➤ ಬೆಂಗಳೂರು: ಕರ್ನಾಟಕ ವಿಧಾನ ಪರಿಷತ್ತಿನ ನೂತನ ಉಪ ಸಭಾಪತಿಯಾಗಿ ಹಿರಿಯ ನಟಿ ಹಾಗೂ ಕಾಂಗ್ರೆಸ್ ವಿಧಾನ ಪರಿಷತ್ ಸದಸ್ಯೆ (MLC) ಉಮಾಶ್ರೀ ಅವರು ಸರ್ವಾನುಮತದಿಂದ ಆಯ್ಕೆಯಾಗಿದ್ದಾರೆ. ಸಭಾನಾಯಕ ಡಾ. ಯತೀಂದ್ರ ಸಿದ್ದರಾಮಯ್ಯಅವರು ಮಂಡಿಸಿದ ಪ್ರಸ್ತಾವನೆಯನ್ನು ವಿಧಾನ ಪರಿಷತ್ತು ಏಕಕಂಠದಿಂದ ಅಂಗೀಕರಿಸಿತು. ಪ್ರತಿಪಕ್ಷಗಳಾದ ಬಿಜೆಪಿ ಮತ್ತು ಜೆಡಿಎಸ್ ಬೆಂಬಲದೊಂದಿಗೆ, ಸಭಾಪತಿಸಲೀಂ ಅಹಮದ್ಅವರು ಉಮಾಶ್ರೀ ಅವರ ಆಯ್ಕೆಯನ್ನು ಅಧಿಕೃತವಾಗಿ ಘೋಷಿಸಿದರು.

• ಸರ್ವಾನುಮತದ ಆಯ್ಕೆ: ವಿರೋಧ ಪಕ್ಷಗಳು ಯಾವುದೇ ಅಭ್ಯರ್ಥಿಯನ್ನು ಕಣಕ್ಕಿಳಿಸದ ಹಿನ್ನೆಲೆಯಲ್ಲಿ ಉಮಾಶ್ರೀ ಅವರು ಅವಿರೋಧವಾಗಿ ಆಯ್ಕೆಯಾದರು.
• ಪೀಠಕ್ಕೆ ಕರೆತಂದ ನಾಯಕರು: ಸಭಾನಾಯಕ ಯತೀಂದ್ರ ಸಿದ್ದರಾಮಯ್ಯ ಹಾಗೂ ವಿಧಾನ ಪರಿಷತ್ತಿನ ವಿರೋಧ ಪಕ್ಷದ ನಾಯಕ ಛಲವಾದಿ ನಾರಾಯಣಸ್ವಾಮಿ ಅವರು ಉಮಾಶ್ರೀ ಅವರನ್ನು ಗೌರವಪೂರ್ವಕವಾಗಿ ಆಸನದ ಬಳಿಗೆ ಕರೆತಂದು ಶುಭ ಹಾರೈಸಿದರು.
• ಶಾಸಕರ ದಿನಾಚರಣೆ ಪುನರಾರಂಭದ ಸುಳಿವು: ಬಿಜೆಪಿ ಸದಸ್ಯ ಧನಂಜಯ ಸರ್ಜಿ ಅವರ ಮನವಿಗೆ ಸ್ಪಂದಿಸಿದ ಸಭಾಪತಿ ಸಲೀಂ ಅಹಮದ್, 2006ರಿಂದ ನಿಂತುಹೋಗಿರುವ 'ಶಾಸಕರ ದಿನಾಚರಣೆ'ಯನ್ನು ಮುಂದಿನ ವರ್ಷದಿಂದ ಪುನರಾರಂಭಿಸುವ ಬಗ್ಗೆ ಮುಖ್ಯಮಂತ್ರಿಗಳೊಂದಿಗೆ ಚರ್ಚಿಸುವುದಾಗಿ ತಿಳಿಸಿದರು.

➤ ಉಮಾಶ್ರೀ ಅವರ ಜೀವನ ಹಾಗೂ ರಾಜಕೀಯ ಪಯಣ:

ಆರಂಭಿಕ ಜೀವನ & ಶಿಕ್ಷಣ: ತುಮಕೂರು ಜಿಲ್ಲೆಯ ತಿಪಟೂರು ತಾಲೂಕಿನ ನವಣಕೇರೆ ಗ್ರಾಮದಲ್ಲಿ 1957ರಲ್ಲಿ ಜನಿಸಿದರು.
ಬಡತನದ ಸವಾಲುಗಳನ್ನು ಮೀರಿ ನಿಂತ ಅವರು, ಕೇವಲ ಎಸ್‌ಎಸ್‌ಎಲ್‌ಸಿ (SSLC) ವರೆಗೆ ಮಾತ್ರ ಓದಿದ್ದರೂ, 54ನೇ ವಯಸ್ಸಿನಲ್ಲಿ ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾಲಯ (KSOU) ದಿಂದ ರಾಜಕೀಯ ವಿಜ್ಞಾನದಲ್ಲಿ ಸ್ನಾತಕೋತ್ತರ ಪದವಿ (M.Sc / M.A in Political Science) ಪಡೆದು ಸಾಧನೆ ಮಾಡಿದರು.

ರಂಗಭೂಮಿ & ಚಲನಚಿತ್ರ ಸಾಧನೆ: 470ಕ್ಕೂ ಹೆಚ್ಚು ಚಲನಚಿತ್ರಗಳು ಹಾಗೂ 200ಕ್ಕೂ ಹೆಚ್ಚು ನಾಟಕಗಳಲ್ಲಿ (7,000ಕ್ಕೂ ಹೆಚ್ಚು ಪ್ರದರ್ಶನ) ಅಭಿನಯಿಸಿದ್ದಾರೆ. 2008ರಲ್ಲಿ ‘ಗುಲಾಬಿ ಟಾಕೀಸ್’ ಚಿತ್ರದ ಅಭಿನಯಕ್ಕಾಗಿ ರಾಷ್ಟ್ರಪ್ರಶಸ್ತಿ (ಅತ್ಯುತ್ತಮ ನಟಿ) ಪಡೆದಿದ್ದಾರೆ. 6 ಬಾರಿ ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿ ಹಾಗೂ ಕರ್ನಾಟಕ ನಾಟಕ ಅಕಾಡೆಮಿ ಪ್ರಶಸ್ತಿಗಳಿಗೆ ಭಾಜನರಾಗಿದ್ದಾರೆ.
➤ ರಾಜಕೀಯ ಪಯಣ:

• 2001: ಮೊದಲ ಬಾರಿಗೆ ವಿಧಾನ ಪರಿಷತ್ತಿಗೆ (ಮೇಲ್ಮನೆ) ನಾಮನಿರ್ದೇಶನ.
• 2013: ಬಾಗಲಕೋಟೆ ಜಿಲ್ಲೆಯ ತೇರದಾಳ ಶಾಸನಸಭಾ ಕ್ಷೇತ್ರದಿಂದ ಶಾಸಕಿಯಾಗಿ ಆಯ್ಕೆ.
• ಸಚಿವರಾಗಿ ಸೇವೆ: ಸಿದ್ದರಾಮಯ್ಯ ಅವರ ಸಚಿವ ಸಂಪುಟದಲ್ಲಿ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ, ವಿಕಲಚೇತನರ ಹಾಗೂ ಹಿರಿಯ ನಾಗರಿಕರ ಸಬಲೀಕರಣ, ಮತ್ತು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಚಿವೆಯಾಗಿ ಕಾರ್ಯನಿರ್ವಹಿಸಿದ್ದಾರೆ.
• 2023: ಎರಡನೇ ಬಾರಿಗೆ ವಿಧಾನ ಪರಿಷತ್ತಿಗೆ ಮರುಆಯ್ಕೆ.