Job Description: ➤ ಭಾರತದ ಆರ್ಥಿಕ ಬೆಳವಣಿಗೆಗೆ ಮತ್ತಷ್ಟು ವೇಗ ನೀಡಲು ಹಾಗೂ ದೇಶದಲ್ಲಿ ಉದ್ಯೋಗ ಸೃಷ್ಟಿಯನ್ನು ಉತ್ತೇಜಿಸಲು ವಿಶ್ವಬ್ಯಾಂಕ್ (World Bank) ಬರೋಬ್ಬರಿ 1.5 ಬಿಲಿಯನ್ ಡಾಲರ್ (ಸುಮಾರು ₹14,188 ಕೋಟಿ) ಸಾಲದ ನೆರವನ್ನು ಅನುಮೋದಿಸಿದೆ. ವಿಶ್ವಬ್ಯಾಂಕ್‌ನ ಕಾರ್ಯನಿರ್ವಾಹಕ ನಿರ್ದೇಶಕರ ಮಂಡಳಿಯು ಈ ಮಹತ್ವದ ನಿರ್ಧಾರವನ್ನು ಪ್ರಕಟಿಸಿದ್ದು, ಈ ಸಾಲವನ್ನು 'ಅಭಿವೃದ್ಧಿ ನೀತಿ ಹಣಕಾಸು' (Development Policy Financing - DPF) ಕಾರ್ಯಾಚರಣೆಯಡಿಯಲ್ಲಿ ಒದಗಿಸಲಾಗುತ್ತಿದೆ.➤ 1.1 ಕೋಟಿ ಉದ್ಯೋಗ ಸೃಷ್ಟಿಯ ಗುರಿ: ವಿಶ್ವಬ್ಯಾಂಕ್ ನೀಡಿರುವ ಮಾಹಿತಿ ಪ್ರಕಾರ, ಮುಂದಿನ ಎರಡು ದಶಕಗಳಲ್ಲಿ (20 ವರ್ಷ) ಭಾರತದ ಶ್ರಮ ಮಾರುಕಟ್ಟೆಗೆ ಪ್ರವೇಶಿಸುವ ಸುಮಾರು 1.1 ಕೋಟಿಗೂ ಹೆಚ್ಚು ಯುವಕರಿಗೆ ಉದ್ಯೋಗಾವಕಾಶಗಳನ್ನು ಸೃಷ್ಟಿಸಲು ಈ ಆರ್ಥಿಕ ನೆರವು ಪೂರಕವಾಗಲಿದೆ. ಈ ಕಾರ್ಯಕ್ರಮವು ವಿಶ್ವಬ್ಯಾಂಕ್ ಭಾರತದೊಂದಿಗೆ ಹೊಂದಿರುವ ದೇಶದ ಪಾಲುದಾರಿಕೆ ಚೌಕಟ್ಟು (Country Partnership Framework - CPF 2031) ಯೋಜನೆಯೊಂದಿಗೆ ಜೋಡಿಸಲ್ಪಟ್ಟಿದೆ.➤ ಉತ್ತೇಜನ ಸಿಗಲಿರುವ ಕ್ಷೇತ್ರಗಳು : ರಚನಾತ್ಮಕ ಸುಧಾರಣೆಗಳು: ಸರಕು ಮತ್ತು ಸೇವಾ ತೆರಿಗೆ (GST) ದರಗಳ ಸರಳೀಕರಣ. ವ್ಯಾಪಾರ ಒಪ್ಪಂದಗಳು: ಮುಕ್ತ ಮತ್ತು ಸುಲಭ ವ್ಯಾಪಾರಕ್ಕೆ ಉತ್ತೇಜನ. ಉದ್ಯೋಗ ಸೃಷ್ಟಿ: ಖಾಸಗಿ ವಲಯದಲ್ಲಿ ಬಂಡವಾಳ ಹೂಡಿಕೆ ಹೆಚ್ಚಿಸುವ ಮೂಲಕ ಉದ್ಯೋಗಾವಕಾಶಗಳ ವಿಸ್ತರಣೆ. ➤ ಕರ್ನಾಟಕ ಸರ್ಕಾರದ ಸುಗ್ರೀವಾಜ್ಞೆ ಮತ್ತು ಇತರ ರಾಜ್ಯಗಳ ಪಾಠ: ಕಿರು ಹಣಕಾಸು ಸಂಸ್ಥೆಗಳಿಂದ ಗ್ರಾಮೀಣ ಮತ್ತು ಬಡ ಸಾಲಗಾರರಿಗೆ ಆಗುತ್ತಿದ್ದ ಕಿರುಕುಳವನ್ನು ತಡೆಗಟ್ಟಲು ಕರ್ನಾಟಕ ಸರ್ಕಾರವು ಕಳೆದ ವರ್ಷದ ಫೆಬ್ರವರಿಯಲ್ಲಿ ವಿಶೇಷ ಸುಗ್ರೀವಾಜ್ಞೆಯನ್ನು (Ordinance) ಜಾರಿಗೆ ತಂದಿತ್ತು. ಈ ಸುಗ್ರೀವಾಜ್ಞೆಯ ತಕ್ಷಣದ ಪರಿಣಾಮವಾಗಿ ಕರ್ನಾಟಕದಲ್ಲಿ ಕಿರು ಹಣಕಾಸು ಸಂಸ್ಥೆಗಳ ಸಾಲ ಸಂಗ್ರಹಣೆಯಲ್ಲಿ ಶೇ 5 ರಿಂದ ಶೇ 6 ರಷ್ಟು ಇಳಿಕೆಯಾಗಿತ್ತು. ಆದರೆ, ಕರ್ನಾಟಕದ ಈ ಕಠಿಣ ಕಾನೂನಿನಿಂದ ಪಾಠ ಕಲಿತ ತಮಿಳುನಾಡು ಮತ್ತು ಬಿಹಾರದಂತಹ ರಾಜ್ಯಗಳು, ತಮ್ಮ ಸಾಲ ಕಾರ್ಯಾಚರಣೆಯ ವಿಧಾನಗಳನ್ನು ಮೊದಲೇ ಬದಲಾಯಿಸಿಕೊಂಡಿದ್ದರಿಂದ ಆ ರಾಜ್ಯಗಳ ಹಣಕಾಸು ಸಂಗ್ರಹಣೆಯ ಮೇಲೆ ಹೆಚ್ಚಿನ ಪರಿಣಾಮ ಬೀರಲಿಲ್ಲ ಎಂದು ಕ್ರಿಸಿಲ್ ವರದಿ ಉಲ್ಲೇಖಿಸಿದೆ.KAS, PSI, PC, FDA, SDA, RRB, PDO ಸೇರಿದಂತೆ ಇನ್ನಿತರ ಪರೀಕ್ಷೆಗಳ ಹಳೆ ಪ್ರಶ್ನೆ ಪತ್ರಿಕೆಗಳನ್ನು ಅಭ್ಯಾಸ ಮಾಡಲು ಇಲ್ಲಿ ಕ್ಲಿಕ್ ಮಾಡಿ
