➤ ನವದೆಹಲಿ: ಭಾರತೀಯ ಸಾಹಿತ್ಯ ಲೋಕದ ಅತ್ಯುನ್ನತ ಪುರಸ್ಕಾರಗಳಲ್ಲಿ ಒಂದಾದ 'ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ 2025' ಅನ್ನು ಅಧಿಕೃತವಾಗಿ ಘೋಷಿಸಲಾಗಿದೆ. 2026ರ ಮಾರ್ಚ್ 16ರಂದು ಪ್ರಕಟವಾದ ಈ ಪಟ್ಟಿಯಲ್ಲಿ ದೇಶದ 24 ಭಾಷೆಗಳ ಶ್ರೇಷ್ಠ ಸಾಹಿತಿಗಳನ್ನು ಗೌರವಿಸಲಾಗಿದೆ. ಈ ಬಾರಿ ಕನ್ನಡದ ಖ್ಯಾತ ಸಾಹಿತಿ ಅಮರೇಶ ನುಗಡೋನಿ ಅವರ 'ದಾದಾ ಸೇರಿಸು ತಂದೆ' (ಸಣ್ಣ ಕಥೆಗಳ ಸಂಕಲನ) ಕೃತಿಗೆ ಪ್ರಶಸ್ತಿ ಸಂದಿರುವುದು ವಿಶೇಷ.➤ ಕೇಂದ್ರ ಸಾಹಿತ್ಯ ಅಕಾಡೆಮಿಯು 8 ಕವನ ಸಂಕಲನಗಳು, 4 ಕಾದಂಬರಿಗಳು, 6 ಸಣ್ಣ ಕಥಾ ಸಂಕಲನಗಳು, 2 ಪ್ರಬಂಧಗಳು, 1 ವಿಮರ್ಶೆ, 1 ಆತ್ಮಕಥೆ ಹಾಗೂ 2 ಸಂಸ್ಮರಣೆ ಗ್ರಂಥಗಳು ಸೇರಿದಂತೆ ಒಟ್ಟು 24 ಕೃತಿಗಳನ್ನು 2025ನೇ ಸಾಲಿನ ಪ್ರಶಸ್ತಿಗೆ ಆಯ್ಕೆ ಮಾಡಿದ್ದು, ವಿಜೇತರಿಗೆ ತಲಾ ₹1,00,000 ನಗದು, ಶಾಲು ಮತ್ತು ಸ್ಮರಣಿಕೆಯನ್ನು ನೀಡಿ ಮಾರ್ಚ್ 31, 2026 ರಂದು ನವದೆಹಲಿಯಲ್ಲಿ ನಡೆಯಲಿರುವ ಸಮಾರಂಭದಲ್ಲಿ ಗೌರವಿಸಲಾಗುವುದು.➤ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ 2025 :ಕನ್ನಡ: ಅಮರೇಶ ನುಗಡೋನಿ: ದಾದಾ ಸೇರಿಸು ತಂದೆ (ಸಣ್ಣ ಕಥೆಗಳು)ಇಂಗ್ಲಿಷ್: ನವತೇಜ್ ಸರ್ನಾ: Crimson Spring (ಕಾದಂಬರಿ)ಹಿಂದಿ: ಮಮತಾ ಕಾಲಿಯಾ: Jeete Jee Allahabad (ಸಂಸ್ಮರಣೆ)ಸಂಸ್ಕೃತ: ಸಾಧು ಭದ್ರೇಶ್ ದಾಸ್: Prasthanacatustaye Brahmaghosah (ಕವನ)ತಮಿಳು: ಸಾ. ತಮಿಳ್‌ಸೆಲ್ವನ್: Thamiz Sirukathaiyin Thadangal (ವಿಮರ್ಶೆ)ಮಲಯಾಳಂ: ಎನ್. ಪ್ರಭಾಕರನ್: Maayaamanushyar (ಕಾದಂಬರಿ)ಮರಾಠಿ: ರಾಜು ಬವಿಸ್ಕರ್: Kalyanilya Resha (ಆತ್ಮಕಥೆ)ತೆಲುಗು: ನಂದಿನಿ ಸಿಧಾ ರೆಡ್ಡಿ: Animesha (ಕವನ)ಬಂಗಾಳಿ: ಪ್ರಸೂನ್ ಬಂಡೋಪಾಧ್ಯಾಯ: Shrestha Kabita (ಕವನ)ಉರ್ದು: ಪ್ರಿತ್ಪಾಲ್ ಸಿಂಗ್ ಬೇತಾಬ್: Safar Jaari Hai (ಕವನ)➤ ಆಯ್ಕೆ ಪ್ರಕ್ರಿಯೆ: ಸಾಹಿತ್ಯ ಅಕಾಡೆಮಿಯು 1954ರಲ್ಲಿ ಸ್ಥಾಪನೆಯಾದ ಸ್ವಾಯತ್ತ ಸಂಸ್ಥೆಯಾಗಿದ್ದು, ಭಾರತದ 24 ಪ್ರಮುಖ ಭಾಷೆಗಳಲ್ಲಿನ ಸಾಹಿತ್ಯಿಕ ಶ್ರೇಷ್ಠತೆಯನ್ನು ಗುರುತಿಸುತ್ತದೆ. 2025ರ ಪ್ರಶಸ್ತಿಗಳ ಘೋಷಣೆಯು ಕೇಂದ್ರ ಸಂಸ್ಕೃತಿ ಸಚಿವಾಲಯದ ಮರುಪರಿಶೀಲನೆಯ ಕಾರಣದಿಂದ ಸ್ವಲ್ಪ ವಿಳಂಬವಾಗಿ, ಮಾರ್ಚ್ 2026ರಲ್ಲಿ ಅಂತಿಮಗೊಂಡಿದೆ. ಜೂರಿ ಸಮಿತಿಯ ಶಿಫಾರಸುಗಳ ಆಧಾರದ ಮೇಲೆ, ಕೃತಿಯ ಮೂಲ ಸೃಜನಶೀಲತೆ ಮತ್ತು ಭಾರತೀಯ ಸಾಹಿತ್ಯಕ್ಕೆ ನೀಡಿದ ಕೊಡುಗೆಯನ್ನು ಪರಿಗಣಿಸಿ ಈ ಗೌರವ ನೀಡಲಾಗುತ್ತದೆ. ➤ ಅಕಾಡೆಮಿ ಗುರುತಿಸಿರುವ ಒಟ್ಟು ಭಾಷೆಗಳು: 24 (ಸಂವಿಧಾನದ 8ನೇ ಅನುಸೂಚಿಯಲ್ಲಿರುವ 22 ಭಾಷೆಗಳು + ಇಂಗ್ಲಿಷ್ ಮತ್ತು ರಾಜಸ್ಥಾನಿ).➤ ಕನ್ನಡಕ್ಕೆ ಮೊದಲ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಬಂದಿದ್ದು: 1955 ರಲ್ಲಿ (ಕುವೆಂಪು ಅವರ 'ಶ್ರೀ ರಾಮಾಯಣ ದರ್ಶನಂ' ಕೃತಿಗೆ).
