Job Description: ➤ ಜಾಗತಿಕ ತಾಪಮಾನ ಮತ್ತು ಹವಾಮಾನ ವೈಪರೀತ್ಯದ ಈ ದಿನಗಳಲ್ಲಿ ನೀರಿನ ಭದ್ರತೆ ಅತ್ಯಂತ ಪ್ರಮುಖ ಸವಾಲಾಗಿದೆ. ಈ ನಿಟ್ಟಿನಲ್ಲಿ ಭಾರತ ಮತ್ತು ಸೌದಿ ಅರೇಬಿಯಾ ದೇಶಗಳು ಜಲಸಂಪನ್ಮೂಲ ನಿರ್ವಹಣೆಯಲ್ಲಿ ಪರಸ್ಪರ ಸಹಕಾರ ನೀಡುವ ಮಹತ್ವದ ಜಂಟಿ ಒಪ್ಪಂದಕ್ಕೆ (MoU) ಸಹಿ ಹಾಕಿವೆ. ಶುಷ್ಕ ಹಾಗೂ ಅರೆ-ಶುಷ್ಕ ಪ್ರದೇಶಗಳಲ್ಲಿ ದೀರ್ಘಕಾಲೀನ ನೀರಿನ ಭದ್ರತೆಯನ್ನು ಕಾಯ್ದುಕೊಳ್ಳಲು ಈ ಒಪ್ಪಂದವು ದಿಕ್ಸೂಚಿಯಾಗಲಿದೆ.➤ ಸೌದಿ ಅರೇಬಿಯಾದ ಜೆದ್ದಾದಲ್ಲಿ ನಡೆದ 'ಸೌದಿ ವಾಟರ್ ವೀಕ್' (Saudi Water Week 2026) ಜಾಗತಿಕ ಸಮ್ಮೇಳನದಲ್ಲಿ ಈ ಒಪ್ಪಂದವನ್ನು ಅಧಿಕೃತಗೊಳಿಸಲಾಯಿತು. ಭಾರತದ ಪರವಾಗಿ: ಸೌದಿ ಅರೇಬಿಯಾದಲ್ಲಿನ ಭಾರತದ ರಾಯಭಾರಿ (Ambassador) ಡಾ. ಸುಹೇಲ್ ಖಾನ್ ಮತ್ತು ಕೌನ್ಸಿಲ್ ಜನರಲ್ ಫಹಾದ್ ಸೂರಿ ಭಾಗವಹಿಸಿದ್ದರು. ಸೌದಿ ಅರೇಬಿಯಾ ಪರವಾಗಿ: ಸೌದಿಯ ಪರಿಸರ, ಜಲ ಮತ್ತು ಕೃಷಿ ಸಚಿವ ಎಂಜಿನಿಯರ್ ಅಬ್ದುಲ್ ರಹಮಾನ್ ಅಬ್ದುಲ್ ಮೊಹ್ಸಿನ್ ಅಲ್-ಫದ್ದಿ ಅವರು ಸಹಿ ಹಾಕಿದರು. ➤ ಒಪ್ಪಂದದ ಪ್ರಮುಖ ಉದ್ದೇಶಗಳು ಮತ್ತು ಕ್ಷೇತ್ರಗಳು: ಈ ಕಾರ್ಯತಂತ್ರದ ಪಾಲುದಾರಿಕೆಯು ಪ್ರಮುಖವಾಗಿ ಕೆಳಗಿನ ಕ್ಷೇತ್ರಗಳಲ್ಲಿ ತಾಂತ್ರಿಕ ವಿನಿಮಯ ಮತ್ತು ಜಂಟಿ ಸಂಶೋಧನೆಗೆ ಒತ್ತು ನೀಡಲಿದೆ: ಆಧುನಿಕ ಜಲ ನಿರ್ವಹಣೆ (Sustainable Water Management): ಲಭ್ಯವಿರುವ ಜಲಸಂಪನ್ಮೂಲಗಳನ್ನು ಯಾವುದೇ ಪೋಲಾಗದಂತೆ ಸುಸ್ಥಿರವಾಗಿ ಬಳಸುವ ತಂತ್ರಜ್ಞಾನ ರೂಢಿಸುವುದು. ಆಧುನಿಕ ನೀರಾವರಿ ಪದ್ಧತಿ (Advanced Irrigation): ಕೃಷಿ ವಲಯದಲ್ಲಿ ಕಡಿಮೆ ನೀರನ್ನು ಬಳಸಿ ಹೆಚ್ಚು ಇಳುವರಿ ಪಡೆಯುವ ಆಧುನಿಕ ನೀರಾವರಿ ಪದ್ಧತಿಗಳ ಸುಧಾರಣೆ. ತ್ಯಾಜ್ಯ ನೀರು ಮರುಬಳಕೆ ಮತ್ತು ಉಪ್ಪುನೀರು ಶುದ್ಧೀಕರಣ (Wastewater Reuse & Desalination): ಸಮುದ್ರದ ಉಪ್ಪುನೀರನ್ನು ಕುಡಿಯುವ ನೀರನ್ನಾಗಿ ಮಾಡುವ ತಂತ್ರಜ್ಞಾನದಲ್ಲಿ ಮುಂಚೂಣಿಯಲ್ಲಿರುವ ಸೌದಿ ಅರೇಬಿಯಾದ ಜ್ಞಾನವನ್ನು ಭಾರತದೊಂದಿಗೆ ಹಂಚಿಕೊಳ್ಳುವುದು. ಸಾಮರ್ಥ್ಯ ವೃದ್ಧಿ (Capacity Building): ಉಭಯ ದೇಶಗಳ ಜಲ ತಜ್ಞರು, ಸಂಶೋಧಕರು ಮತ್ತು ಸಂಸ್ಥೆಗಳು ಒಟ್ಟಾಗಿ ಜಾಗತಿಕ ನೀರಿನ ಸವಾಲುಗಳಿಗೆ ಹೊಸ ತಂತ್ರಜ್ಞಾನಗಳನ್ನು ಆವಿಷ್ಕರಿಸುವುದು. ಇನ್ನು ಹೆಚ್ಚಿನ ಪ್ರಚಲಿತ ಘಟನೆಗಳನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ ಮಾಡಿ
