Job Description: ➤ ಭಾರತೀಯ ಮೂಲದ ನಾಸಾ ಗಗನಯಾತ್ರಿ ಡಾ. ಅನಿಲ್ ಮೆನನ್ ಅವರು ಜುಲೈ 14, 2026 ರಂದು ರಷ್ಯಾದ ಸೋಯುಜ್ MS-29 ಬಾಹ್ಯಾಕಾಶ ನೌಕೆಯ ಮೂಲಕ ಕಜಕಿಸ್ತಾನದ ಬೈಕೋನೂರ್‌ನಿಂದ ರಷ್ಯಾದ ಗಗನಯಾತ್ರಿಗಳೊಂದಿಗೆ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ (ISS) ತಮ್ಮ 8 ತಿಂಗಳ ಸುದೀರ್ಘ ಚೊಚ್ಚಲ ಯಾನವನ್ನು ಆರಂಭಿಸಲಿದ್ದಾರೆ. ಸಹಯಾತ್ರಿಗಳು: ರಷ್ಯಾದ ಗಗನಯಾತ್ರಿಗಳಾದ ಪಯೋಟರ್ ಡುಬ್ರೋವ್ ಮತ್ತು ಅನ್ನಾ ಕಿಕಿನಾ ಅವರೊಂದಿಗೆ ಮೆನನ್ ಪ್ರಯಾಣಿಸಲಿದ್ದಾರೆ.➤ ಬಾಹ್ಯಾಕಾಶದಲ್ಲಿ ನಡೆಯಲಿರುವ ಪ್ರಮುಖ ಸಂಶೋಧನೆಗಳು: ಮಾನವ ದೇಹದ ಮೇಲಿನ ಪರಿಣಾಮ: ಸುದೀರ್ಘ ಕಾಲದ ಬಾಹ್ಯಾಕಾಶ ವಾಸ್ತವ್ಯ ಹಾಗೂ ಸೂಕ್ಷ್ಮ ಗುರುತ್ವಾಕರ್ಷಣೆ (Microgravity) ಮಾನವನ ರಕ್ತ ಸಂಚಲನ ಮತ್ತು ನರಗಳ ರಚನೆಯ ಮೇಲೆ ಬೀರುವ ದೈಹಿಕ ಪರಿಣಾಮಗಳ ಅಧ್ಯಯನ. ಬಾಹ್ಯಾಕಾಶದಲ್ಲೇ ಸೆಮಿಕಂಡಕ್ಟರ್ ಉತ್ಪಾದನೆ: ಹೆಚ್ಚಿನ ಕಾರ್ಯಕ್ಷಮತೆಯ ಕಂಪ್ಯೂಟರ್‌ಗಳು, ಕೃತಕ ಬುದ್ಧಿಮತ್ತೆ (AI) ಮತ್ತು ಸುಧಾರಿತ ವೈದ್ಯಕೀಯ ಉಪಕರಣಗಳ ಬಿಡಿಭಾಗಗಳಿಗೆ ಅಗತ್ಯವಿರುವ ಸೆಮಿಕಂಡಕ್ಟರ್ ಹರಳುಗಳನ್ನು (Semiconductor crystals) ಬಾಹ್ಯಾಕಾಶದ ಪರಿಸರದಲ್ಲೇ ಉತ್ಪಾದಿಸುವ ತಂತ್ರಜ್ಞಾನದ ಸಂಶೋಧನೆ. ಸ್ವಯಂಚಾಲಿತ ವೈದ್ಯಕೀಯ ಚಿಕಿತ್ಸೆ: ಕೃತಕ ಬುದ್ಧಿಮತ್ತೆ (AI) ಮತ್ತು ಆಗ್ಮೆಂಟೆಡ್ ರಿಯಾಲಿಟಿ (AR) ತಂತ್ರಜ್ಞಾನ ಬಳಸಿ ಅಲ್ಟ್ರಾಸೌಂಡ್ ತಪಾಸಣೆ ನಡೆಸುವುದು. ಇದರಿಂದ ಭವಿಷ್ಯದ ಮಂಗಳ ಅಥವಾ ಚಂದ್ರನ ಮಿಷನ್‌ಗಳಲ್ಲಿ ಭೂಮಿಯ ವೈದ್ಯರ ಸಹಾಯವಿಲ್ಲದೆಯೇ ಗಗನಯಾತ್ರಿಗಳು ತಮಗೆ ತಾವೇ ಚಿಕಿತ್ಸೆ ಪಡೆದುಕೊಳ್ಳಬಹುದು. ➤ ಡಾ. ಅನಿಲ್ ಮೆನನ್ ಅವರು ಕೇವಲ ಗಗನಯಾತ್ರಿಯಷ್ಟೇ ಅಲ್ಲ; ಅವರು ತುರ್ತು ವೈದ್ಯಕೀಯ ತಜ್ಞರಾಗಿದ್ದು (Emergency Physician), ಯುಎಸ್ ಸ್ಪೇಸ್ ಫೋರ್ಸ್‌ನ ಕರ್ನಲ್ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಈ ಹಿಂದೆ ಅಫ್ಘಾನಿಸ್ತಾನದ ಯುದ್ಧಭೂಮಿಯಲ್ಲಿ ಮತ್ತು ಮೌಂಟ್ ಎವರೆಸ್ಟ್‌ನಲ್ಲಿ ಕ್ಲೈಂಬರ್‌ಗಳಿಗೆ ಚಿಕಿತ್ಸೆ ನೀಡಿದ ಅಪ್ರತಿಮ ಸಾಹಸಿ. ಇನ್ನು ವಿಶೇಷವೆಂದರೆ, ನಾಸಾ ಸೇರುವ ಮುನ್ನ ಇವರು ಸ್ಪೇಸ್ ಎಕ್ಸ್ (SpaceX) ಸಂಸ್ಥೆಯ ಮೊದಲ 'ಫ್ಲೈಟ್ ಸರ್ಜನ್' ಆಗಿ ಸ್ಟಾರ್‌ಶಿಪ್ ಯೋಜನೆಯಲ್ಲೂ ಕೆಲಸ ಮಾಡಿದ್ದಾರೆ.➤ ಕೇರಳದ ಪಾಲಕ್ಕಾಡ್‌ಗೆ ಜೀನ್ಸ್‌ ಮೂಲ ಹೊಂದಿರುವ ಅನಿಲ್ ಮೆನನ್ ಅವರ ಈ ಯಾನ ಇಡೀ ಭಾರತೀಯ ಸಮುದಾಯಕ್ಕೆ ಹೆಮ್ಮೆಯ ವಿಷಯವಾಗಿದೆ.ಪ್ರತಿ ದಿನದ ಉದ್ಯೋಗ ಮಾಹಿತಿ ಅಪ್ಡೇಟ್‌ಗಾಗಿ ಇಲ್ಲಿ ಕ್ಲಿಕ್ ಮಾಡಿ
