಿ ಸುರಕ್ಷತೆಗಾಗಿ ರೋಡ್‌ಮ್ಯಾಪ್. ಇಂಧನ ಭದ್ರತೆ ಜಂಟಿ ಪ್ರಕಟಣೆ: ಕ್ಲೀನ್ ಎನರ್ಜಿ (ಹಸಿರು ಇಂಧನ) ಕ್ಷೇತ್ರಕ್ಕೆ ಆದ್ಯತೆ. ನಾಗರಿಕ ಪರಮಾಣು ಒಪ್ಪಂದದ ಆಡಳಿತಾತ್ಮಕ ವ್ಯವಸ್ಥೆ: ನಾಗರಿಕ ಪರಮಾಣು ಇಂಧನ ಸಹಕಾರದ ಅಂತಿಮ ರೂಪರೇಷೆ. ಸೈಬರ್ ಮತ್ತು ನಿರ್ಣಾಯಕ ತಂತ್ರಜ್ಞಾನ ಪಾಲುದಾರಿಕೆ (PACTS): ಸೈಬರ್ ಭದ್ರತೆ ಮತ್ತು ಸಪ್ಲೈ ಚೈನ್ ಬಲವರ್ಧನೆ. ಭಾರತೀಯ ಕೋಸ್ಟ್ ಗಾರ್ಡ್ (ICG) ಮತ್ತು ಆಸ್ಟ್ರೇಲಿಯಾದ MBC ನಡುವೆ ಒಪ್ಪಂದ: ಕರಾವಳಿ ಭದ್ರತೆ ಹೆಚ್ಚಳ. ಆಸ್ಟ್ರೇಲಿಯನ್ ಡಿಫೆನ್ಸ್ ಕಾಲೇಜ್‌ನಲ್ಲಿ ಭಾರತೀಯ ಸೇನಾ ಅಧಿಕಾರಿ: 2028-29ರ ಅವಧಿಗೆ ಭಾರತೀಯ ಅಧಿಕಾರಿಗೆ ನಿಯೋಜನೆ. ಗಣಿಗಾರಿಕೆ ಮತ್ತು METS ಉತ್ಕೃಷ್ಟತಾ ಕೇಂದ್ರ ಸ್ಥಾಪನೆ: ಗಣಿಗಾರಿಕೆ ತಂತ್ರಜ್ಞಾನ ವಿನಿಮಯಕ್ಕಾಗಿ ಎಂಒಯು (MoU). ಬೆಂಗಳೂರಿನಲ್ಲಿ ಫ್ಲಿಂಡರ್ಸ್ ವಿಶ್ವವಿದ್ಯಾಲಯದ ಶಾಖೆ: ಆಸ್ಟ್ರೇಲಿಯಾದ ಪ್ರಸಿದ್ಧ 'Flinders University' ಕ್ಯಾಂಪಸ್ ಕರ್ನಾಟಕದ ಬೆಂಗಳೂರಿನಲ್ಲಿ ಸ್ಥಾಪನೆ (KPSC ಪರೀಕ್ಷೆಗಳಿಗೆ ಅತ್ಯಂತ ಪ್ರಮುಖ). NCVET ಮತ್ತು ASQA ನಡುವೆ ಒಪ್ಪಂದ: ಕೌಶಲ್ಯಾಭಿವೃದ್ಧಿ ಮತ್ತು ವೃತ್ತಿಪರ ತರಬೇತಿ ಉತ್ತೇಜನಕ್ಕೆ ಸಹಿ. ಮೂರು ಭಾರತೀಯ ಐತಿಹಾಸಿಕ ಕಲಾಕೃತಿಗಳ ಮರುಸ್ಥಾಪನೆ: ಆಸ್ಟ್ರೇಲಿಯಾದಿಂದ ಭಾರತದ ಪ್ರಾಚೀನ ಕಲಾಕೃತಿಗಳ ವಾಪಸಾತಿ. ರೂಫ್‌ಟಾಪ್ ಟ್ರೈನಿಂಗ್ ಅಕಾಡೆಮಿ ಚಾಲನೆ: ಸೌರಶಕ್ತಿ ಇಂಧನ ತರಬೇತಿಗೆ ಉತ್ತೇಜನ. ಆಸ್ಟ್ರೇಲಿಯಾ-ಕೆನಡಾ-ಭಾರತ ತಂತ್ರಜ್ಞಾನ ಮತ್ತು ಇನ್ನೋವೇಶನ್ ಪಾಲುದಾರಿಕೆ (ACITI). ಜಿಯೋಸೈನ್ಸ್ ಆಸ್ಟ್ರೇಲಿಯಾ ಮತ್ತು ಜಿಯೋಲಾಜಿಕಲ್ ಸರ್ವೆ ಆಫ್ ಇಂಡಿಯಾ ನಡುವೆ ಎಂಒಯು. ಸಾಂಪ್ರದಾಯಿಕ ಜ್ಞಾನ ಡಿಜಿಟಲ್ ಲೈಬ್ರರಿ (TKDL) ಪ್ರವೇಶ ಒಪ್ಪಂದ. CSIR ಮತ್ತು ಮೆಲ್ಬೋರ್ನ್ ವಿಶ್ವವಿದ್ಯಾಲಯ ನಡುವೆ ಸಹಯೋಗ: ವೈಜ್ಞಾನಿಕ ಸಂಶೋಧನೆಗಳಿಗೆ ವೇದಿಕೆ. SRFTI ಕೋಲ್ಕತ್ತಾ ಮತ್ತು ಗ್ರಿಫಿತ್ ಫಿಲ್ಮ್ ಸ್ಕೂಲ್ ನಡುವೆ ಒಪ್ಪಂದ: ಚಲನಚಿತ್ರ ಮತ್ತು ತಂತ್ರಜ್ಞಾನ ಕ್ಷೇತ್ರ. ಗುರುಗ್ರಾಮದಲ್ಲಿ ವಿಕ್ಟೋರಿಯಾ ವಿಶ್ವವಿದ್ಯಾಲಯದ ಕ್ಯಾಂಪಸ್: ಹರಿಯಾಣದ ಗುರುಗ್ರಾಮದಲ್ಲಿ 'Victoria University' ಸ್ಥಾಪನೆ.
