* ರಾಜಸ್ಥಾನದ ಕರೌಲಿ ಜಿಲ್ಲೆಯ ಹಿಂಡೋನ್ ಬಳಿ ಸುಮಾರು 1,888 ಹೆಕ್ಟೇರ್ ಪ್ರದೇಶದಲ್ಲಿ ಕಬ್ಬಿಣದ ಅದಿರಿನ ಬೃಹತ್ ನಿಕ್ಷೇಪಗಳು ಪತ್ತೆಯಾಗಿವೆ. ಈ ಹಿನ್ನೆಲೆಯಲ್ಲಿ ಅದಿರು ನಿಕ್ಷೇಪ ಬ್ಲಾಕ್‌ಗಳ ಹರಾಜಿಗೆ ರಾಜಸ್ಥಾನದ ಗಣಿ ಇಲಾಖೆಯು ಸಿದ್ಧತೆ ನಡೆಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
* ಪ್ರಾಥಮಿಕ ಸೂಚನೆಗಳ ಪ್ರಕಾರ ಕರೌಲಿಯ ಹಿಂಡೋನ್ ಬಳಿಯ ಖೋಡಾ, ದಾಡರೋಲಿ, ತೋಡುಪುರ ಮತ್ತು ಲಿಲೋಟಿಯಲ್ಲಿ 840 ಟನ್‌ಗೂ ಹೆಚ್ಚು ಕಬ್ಬಿಣದ ಅದಿರು ನಿಕ್ಷೇಪಗಳಿವೆ ಎಂದು ಗಣಿ ಕಾರ್ಯದರ್ಶಿ ಆನಂದಿ ಅವರು ತಿಳಿಸಿದ್ದಾರೆ. 
* ಕರೌಲಿಯ ಖೋಡಾದಲ್ಲಿ 462.3 ಹೆಕ್ಟೇರ್, ದಾಡರೋಳಿಯಲ್ಲಿ 754.38 ಹೆಕ್ಟೇರ್, ತೋಡುಪುರದಲ್ಲಿ 260.71 ಹೆಕ್ಟೇರ್ ಮತ್ತು ಲಿಲೋಟಿಯಲ್ಲಿ 410.94 ಹೆಕ್ಟೇರ್ ಪ್ರದೇಶದಲ್ಲಿ ಕಬ್ಬಿಣದ ಅದಿರು ನಿಕ್ಷೇಪಗಳು ಪತ್ತೆಯಾಗಿವೆ.
* ಉಕ್ಕಿನ ಉದ್ಯಮ, ಕಲ್ಲಿದ್ದಲು ತೊಳೆಯುವುದು, ಫೆರೋಲಾಯ್, ಫೌಂಡರಿಗಳು, ಸೆರಾಮಿಕ್ ಮತ್ತು ಸಿಮೆಂಟ್ ಕೈಗಾರಿಕೆಗಳು ಸೇರಿದಂತೆ ರಾಜ್ಯದಲ್ಲಿ ಈ ಕೈಗಾರಿಕೆಗಳಲ್ಲಿ ಹೂಡಿಕೆ ಮತ್ತು ಹೊಸ ಕೈಗಾರಿಕೆಗಳ ಸ್ಥಾಪನೆಯೊಂದಿಗೆ ಉದ್ಯೋಗ ಮತ್ತು ಆದಾಯದ ಅವಕಾಶಗಳು ಅಭಿವೃದ್ಧಿಯಾಗುವ ನಿರೀಕ್ಷೆಗಳಿವೆ.
* ರಾಜಸ್ಥಾನದಲ್ಲಿ ಹೆಚ್ಚಿನ ಕಬ್ಬಿಣದ ಅದಿರಿನ ನಿಕ್ಷೇಪಗಳನ್ನು ಕಂಡುಹಿಡಿಯುವ ಸಾಧ್ಯತೆ ಇದೆ ಎಂದು ಇತರ ಸ್ಥಳಗಳಲ್ಲಿಯೂ ಪರಿಶೋಧನಾ ಕಾರ್ಯಗಳು ನಡೆಯುತ್ತಿವೆ, ಜೈಪುರ, ಜುಂಜುನು, ಭಿಲ್ವಾರಾ, ಸಿಕಾರ್, ಅಲ್ವಾರ್ ಮುಂತಾದ ಕಬ್ಬಿಣದ ಅದಿರು ಗಣಿಗಾರಿಕೆ ಮತ್ತು ಪರಿಶೋಧನೆ ಕಾರ್ಯ ನಡೆಯುತ್ತಿದೆ ಎಂದು ಆನಂದಿ ಅವರು ತಿಳಿಸಿದ್ದಾರೆ.