Job Description: ➤ ಭಾರತೀಯ ಸೇನೆ ತನ್ನ ಫಿರಂಗಿ ಸಾಮರ್ಥ್ಯವನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯುವ ಮಹತ್ವದ ಹೆಜ್ಜೆಯಾಗಿ, ರಾಮ್‌ಜೆಟ್ ಚಾಲಿತ 155 ಎಂಎಂ ಫಿರಂಗಿ ಶೆಲ್‌ಗಳನ್ನು ಕಾರ್ಯಾಚರಣೆಗೆ ನಿಯೋಜಿಸಲು ಸಿದ್ಧವಾಗಿದೆ. ಈ ತಂತ್ರಜ್ಞಾನವನ್ನು ಕಾರ್ಯಾಚರಣೆಯಲ್ಲಿ ಬಳಸುವ ವಿಶ್ವದ ಮೊದಲ ಸೇನೆಯಾಗುವ ಹೆಗ್ಗಳಿಕೆಗೆ ಭಾರತೀಯ ಸೇನೆ ಪಾತ್ರವಾಗಲಿದೆ.➤ ಈ ಸುಧಾರಿತ ಫಿರಂಗಿ ಶೆಲ್‌ಗಳನ್ನು ರಾಜಸ್ಥಾನದ ಪೋಖಾನ್ (Pokhran) ಫೀಲ್ಡ್ ಫೈರಿಂಗ್ ರೇಂಜ್‌ನಲ್ಲಿ ಯಶಸ್ವಿಯಾಗಿ ಪರೀಕ್ಷಿಸಲಾಗಿದೆ. ಶೆಲ್‌ಗಳ ಅಭಿವೃದ್ಧಿಯನ್ನು ಭಾರತೀಯ ತಂತ್ರಜ್ಞಾನ ಸಂಸ್ಥೆ (IIT) ಮದ್ರಾಸ್, ಸೇನಾ ತಂತ್ರಜ್ಞಾನ ಮಂಡಳಿ (Army Technology Board – ATB) ಸಹಯೋಗದೊಂದಿಗೆ ಕೈಗೊಳ್ಳಲಾಗಿದೆ.➤ರಾಮ್‌ಜೆಟ್ ತಂತ್ರಜ್ಞಾನದ ವಿಶೇಷತೆ: ರಾಮ್‌ಜೆಟ್ ಪ್ರೊಪಲ್ಷನ್ ತಂತ್ರಜ್ಞಾನವು ಈಗಾಗಲೇ ಕ್ಷಿಪಣಿಗಳಲ್ಲಿ ಬಳಸಲಾಗುತ್ತಿತ್ತು. ಆದರೆ, ಇದೇ ತಂತ್ರಜ್ಞಾನವನ್ನು ಫಿರಂಗಿ ಶೆಲ್‌ಗಳಿಗೆ ಅನ್ವಯಿಸಿರುವುದು ಕ್ರಾಂತಿಕಾರಿ ಬೆಳವಣಿಗೆ ಎಂದು ಪರಿಗಣಿಸಲಾಗಿದೆ.ರಾಮ್‌ಜೆಟ್ ಎಂಜಿನ್‌ಗಳು:- ಗಾಳಿಯನ್ನು ಆಮ್ಲಜನಕವಾಗಿ ಬಳಸುತ್ತವೆ- ಯಾವುದೇ ಚಲಿಸುವ ಭಾಗಗಳನ್ನು ಹೊಂದಿರುವುದಿಲ್ಲ- ಫಿರಂಗಿಯಿಂದ ಹೊರಟ ಬಳಿಕ ನಿರಂತರ thrust ಒದಗಿಸುತ್ತವೆ➤ ಕಾರ್ಯಕ್ಷಮತೆ ಮತ್ತು ಲಾಭ:=> 155 ಎಂಎಂ ಸಾಮಾನ್ಯ ಶೆಲ್‌ಗಳಿಗಿಂತ 30–50% ಹೆಚ್ಚುವರಿ ವ್ಯಾಪ್ತಿ=> 80 ರಿಂದ 120 ಕಿಮೀ ವರೆಗೆ ಗುರಿ ತಲುಪುವ ಸಾಮರ್ಥ್ಯ=> ಈಗಾಗಲೇ ಬಳಕೆಯಲ್ಲಿರುವ ಗನ್‌ಗಳಿಗೆ ಮರು ವಿನ್ಯಾಸ ಅಗತ್ಯವಿಲ್ಲ=> M777 ಅಲ್ಟ್ರಾ ಲೈಟ್ ಹೌಟ್ಸರ್, ATAGS ಸೇರಿದಂತೆ ಎಲ್ಲಾ 155 ಎಂಎಂ ಗನ್‌ಗಳಿಗೆ ಹೊಂದಾಣಿಕೆ=> ಕಡಿಮೆ ವೆಚ್ಚದಲ್ಲಿ ದೀರ್ಘವ್ಯಾಪ್ತಿಯ, ನಿಖರ ದಾಳಿ ಸಾಮರ್ಥ್ಯ➤ ಈ ಯೋಜನೆ ಆತ್ಮನಿರ್ಭರ ಭಾರತ್ ಉಪಕ್ರಮದ ಅಡಿಯಲ್ಲಿ ಅಭಿವೃದ್ಧಿಗೊಂಡಿದ್ದು, ದೇಶೀಯ ತಂತ್ರಜ್ಞಾನ ಮತ್ತು ಸಂಶೋಧನೆಯ ಶಕ್ತಿಯನ್ನು ಪ್ರದರ್ಶಿಸುತ್ತದೆ. ಐಐಟಿ ಮದ್ರಾಸ್‌ನ ಏರೋಸ್ಪೇಸ್ ಎಂಜಿನಿಯರಿಂಗ್ ವಿಭಾಗದ ಪ್ರಾಧ್ಯಾಪಕರು ಪಿ.ಎ. ರಾಮಕೃಷ್ಣ ಮತ್ತು ಎಸ್. ವರ್ಮಾ ಅವರು ಈ ರಾಮ್‌ಜೆಟ್ ಚಾಲಿತ ಫಿರಂಗಿ ಶೆಲ್ ಅಭಿವೃದ್ಧಿಯಲ್ಲಿ ಪ್ರಮುಖ ಪಾತ್ರವಹಿಸಿದ್ದಾರೆ.➤ ಅಮೆರಿಕದ Boeing, ನಾರ್ವೆಯ Nammo ಮುಂತಾದ ಸಂಸ್ಥೆಗಳು ಪರೀಕ್ಷಾ ಹಂತದಲ್ಲಿ ಇದ್ದರೂ, ಕಾರ್ಯಾಚರಣಾ ಹಂತದಲ್ಲಿ ಈ ತಂತ್ರಜ್ಞಾನ ಬಳಸದ ವಿಶ್ವದ ಮೊದಲ ದೇಶ ಭಾರತವಾಗಲಿದೆ. ಇದರಿಂದ ಭಾರತದ ಡೀಪ್-ಸ್ಟ್ರೈಕ್ ಮತ್ತು ಕೌಂಟರ್ ಬ್ಯಾಟರಿ ಸಾಮರ್ಥ್ಯಗಳು ಬಹಳ ಮಟ್ಟಿಗೆ ವೃದ್ಧಿಯಾಗಲಿವೆ.
