Job Description: ➤ ಹಿಂದೂ ಮಹಾಸಾಗರದಲ್ಲಿ ಭಾರತದ ಪ್ರಾಬಲ್ಯವನ್ನು ಹೆಚ್ಚಿಸಲು ಮತ್ತು ಕಡಲ ಭದ್ರತೆಯನ್ನು ಉತ್ತುಂಗಕ್ಕೆ ಕೊಂಡೊಯ್ಯಲು ಭಾರತೀಯ ನೌಕಾಪಡೆಯು 2026ರಲ್ಲಿ ಐತಿಹಾಸಿಕ ಗುರಿಯನ್ನು ಹಾಕಿಕೊಂಡಿದೆ. ಈ ಯೋಜನೆಯಂತೆ, ಪ್ರತಿ ಒಂದೂವರೆ ತಿಂಗಳಿಗೊಮ್ಮೆ (45 ದಿನಗಳು) ಒಂದು ಹೊಸ ಯುದ್ಧ ಹಡಗನ್ನು ನೌಕಾಪಡೆಗೆ ಸೇರ್ಪಡೆಗೊಳಿಸಲು ನಿರ್ಧರಿಸಲಾಗಿದೆ.'ಆತ್ಮನಿರ್ಭರ ಭಾರತ' ಅಭಿಯಾನದ ಅಡಿಯಲ್ಲಿ ದೇಶೀಯವಾಗಿ ಹಡಗು ನಿರ್ಮಾಣ ಕ್ಷೇತ್ರದಲ್ಲಿ ಸಾಧಿಸಿರುವ ಪ್ರಗತಿಯು ಈ ಬೃಹತ್ ಗುರಿಯನ್ನು ತಲುಪಲು ಪೂರಕವಾಗಿದೆ.➤ ನೌಕಾಪಡೆಯ ಇತ್ತೀಚಿನ ಪ್ರಮುಖ ಕಾರ್ಯಾಚರಣೆಗಳು:-=> ಆಪರೇಷನ್ ಸಿಂದೂರ್: ಪಶ್ಚಿಮ ಭಾರತೀಯ ಮಹಾಸಾಗರದಲ್ಲಿ ಐಎನ್‌ಎಸ್ ತರ್ಕಶ್ ಮತ್ತು ಪಿ-8ಐ ನೌಕೆಗಳು ಸುಮಾರು 2,500 ಕೆಜಿ ಮಾದಕ ವಸ್ತುಗಳನ್ನು ವಶಪಡಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿವೆ (ಮಾರ್ಚ್ 2025).=> ಆಪರೇಷನ್ ಸಂಕಲ್ಪ: ವ್ಯಾಪಾರ ಹಡಗುಗಳ ರಕ್ಷಣೆ ಮತ್ತು ಕಡಲ್ಗಳ್ಳತನ ವಿರೋಧಿ ಕಾರ್ಯಾಚರಣೆಗಳಿಗಾಗಿ ಈ ಉಪಕ್ರಮವನ್ನು ಕೈಗೊಳ್ಳಲಾಗಿದೆ.=> ಆಪರೇಷನ್ ಬ್ರಹ್ಮ: ಮ್ಯಾನ್ಮಾರ್ ಭೂಕಂಪದ ಸಮಯದಲ್ಲಿ ಸಂತ್ರಸ್ತರಿಗೆ ಮಾನವೀಯ ನೆರವು ನೀಡಲು ಐಎನ್‌ಎಸ್ ಸಾತ್ಪುರ ಸೇರಿದಂತೆ ಹಲವು ಹಡಗುಗಳನ್ನು ಬಳಸಿಕೊಳ್ಳಲಾಗಿದೆ.➤ ದೇಶೀಯ ನಿರ್ಮಿತ ಹಡಗುಗಳ ಸೇರ್ಪಡೆ (2025):ಕಳೆದ ವರ್ಷದಲ್ಲಿ ಭಾರತವು ತನ್ನ 'ಆತ್ಮನಿರ್ಭರ ಭಾರತ' ಅಭಿಯಾನದಡಿ ಹಲವು ಯುದ್ಧನೌಕೆಗಳನ್ನು ಸೇರ್ಪಡೆಗೊಳಿಸಿದೆ:# ಐಎನ್‌ಎಸ್ ಸೂರತ್: ಇವು ಪ್ರಾಜೆಕ್ಟ್ 15B ಅಡಿಯಲ್ಲಿ ಮಜಗಾಂವ್ ಡಾಕ್ ಶಿಪ್‌ಬಿಲ್ಡರ್ಸ್ ಲಿಮಿಟೆಡ್ ನಿರ್ಮಿಸಿದ ನಾಲ್ಕನೇ ಹಾಗೂ ಕೊನೆಯ ಸ್ಟೆಲ್ತ್ ಗೈಡೆಡ್ ಮಿಸೈಲ್ ಡಿಸ್ಟ್ರೋಯರ್ ಆಗಿದ್ದು, ಅತ್ಯಾಧುನಿಕ ರಾಡಾರ್ ಮತ್ತು ಕ್ಷಿಪಣಿ ವ್ಯವಸ್ಥೆಗಳೊಂದಿಗೆ ಶತ್ರುಗಳ ವಿಮಾನಗಳು ಹಾಗೂ ಹಡಗುಗಳನ್ನು ದೂರದಿಂದಲೇ ಪತ್ತೆಹಚ್ಚಿ ನಾಶಮಾಡುವ ಸಾಮರ್ಥ್ಯವನ್ನು ಹೊಂದಿದೆ.# ನೀಲಗಿರಿ ವರ್ಗದ ಫ್ರಿಗೇಟ್‌ಗಳು: ನೀಲಗಿರಿ ವರ್ಗದ ಫ್ರಿಗೇಟ್‌ಗಳು ಪ್ರಾಜೆಕ್ಟ್ 17A ಅಡಿಯಲ್ಲಿ ನಿರ್ಮಿಸಲಾದ ಸುಧಾರಿತ ಸ್ಟೆಲ್ತ್ ಯುದ್ಧನೌಕೆಗಳಾಗಿದ್ದು, ಕಡಿಮೆ ರಾಡಾರ್ ಸಿಗ್ನೇಚರ್, ಆಧುನಿಕ ಶಸ್ತ್ರಾಸ್ತ್ರಗಳು ಮತ್ತು ರಕ್ಷಣೆ–ಆಕ್ರಮಣ ಎರಡರಲ್ಲೂ ಬಲವರ್ಧಿತ ಸಾಮರ್ಥ್ಯವನ್ನು ಹೊಂದಿ ಭಾರತೀಯ ನೌಕಾಪಡೆಯ ಸಮರ ಶಕ್ತಿಯನ್ನು ಹೆಚ್ಚಿಸುತ್ತವೆ.# ಐಎನ್ಎಸ್ ವಾಗೀರ್ (ಜಲಾಂತರ್ಗಾಮಿ): ಐಎನ್ಎಸ್ ವಾಗೀರ್ (INS Vagir)ವು ಪ್ರಾಜೆಕ್ಟ್ 75 ಅಡಿಯಲ್ಲಿ ನಿರ್ಮಿಸಲಾದ ಆರನೇ ಹಾಗೂ ಕೊನೆಯ ಕಲ್ವರಿ ವರ್ಗದ ಡೀಸೆಲ್–ಎಲೆಕ್ಟ್ರಿಕ್ ಅಟ್ಯಾಕ್ ಜಲಾಂತರ್ಗಾಮಿಯಾಗಿದ್ದು, ಅತ್ಯಂತ ನಿಶ್ಯಬ್ದ ಕಾರ್ಯಾಚರಣೆ ಸಾಮರ್ಥ್ಯದೊಂದಿಗೆ ಕಣ್ಗಾವಲು, ಗುಪ್ತ ದಾಳಿ ಮತ್ತು ಮಾಹಿತಿ ಸಂಗ್ರಹಣೆಯಲ್ಲಿ ಅತ್ಯಂತ ಪರಿಣಾಮಕಾರಿಯಾಗಿದೆ. ➤ ಸಾಗರ ಪ್ರದೇಶದಲ್ಲಿ ಹೆಚ್ಚುತ್ತಿರುವ ಸವಾಲುಗಳನ್ನು ಎದುರಿಸಲು ಮತ್ತು ನೆರೆಯ ರಾಷ್ಟ್ರಗಳಿಗೆ ಸಹಾಯ ಹಸ್ತ ಚಾಚಲು ಭಾರತೀಯ ನೌಕಾಪಡೆಯು ಆಧುನೀಕರಣದ ಹಾದಿಯಲ್ಲಿದೆ. ಇದು ಭಾರತವನ್ನು 'Net Security Provider' ಆಗಿ ರೂಪಿಸಲು ಸಹಕಾರಿಯಾಗಿದೆ.
