Job Description: * 'ಭಾರತ್ ಟ್ಯಾಕ್ಸಿ'ಯು ಭಾರತದ ಮೊಟ್ಟಮೊದಲ ಸಹಕಾರಿ ಆಧಾರಿತ (Cooperative-based) ರೈಡ್-ಹೇಲಿಂಗ್ ಸೇವೆಯಾಗಿದ್ದು, ಇದು ಖಾಸಗಿ ಕ್ಯಾಬ್ ಅಗ್ರಿಗೇಟರ್‌ಗಳಾದ ಓಲಾ ಮತ್ತು ಊಬರ್‌ಗಳಿಗೆ ಸ್ಪರ್ಧೆ ನೀಡಲು ಕೇಂದ್ರ ಸರ್ಕಾರ ಮತ್ತು ಸಹಕಾರ ವಲಯದಿಂದ ಜಂಟಿಯಾಗಿ ಪ್ರಾರಂಭಿಸಲಾಗುತ್ತಿದೆ.* ಕೇಂದ್ರ ಸರ್ಕಾರದಿಂದ ಪ್ರವರ್ತಿತವಾದ 'ಭಾರತ್ ಟ್ಯಾಕ್ಸಿ' ಎಂಬ ಸಹಕಾರಿ ಆಧಾರಿತ (Cooperative-based) ಕ್ಯಾಬ್ ಸೇವೆಯು ನವದೆಹಲಿಯಲ್ಲಿ ತನ್ನ ಪೈಲಟ್ ಹಂತದ ಕಾರ್ಯಾಚರಣೆಯನ್ನು ನವೆಂಬರ್ 2025 ರಿಂದ ಪ್ರಾರಂಭಿಸಲು ಸಜ್ಜಾಗಿದೆ.* ಈ ಯೋಜನೆಯನ್ನು ಕೇಂದ್ರ ಸಹಕಾರ ಸಚಿವಾಲಯ (Union Ministry of Cooperation) ಮತ್ತು ನ್ಯಾಷನಲ್ ಇ-ಗವರ್ನೆನ್ಸ್ ವಿಭಾಗ (NeGD)ದ ಸಹಯೋಗದೊಂದಿಗೆ ಅಭಿವೃದ್ಧಿಪಡಿಸಲಾಗಿದೆ.* ಈ ಸೇವೆಯನ್ನು 'ಸಹಕಾರ್ ಟ್ಯಾಕ್ಸಿ ಕೋಆಪರೇಟಿವ್ ಲಿಮಿಟೆಡ್' (Sahakar Taxi Cooperative Ltd - STCL) ಎಂಬ ಸಹಕಾರಿ ಘಟಕವು ನಿರ್ವಹಿಸುತ್ತದೆ. ಇದನ್ನು ರೂ. 300 ಕೋಟಿ ಆರಂಭಿಕ ಬಂಡವಾಳದೊಂದಿಗೆ ನೋಂದಾಯಿಸಲಾಗಿದೆ.* ಆಪ್ ಮೂಲಕ ರೈಡ್ ಬುಕಿಂಗ್, ರಿಯಲ್-ಟೈಮ್ ಟ್ರ್ಯಾಕಿಂಗ್, ಮತ್ತು ದೂರು ಪರಿಹಾರ ವ್ಯವಸ್ಥೆಯನ್ನು ಒಳಗೊಂಡಿರುವ ಈ ಅಪ್ಲಿಕೇಶನ್ ದಕ್ಷ ಮತ್ತು ಪಾರದರ್ಶಕ ಡಿಜಿಟಲ್ ಆಡಳಿತವನ್ನು ಖಚಿತಪಡಿಸಲು ಡಿಜಿಲಾಕರ್ (DigiLocker) ಮತ್ತು ಉಮಂಗ್ (UMANG) ನಂತಹ ಇ-ಗವರ್ನೆನ್ಸ್ ವೇದಿಕೆಗಳೊಂದಿಗೆ ಸಂಯೋಜಿಸಲ್ಪಡುತ್ತದೆ.* ಆರಂಭಿಕ ಹಂತದಲ್ಲಿ ಸುಮಾರು 650 ವಾಹನಗಳು ಮತ್ತು ಅವುಗಳ ಮಾಲೀಕ-ಚಾಲಕರನ್ನು ಈ ಸೇವೆಗೆ ಸೇರಿಸಿಕೊಳ್ಳಲಾಗುತ್ತಿದೆ.* ಇದು ಚಾಲಕ-ಕೇಂದ್ರಿತ (Driver-Centric) ಮಾದರಿಯನ್ನು ಹೊಂದಿದೆ. ಖಾಸಗಿ ಸಂಸ್ಥೆಗಳು ವಿಧಿಸುವ ಶೇ. 20-25 ಕಮಿಷನ್‌ಗೆ ಬದಲಾಗಿ, ಚಾಲಕರು ಕೇವಲ ನಾಮಮಾತ್ರದ ದೈನಂದಿನ/ಮಾಸಿಕ ಸದಸ್ಯತ್ವ ಶುಲ್ಕವನ್ನು ಪಾವತಿಸುತ್ತಾರೆ. ಇದರಿಂದ ಚಾಲಕರು ತಮ್ಮ ಸಂಪೂರ್ಣ ಗಳಿಕೆಯನ್ನು ಉಳಿಸಿಕೊಳ್ಳಲು ಸಾಧ್ಯವಾಗುತ್ತದೆ. ಓಲಾ (Ola) ಮತ್ತು ಊಬರ್ (Uber) ನಂತಹ ಖಾಸಗಿ ರೈಡ್-ಹೇಲಿಂಗ್ ಕಂಪನಿಗಳಿಗೆ ನೇರ ಪೈಪೋಟಿ ನೀಡುವುದು.* ಈ ಯೋಜನೆಯು 2030 ರ ವೇಳೆಗೆ ದೇಶಾದ್ಯಂತ 1 ಲಕ್ಷ ಚಾಲಕ-ಸದಸ್ಯರನ್ನು ಸೇರಿಸಿಕೊಳ್ಳುವ ಗುರಿ ಹೊಂದಿದೆ.
