Job Description: ➤ ಭಾರತೀಯ ಕೃಷಿ ವಲಯವನ್ನು ಆಧುನೀಕರಿಸಲು ಮತ್ತು ರೈತರ ಆದಾಯವನ್ನು ಹೆಚ್ಚಿಸಲು ಕೇಂದ್ರ ಸರ್ಕಾರವು ಮತ್ತೊಂದು ಮಹತ್ವದ ಹೆಜ್ಜೆ ಇಟ್ಟಿದೆ. ಕೇಂದ್ರ ಕೃಷಿ ಮತ್ತು ರೈತ ಕಲ್ಯಾಣ ಹಾಗೂ ಗ್ರಾಮೀಣಾಭಿವೃದ್ಧಿ ಸಚಿವರಾದ ಶಿವರಾಜ್ ಸಿಂಗ್ ಚೌಹಾಣ್ ಅವರು ದೇಶದ ಕೃಷಿ ರಂಗದಲ್ಲಿ ಕ್ರಾಂತಿಕಾರಿ ಬದಲಾವಣೆ ತರಬಲ್ಲ ‘ಪ್ರಗತಿ’ (PRAGATI) ಯೋಜನೆಗೆ ಅಧಿಕೃತವಾಗಿ ಚಾಲನೆ ನೀಡಿದ್ದಾರೆ. PRAGATI: Promoting Regenerative Agriculture, Growth, Agri-Entrepreneurship and Transformative Innovation. ➤ ಯೋಜನೆಯ ಪ್ರಮುಖ ಉದ್ದೇಶಗಳು ಮತ್ತು ಗುರಿಗಳು: 20,000 ಕೃಷಿ ಉದ್ಯಮಿಗಳ ಸೃಷ್ಟಿ: ದೇಶದ ಗ್ರಾಮೀಣ ಭಾಗದ 20 ಸಾವಿರ ಯುವಜನರನ್ನು ತರಬೇತಿಗೊಳಿಸಿ ‘ಕೃಷಿ ಉದ್ಯಮಿಗಳನ್ನಾಗಿ’ (Agri-Entrepreneurs) ಸಬಲೀಕರಣಗೊಳಿಸಲಾಗುತ್ತದೆ. 20 ಲಕ್ಷ ರೈತರಿಗೆ ನೇರ ಲಾಭ: ಈ ಯೋಜನೆಯ ನೇರ ಪ್ರಯೋಜನವು ದೇಶದ 20 ಲಕ್ಷಕ್ಕೂ ಹೆಚ್ಚು ಸಣ್ಣ ಮತ್ತು ಅತಿ ಸಣ್ಣ ರೈತರಿಗೆ ತಲುಪಲಿದ್ದು, ಅವರ ಆರ್ಥಿಕ ಸ್ಥಿತಿಯನ್ನು ಉತ್ತಮಪಡಿಸಲು ನೆರವಾಗಲಿದೆ. ಆದಾಯ ಶೇ. 30 ಹೆಚ್ಚಳದ ಗುರಿ: ರೈತರ ಆದಾಯವನ್ನು ಕನಿಷ್ಠ ಶೇ. 30 ರಷ್ಟು ಹೆಚ್ಚಿಸುವ ಮತ್ತು ಪ್ರಮುಖ ಬೆಳೆಗಳಾದ ಭತ್ತ, ಮೆಕ್ಕೆಜೋಳ ಮತ್ತು ಆಲೂಗಡ್ಡೆ ಇಳುವರಿಯನ್ನು ಶೇ. 15 ರಿಂದ 20 ರಷ್ಟು ವೃದ್ಧಿಸುವ ಗುರಿ ಹೊಂದಲಾಗಿದೆ. ಹವಾಮಾನ-ಸ್ಮಾರ್ಟ್ ಕೃಷಿ: ಶೇ. 20 ರಷ್ಟು ರೈತರು ಪುನರುತ್ಪಾದಕ ಹಾಗೂ ಪರಿಸರ ಪೂರಕ ಕೃಷಿ ಪದ್ಧತಿಗಳನ್ನು ಅಳವಡಿಸಿಕೊಳ್ಳುವಂತೆ ಪ್ರೇರೇಪಿಸುವುದು. ➤ ಆರಂಭಿಕ ಹಂತದಲ್ಲಿ ದೇಶದ ಸಣ್ಣ ಹಿಡುವಳಿದಾರ ಕೃಷಿ ಜನಸಂಖ್ಯೆಯನ್ನು ಹೆಚ್ಚಾಗಿ ಹೊಂದಿರುವ ಪ್ರಮುಖ 8 ರಾಜ್ಯಗಳನ್ನು ಮೊದಲ ಹಂತದಲ್ಲಿ ಈ ಯೋಜನೆಯ ಜಾರಿಗೆ ಆಯ್ಕೆ ಮಾಡಿಕೊಳ್ಳಲಾಗಿದೆ: ಮಧ್ಯಪ್ರದೇಶ ಉತ್ತರ ಪ್ರದೇಶ ಬಿಹಾರ ಮಹಾರಾಷ್ಟ್ರ ರಾಜಸ್ಥಾನ ಪಶ್ಚಿಮ ಬಂಗಾಳ ಅಸ್ಸಾಂ ಜಾರ್ಖಂಡ್ ➤ ಸಾರ್ವಜನಿಕ-ಖಾಸಗಿ ಸಹಭಾಗಿತ್ವ: ಪ್ರಗತಿ ಯೋಜನೆಯು ಭಾರತದ ಅತಿ ದೊಡ್ಡ ಖಾಸಗಿ ನೇತೃತ್ವದ ಕೃಷಿ ಉದ್ಯಮಶೀಲತಾ ಕಾರ್ಯಕ್ರಮಗಳಲ್ಲಿ ಒಂದಾಗಿದೆ. ಇದಕ್ಕೆ ಸರ್ಕಾರದ ಜೊತೆಗೆ ಜಾಗತಿಕ ಮತ್ತು ರಾಷ್ಟ್ರೀಯ ಸಂಸ್ಥೆಗಳು ಕೈಜೋಡಿಸಿವೆ: ಪೆಪ್ಸಿಕೋ ಫೌಂಡೇಶನ್ (PepsiCo Foundation) ಎಸ್‌ಬಿಐ ಫೌಂಡೇಶನ್ (SBI Foundation) ಬಿಲ್ ಅಂಡ್ ಮೆಲಿಂಡಾ ಗೇಟ್ಸ್ ಫೌಂಡೇಶನ್ (Gates Foundation) ಎನ್ವಿರಾನ್ಮೆಂಟಲ್ ಡಿಫೆನ್ಸ್ ಫಂಡ್ (EDF)
