➤ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ 'ಆತ್ಮನಿರ್ಭರ ಭಾರತ' ಅಭಿಯಾನಕ್ಕೆ ಮತ್ತಷ್ಟು ವೇಗ ನೀಡುವ ಸಲುವಾಗಿ ಭಾರತ ಸರ್ಕಾರದ ರಕ್ಷಣಾ ಸಚಿವಾಲಯವು ಒಂದು ಐತಿಹಾಸಿಕ ತೀರ್ಮಾನವನ್ನು ಕೈಗೊಂಡಿದೆ. ವಿದೇಶಿ ಪೂರೈಕೆದಾರರ ಮೇಲಿನ ಆಮದು ಅವಲಂಬನೆಯನ್ನು ತಗ್ಗಿಸಿ, ದೇಶೀಯವಾಗಿ ರಕ್ಷಣಾ ಸಾಮಗ್ರಿಗಳ ಉತ್ಪಾದನೆಯನ್ನು ಹೆಚ್ಚಿಸಲು ಒಟ್ಟು405 ರಕ್ಷಣಾ ಸಾಮಗ್ರಿಗಳ (Defence Items) ಆಮದಿನ ಮೇಲೆ ಹಂತ ಹಂತವಾಗಿ ನಿರ್ಬಂಧಹೇರಲಾಗಿದೆ. ಈ ಕ್ರಮದಿಂದಾಗಿ ಭಾರತೀಯ ರಕ್ಷಣಾ ಉತ್ಪಾದನಾ ಕ್ಷೇತ್ರಕ್ಕೆ ಬೃಹತ್ ಉತ್ತೇಜನ ಸಿಗಲಿದ್ದು, ದೇಶದ ಭದ್ರತಾ ವ್ಯವಸ್ಥೆ ಇನ್ನಷ್ಟು ಸಶಕ್ತಗೊಳ್ಳಲಿದೆ.

➤ 'ಪಾಸಿಟಿವ್ ಇಂಡಿಜನೈಸೇಶನ್ ಲಿಸ್ಟ್': ರಕ್ಷಣಾ ಸಚಿವಾಲಯವು ಪ್ರಕಟಿಸಿರುವ೬ನೇ ಪಾಸಿಟಿವ್ ಇಂಡಿಜನೈಸೇಶನ್ ಲಿಸ್ಟ್(6th Positive Indigenisation List) ಅಡಿಯಲ್ಲಿ ಈ 405 ಪ್ರಮುಖ ಬಿಡಿಭಾಗಗಳು ಮತ್ತು ಸಾಮಗ್ರಿಗಳನ್ನು ಸೇರಿಸಲಾಗಿದೆ.

• ನಿರ್ದಿಷ್ಟ ಕಾಲಮಿತಿಯೊಳಗೆ (ಡಿಸೆಂಬರ್ 2026 ರಿಂದ ಡಿಸೆಂಬರ್ 2029 ರವರೆಗೆ) ಭಾರತೀಯ ಕೈಗಾರಿಕೆಗಳು ಇವುಗಳನ್ನು ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿ ಪೂರೈಸಲಿವೆ.
• ದೇಶೀಯ ತಯಾರಿಕೆ ಸಿದ್ಧಗೊಳ್ಳುತ್ತಿದ್ದಂತೆ, ಈ ಸಾಮಗ್ರಿಗಳ ವಿದೇಶಿ ಆಮದನ್ನು ಸಂಪೂರ್ಣವಾಗಿ ಸ್ಥಗಿತಗೊಳಿಸಲಾಗುತ್ತದೆ. 

➤ ಯಾವೆಲ್ಲಾ ಸಾಮಗ್ರಿಗಳು ಮತ್ತು ಯುದ್ಧ ಉಪಕರಣಗಳು ಒಳಪಡಲಿವೆ?

• ಯುದ್ಧ ವಿಮಾನ ಮತ್ತು ಹೆಲಿಕಾಪ್ಟರ್‌ಗಳು: ಸುಖೋಯ್ Su-30MKI, ತೇಜಸ್ ಲಘು ಯುದ್ಧ ವಿಮಾನ (LCA), ಅಡ್ವಾನ್ಸ್ಡ್ ಲೈಟ್ ಹೆಲಿಕಾಪ್ಟರ್ (ALH), ಲೈಟ್ ಯುಟಿಲಿಟಿ ಹೆಲಿಕಾಪ್ಟರ್ (LUH) ಮತ್ತು AL-31FP ಎಂಜಿನ್‌ ಬಿಡಿಭಾಗಗಳು.
• ಸಶಸ್ತ್ರ ಟ್ಯಾಂಕರ್‌ಗಳು: T-72, T-90 ಟ್ಯಾಂಕ್‌ಗಳು ಹಾಗೂ BMP-II ಇನ್‌ಫಾಂಟ್ರಿ ಕಾಂಬ್ಯಾಟ್ ವಾಹನಗಳ ಬಿಡಿಭಾಗಗಳು.
• ಕ್ಷಿಪಣಿ ವ್ಯವಸ್ಥೆಗಳು: ಕಾನ್‌ಕರ್ಸ್-ಎಮ್ (Konkurs-M), ಇನ್ವಾರ್ (Invar) ಮತ್ತು ಎಮ್‌ಆರ್‌ಎಸ್‌ಎಎಮ್ (MRSAM - ಮಧ್ಯಮ ಶ್ರೇಣಿಯ ಕ್ಷಿಪಣಿ ವ್ಯವಸ್ಥೆ) ಗಳ ಉಪಕರಣಗಳು.
• ರಕ್ಷಣಾ ಎಲೆಕ್ಟ್ರಾನಿಕ್ಸ್: ರೇಡಾರ್, ಸೋನಾರ್, ಫೈರ್ ಕಂಟ್ರೋಲ್ ಸಿಸ್ಟಮ್, ಉಪಗ್ರಹ ಸಂವಹನ ವ್ಯವಸ್ಥೆಗಳು ಮತ್ತು ಉನ್ನತ ಮಟ್ಟದ ಮದ್ದುಗುಂಡುಗಳು (Ammunition).

➤ ಕೇಂದ್ರ ಸರ್ಕಾರದ ಈ ನಿರ್ಧಾರದಿಂದಾಗಿ ಭಾರತೀಯ ಉದ್ಯಮ ಕ್ಷೇತ್ರಕ್ಕೆಸುಮಾರು ₹3,070 ಕೋಟಿ ಮೌಲ್ಯದ ನೂತನ ಉದ್ಯಮ ಅವಕಾಶಗಳು(Business Opportunities) ಲಭ್ಯವಾಗಲಿವೆ ಎಂದು ಅಂದಾಜಿಸಲಾಗಿದೆ. ಇದು ದೇಶದ ಸಣ್ಣ ಮತ್ತು ಮಧ್ಯಮ ಕೈಗಾರಿಕೆಗಳಿಗೆ (MSME) ಹಾಗೂ ಡಿಫೆನ್ಸ್ ನವೋದ್ಯಮಗಳಿಗೆ ಹೊಸ ಭರವಸೆ ನೀಡಿದೆ.