* ಇದೀಗ ಭಾರತದ ಪ್ರತಿಷ್ಠಿತ ಏರ್ ಇಂಡಿಯಾ ಸಂಸ್ಥೆಯನ್ನು ಅಧಿಕೃತವಾಗಿ ಟಾಟಾ ಸಮೂಹಕ್ಕೆ ಹಸ್ತಾಂತರಿಸಲಾಗಿದೆ. ಸುಮಾರು 69 ವರ್ಷಗಳ ಬಳಿಕ ಟಾಟಾ ಸಮೂಹವನ್ನು ಸೇರಿಕೊಂಡ ಏರ್ ಇಂಡಿಯಾ ಕಂಪನಿ. ಪ್ರಸ್ತುತ ಟಾಟಾ ಸನ್ಸ್ ಅಧ್ಯಕ್ಷ ಎನ್ ಚಂದ್ರಶೇಖರನ್ ಅವರು ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿಯಾದ ಬಳಿಕ ಅಧಿಕೃತವಾಗಿ ಏರ್ ಇಂಡಿಯಾವನ್ನು ಟಾಟಾ ಸಮೂಹಕ್ಕೆ ಸ್ವಾಧೀನಪಡಿಸಿಕೊಳ್ಳುವ ಪ್ರಕ್ರಿಯೆ ಪೂರ್ಣಗೊಂಡಿದೆ ಎಂದು ತಿಳಿಸಿದರು. 

* ಪ್ರಸ್ತುತ ನವದೆಹಲಿಯ ಏರ್ ಇಂಡಿಯಾ ಸಂಸ್ಥೆಯ ಮುಖ್ಯ ಕಾರ್ಯನಿರ್ವಹಣೆ ಅಧಿಕಾರಿ ವಿಕ್ರಂ ದೇವ್ ದತ್ ಅವರನ್ನು ಎನ್ ಚಂದ್ರಶೇಖರ್ ಭೇಟಿ ಮಾಡಿ ಅಧಿಕೃತವಾಗಿ ಏರ್ ಇಂಡಿಯಾವನ್ನು ಸ್ವಾಧೀನಪಡಿಸಿಕೊಳ್ಳುವ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದರು.  

* ಈ ಹಿಂದಿನ ವರ್ಷದಲ್ಲಿ ಕೇಂದ್ರ ಸರ್ಕಾರವು ಬಿಡ್ಡಿಂಗ್ ಪ್ರಕ್ರಿಯೆಯಲ್ಲಿ ಏರ್ ಇಂಡಿಯಾವನ್ನು ಟಾಟಾ ಗ್ರೂಪ್‌ನ ಹಿಡುವಳಿ ಕಂಪನಿಯ ಅಂಗಸಂಸ್ಥೆಯಾದ ಟಾಲೇಸ್ ಪ್ರೈವೇಟ್ ಲಿಮಿಟೆಡ್‌ಗೆ 18,000 ಕೋಟಿ ರೂ.ಗಳಿಗೆ ಮಾರಾಟ ಮಾಡಿತ್ತು.

* ಇದೀಗ ಟಾಟಾ ಸಮೂಹಕ್ಕೆ ಇಂಡಿಯನ್ ಪೈಲಟ್ಸ್ ಗಿಲ್ಡ್ (IPG) ಮತ್ತು ಇಂಡಿಯನ್ ಕಮರ್ಷಿಯಲ್ ಪೈಲಟ್ಸ್ ಅಸೋಸಿಯೇಷನ್ (ICPA) ಹಾಗೂ ಏರ್ ಇಂಡಿಯಾದ CMD ವಿಕ್ರಮ್ ದೇವ್ ದತ್ ಅವರು ಸದ್ಯ ಪೈಲಟ್‌ಗಳಿಗೆ ನೀಡಬೇಕಾಗಿರುವ ಬಾಕಿಗಳನ್ನು ನೀಡಿ, ಇಲ್ಲದಿದ್ದರೆ ಕಾನೂನು ಕ್ರಮ ತೆಗೆದುಕೊಳ್ಳಲಾಗುವುದು ಎಂದು ಎಚ್ಚರಿಸಿದ್ದಾರೆ.

* ಇದೀಗ ಕೇಂದ್ರ ಸರ್ಕಾರ ಹಾಗೂ ಟಾಟಾ ಸಂಸ್ಥೆಯು ಮಾಡಿಕೊಂಡಿರುವ ಒಪ್ಪಂದದ ಪ್ರಕಾರ, ಸರ್ಕಾರವು ಏರ್ ಇಂಡಿಯಾದ ಶೇ. 100ರಷ್ಟು ಪಾಲನ್ನು ಟಾಟಾ ಸಮೂಹ ಸಂಸ್ಥೆಗೆ ಮಾರಾಟ ಮಾಡಿದೆ. ಅಷ್ಟೇ ಅಲ್ಲದೇ ಏರ್ ಇಂಡಿಯಾ ಮೇಲಿರುವ 15,300 ಕೋಟಿ ರೂ. ಸಾಲದ ಜವಾಬ್ದಾರಿಯನ್ನು ಟಾಟಾ ಸಮೂಹವು ಹೊತ್ತುಕೊಳ್ಳಲಿದೆ. ಇನ್ನ ಉಳಿದ ಬಾಕಿ ಸಾಲ 46,262 ಕೋಟಿ ರೂ. ಮೊತ್ತವು ಸರ್ಕಾರದ ಮೇಲೆ ಇರಲಿದೆ ಎಂದು ತಿಳಿಸಿದೆ. 

* * ಏರ್ ಇಂಡಿಯಾ : ಇದೊಂದು ಭಾರತದ ಫ್ಲ್ಯಾಗ್ ಕ್ಯಾರಿಯರ್ ಏರ್‌ಲೈನ್ ಆಗಿದೆ, ಈ ಸಂಸ್ಥೆಯು ತನ್ನ ಪ್ರಧಾನ ಕಛೇರಿಯನ್ನು ನವದೆಹಲಿಯಲ್ಲಿ ಹೊಂದಿದೆ. ಭಾರತ ಸರ್ಕಾರದ ಒಡೆತನದಲ್ಲಿದೆ ಏರ್ ಇಂಡಿಯಾ ಲಿಮಿಟೆಡ್‌ ನ್ನು ಇತ್ತೀಚಿಗೆ ಟಾಟಾ ಸಮೂಹಕ್ಕೆ ಮಾರಾಟ ಮಾಡಲಾಗಿದೆ. ಇದೀಗ ಏರ್ ಇಂಡಿಯಾ ಟಾಟಾ ಸನ್ಸ್‌'ನ ವಿಶೇಷ-ಉದ್ದೇಶದ ವಾಹನ 'ಟಾಲೇಸ್ ಪ್ರೈವೇಟ್ ಲಿಮಿಟೆಡ್‌'ನ ಮಾಲೀಕತ್ವದಲ್ಲಿದೆ. ಸದ್ಯ ಏರ್ ಇಂಡಿಯಾ 102 ದೇಶೀಯ ಮತ್ತು ಅಂತರಾಷ್ಟ್ರೀಯ ಸ್ಥಳಗಳಿಗೆ ಸೇವೆ ಸಲ್ಲಿಸುವ ಏರ್‌ಬಸ್ ಮತ್ತು ಬೋಯಿಂಗ್ ವಿಮಾನಗಳ ಸಮೂಹವನ್ನು ನಿರ್ವಹಿಸುತ್ತದೆ. 

* ಪ್ರಸ್ತುತ ಏರ್ ಇಂಡಿಯಾ ನವದೆಹಲಿಯ ಇಂದಿರಾ ಗಾಂಧಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಏರ್‌ಲೈನ್ ತನ್ನ ಕೇಂದ್ರವನ್ನು ಹೊಂದಿದೆ. ಹಾಗೂ 18.6% ಮಾರುಕಟ್ಟೆ ಪಾಲನ್ನು ಹೊಂದಿರುವ ಭಾರತದಿಂದ ಹೊರಗಿರುವ ಅತಿದೊಡ್ಡ ಅಂತರಾಷ್ಟ್ರೀಯ ವಾಹಕವಾಗಿದೆ. ಈ ಏರ್ ಇಂಡಿಯಾ ಸಂಸ್ಥೆಯು 2014 ರ ಜುಲೈ. 11 ರಂದು ಏರ್‌ಲೈನ್ ಸ್ಟಾರ್ ಅಲೈಯನ್ಸ್‌ನ 27 ನೇ ಸದಸ್ಯತ್ವವನ್ನು ಪಡೆದುಕೊಂಡಿತು.

* ಈ ಏರ್ ಇಂಡಿಯಾ ವಿಮಾನಯಾನ ಸಂಸ್ಥೆಯನ್ನು 1932 ರಲ್ಲಿ ಜೆ.ಆರ್.ಡಿ.ಟಾಟಾ ಅವರು ಟಾಟಾ ಏರ್‌ಲೈನ್ಸ್ ಎಂದು ಸ್ಥಾಪಿಸಿದ್ದರು. ಹಾಗೂ ಇದು 2 ನೇ ಮಹಾಯುದ್ಧದ ನಂತರ ಸಾರ್ವಜನಿಕ ಸೀಮಿತ ಕಂಪನಿಯಾಗಿ ಮಾರ್ಪಟ್ಟಿತು ಆಗ ಅದನ್ನು ಏರ್ ಇಂಡಿಯಾ ಎಂದು ಮರುನಾಮಕರಣ ಮಾಡಲಾಯಿತು.