* ಹಾಕಿ ಫೈವ್ಸ್ ರ‍್ಯಾಂಕಿಂಗ್ ಪಟ್ಟಿಯನ್ನು ಅಂತಾರಾಷ್ಟ್ರೀಯ ಹಾಕಿ ಫೆಡರೇಷನ್ ಮಾರ್ಚ್ 20 ರಂದು ಬಿಡುಗಡೆ ಮಾಡಿದೆ. ಈ ಹಾಕಿ ಫೈವ್ಸ್ ರ‍್ಯಾಂಕಿಂಗ್ ಪಟ್ಟಿಯಲ್ಲಿ ಭಾರತದ ಪುರುಷ ಹಾಗೂ ಮಹಿಳಾ ಹಾಕಿ ಫೈವ್ಸ್ ತಂಡಗಳು ಎರಡನೇ ಸ್ಥಾನ ಪಡೆದುಕೊಂಡಿವೆ. 
ಹಾಕಿ ಫೈವ್ಸ್ ಪುರುಷರ ರ‍್ಯಾಂಕಿಂಗ್ ಪಟ್ಟಿ : 
* ಭಾರತ ಪುರುಷರ ತಂಡ 1,400 ಪಾಯಿಂಟ್ ಗಳೊಂದಿಗೆ ಓಮನ್ ಹಾಗೂ ಮಲೇಷ್ಯಾ ತಂಡಗಳ ಜತೆಗೆ ಜಂಟಿಯಾಗಿ ಎರಡನೇ ಸ್ಥಾನ ಪಡೆದಿದೆ. ಚೊಚ್ಚಲ ಆವೃತ್ತಿಯ ವಿಶ್ವಕಪ್ ಚಾಂಪಿಯನ್ ನೆದರ್ಲೆಂಡ್ 1,750 ಅಂಕದೊಂದಿಗೆ ಮೊದಲನೇ ಸ್ಥಾನವನ್ನು ಪಡೆದುಕೊಂಡಿದೆ. ಪೋಲೆಂಡ್, ಈಜಿಪ್ಟ್ ಎರಡು ತಂಡಗಳು 1,350 ಪಾಯಿಂಟ್ಸ್ ನೊಂದಿಗೆ ಐದನೇ ಸ್ಥಾನದಲ್ಲಿವೆ. 
* ಟ್ರನಿಡಾಡ್ (1,200), ಕೀನ್ಯಾ (1,200), ಪಾಕಿಸ್ತಾನ (1,150) ಆಸ್ಟ್ರೇಲಿಯಾ  (1,100) ತಂಡಗಳು ಕ್ರಮವಾಗಿ 7,9 ಮತ್ತು 10ನೇ ಸ್ಥಾನವನ್ನು ಪಡೆದುಕೊಂಡಿವೆ. 
ಹಾಕಿ ಫೈವ್ಸ್ ಮಹಿಳಾ ರ‍್ಯಾಂಕಿಂಗ್ ಪಟ್ಟಿ : 
* ಮಹಿಳಾ ವಿಭಾಗದಲ್ಲೂ ನೆದರ್ಲೆಂಡ್ (1,750) ಪಾಯಿಂಟ್ಸ್ ನೊಂದಿಗೆ ಮೊದಲನೇ ಸ್ಥಾನವನ್ನು ಪಡೆದುಕೊಂಡಿದೆ. ಚೊಚ್ಚಲ ಆವೃತ್ತಿಯ ವಿಶ್ವಕಪ್‌ನಲ್ಲಿ ನೆದರ್ಲೆಂಡ್ ಚಾಂಪಿಯನ್ ಆಗಿತ್ತು. 
* ಭಾರತ (1,550)ಪಾಯಿಂಟ್ಸ್ ನೊಂದಿಗೆ 2ನೇ ಸ್ಥಾನವನ್ನು ಪಡೆದುಕೊಂಡಿದೆ. ವಿಶ್ವಕಪ್‌ನಲ್ಲಿ ಭಾರತ ರನ್ನ‌ರ್ ಅಪ್ ಆಗಿತ್ತು.