* ಛತ್ತೀಸ್‌ಗಢದಲ್ಲಿ ನಡೆದ ರಾಷ್ಟ್ರೀಯ ಸಮ್ಮೇಳನದಲ್ಲಿ ಪ್ರಧಾನ ಮಂತ್ರಿ ಫಸಲ್ ಭೀಮಾ (PMFBY) ಯೋಜನೆ ಅನುಷ್ಠಾನದಲ್ಲಿ ಕರ್ನಾಟಕವು ಅಗ್ರ(ಮೊದಲ)ಸ್ಥಾನದಲ್ಲಿದೆ ಎಂದು ಘೋಷಿಸಲಾಗಿದೆ.
* ಕರ್ನಾಟಕ ಸರ್ಕಾರದ ಕೃಷಿ ಇಲಾಖೆಯ ಸರ್ಕಾರದ ಕಾರ್ಯದರ್ಶಿ ಏಪ್ರಿಲ್ 14 ರಂದು ಛತ್ತೀಸ್​ಗಢದಲ್ಲಿ ನಡೆದ ರಾಷ್ಟ್ರೀಯ ಸಮ್ಮೇಳನದಲ್ಲಿ ಭಾರತ ಸರ್ಕಾರದ ಕೃಷಿ ಮತ್ತು ರೈತರ ಕಲ್ಯಾಣ ಸಚಿವಾಲಯದ ಕಾರ್ಯದರ್ಶಿ ಅವರಿಂದ ಪ್ರಶಸ್ತಿ ಸ್ವೀಕರಿಸಿದರು.
* 2018ರಿಂದ 2022ರ ಮೇ 31ರ ವರೆಗೆ ವಿವಿಧ ಕಾರ್ಯಾಚರಣೆ ಮತ್ತು ತಾಂತ್ರಿಕ ಕಾರಣಗಳಿಂದಾಗಿ 5.66 ಲಕ್ಷ ರೈತರ 687.4 ಕೋಟಿ ರೂ.ಗಳ ಕ್ಲೇಮ್​ಗಳು ಬಾಕಿ ಉಳಿದಿದ್ದವು. ಇದನ್ನು ಪೂರ್ಣಗೊಳಿಸಲು ರಾಜ್ಯದಾದ್ಯಂತ ಅಭಿಯಾನ ಆರಂಭಿಸಲಾಯಿತು. 
* ಈ ಪ್ರಯತ್ನಗಳಿಂದಾಗಿ 2018 ರಿಂದ ಬಾಕಿ ಉಳಿದಿದ್ದ 5.66 ಲಕ್ಷ ರೈತರ 687.4 ಕೋಟಿ ರೂ.ಗಳ ಕ್ಲೇಮ್​ಗಳನ್ನು ಇತ್ಯರ್ಥಪಡಿಸಲಾಗಿದೆ. ಇಲಾಖೆಯ ಕ್ಷಿಪ್ರ ಸೇವೆಯಿಂದಾಗಿ 5.66 ಲಕ್ಷ ರೈತರು ಬಾಕಿ ಪ್ರಯೋಜನ ಪಡೆದಿದ್ದಾರೆ.
* 2021 ರಲ್ಲಿ, ಪಿಎಂಎಫ್​ಬಿವೈಗೆ 16.15 ಲಕ್ಷ ರೈತರು ನೋಂದಾಯಿಸಿಕೊಂಡಿದ್ದರು ಮತ್ತು 2022 ರಲ್ಲಿ ದಾಖಲಾದ ರೈತರ ಸಂಖ್ಯೆ 23.86 ಲಕ್ಷಕ್ಕೆ ಏರಿದೆ. ಇದು ಹಿಂದಿನ ವರ್ಷಕ್ಕೆ ಹೋಲಿಸಿದರೆ ದಾಖಲಾತಿಯಲ್ಲಿ ಶೇಕಡಾ 47.74 ರಷ್ಟು ದಾಖಲೆಯ ಹೆಚ್ಚಳವಾಗಿದೆ. 
* 2021 ರಲ್ಲಿ, ಪಿಎಂಎಫ್​ಬಿವೈ ಯೋಜನೆಯಡಿ ರಾಜ್ಯದಲ್ಲಿ 13.35 ಲಕ್ಷ ಹೆಕ್ಟೇರ್ ಪ್ರದೇಶವನ್ನು ವಿಮೆ ಮಾಡಲಾಗಿದೆ ಮತ್ತು 2022 ರಲ್ಲಿ ಇದು 18.94 ಲಕ್ಷ ಹೆಕ್ಟೇರ್​ಗಳಿಗೆ ಏರಿಕೆಯಾಗಿದೆ. ಇದು ಹಿಂದಿನ ವರ್ಷಕ್ಕೆ ಹೋಲಿಸಿದರೆ ವಿಮಾ ಪ್ರದೇಶದಲ್ಲಿ ಶೇ.41.8 ಹೆಚ್ಚಳವಾಗಿದೆ. ರಾಜ್ಯದಾದ್ಯಂತ ನಡೆಸಿದ ಬೃಹತ್ ಐಇಸಿ ಅಭಿಯಾನಗಳಿಂದಾಗಿ ಈ ಹೆಚ್ಚಳ ಸಾಧಿಸಲಾಗಿದೆ.