* ಉಜ್ಬೇಕಿಸ್ತಾನ್ ರಾಜಧಾನಿ ತಾಷ್ಕೆಂಟ್‌ಗೆ ಮೂರು ದಿನಗಳ ಭೇಟಿ ನೀಡಲಿರುವ ಕೇಂದ್ರ ಸಚಿವ ರಾಜನಾಥ್ ಸಿಂಗ್ ಅವರು ಈ ಸಮಯದಲ್ಲಿ, ಅವರು ಶಾಂಘೈ ಸಹಕಾರ ಸಂಸ್ಥೆಯಲ್ಲಿ (SCO) ಭಾಗಿಯಾಗುತ್ತಿರುವ ದೇಶಗಳ ರಕ್ಷಣಾ ಮಂತ್ರಿಗಳ ಸಭೆಯಲ್ಲೂ ಭಾಗವಹಿಸುತ್ತಾರೆ.
* ಈ ಸಭೆಯಲ್ಲಿ, ಎಸ್‌ಸಿಒ(SCO) ಸದಸ್ಯ ರಾಷ್ಟ್ರಗಳ ನಡುವಿನ ರಕ್ಷಣಾ ಸಹಕಾರದ ವಿಷಯಗಳ ಬಗ್ಗೆ ಚರ್ಚಿಸಲಾಗುವುದು ಮತ್ತು ಚರ್ಚೆಯ ನಂತರ ಜಂಟಿ ಪ್ರಕಟಣೆಯನ್ನು ಹೊರಡಿಸುವ ನಿರೀಕ್ಷೆಯಿದೆ. 
* ಈ ಸಭೆಯಲ್ಲಿ ಶ್ರೀ ರಾಜನಾಥ್ ಸಿಂಗ್ ಅವರ ಭಾಷಣವು ಆಗಸ್ಟ್ 24, 2022 ರಂದು ಇರುತ್ತದೆ.
* SCO ಶೃಂಗಸಭೆಯು ಸೆಪ್ಟೆಂಬರ್ 15-16 ರಂದು ಸಮರ್ಕಂಡ್‌ನಲ್ಲಿ ನಡೆಯಲಿದೆ. ಭಾರತ, ರಷ್ಯಾ, ಚೀನಾ, ಪಾಕಿಸ್ತಾನ, ಕಜಕಿಸ್ತಾನ್, ಉಜ್ಬೇಕಿಸ್ತಾನ್, ತಜಕಿಸ್ತಾನ್ ಮತ್ತು ಕಿರ್ಗಿಸ್ತಾನ್ ಸೇರಿದಂತೆ 8 ಸದಸ್ಯ ರಾಷ್ಟ್ರಗಳ ಸರ್ಕಾರದ ಮುಖ್ಯಸ್ಥರು ಇದರಲ್ಲಿ ಭಾಗವಹಿಸುತ್ತಿದ್ದಾರೆ.
* * ಶಾಂಘೈ ಸಹಕಾರ ಸಂಸ್ಥೆ (SCO) ಎಂಬುದೇನು ?
* SCO, ಶಾಂಘೈ ಒಪ್ಪಂದ ಎಂದೂ ಕರೆಯಲ್ಪಡುತ್ತದೆ, ಇದು ಯುರೇಷಿಯನ್ ರಾಜಕೀಯ, ಆರ್ಥಿಕ ಮತ್ತು ಭದ್ರತಾ ಒಕ್ಕೂಟವಾಗಿದೆ. SCO ರಚಿಸುವ ಘೋಷಣೆಯನ್ನು ಜೂನ್ 15, 2001 ರಂದು ಚೀನಾದ ಶಾಂಘೈನಲ್ಲಿ ಮಾಡಲಾಯಿತು. 
* ಈ ಪ್ರಸ್ತಾಪವನ್ನು ಚೀನಾ, ಕಝಾಕಿಸ್ತಾನ್, ರಷ್ಯಾ, ಕಿರ್ಗಿಸ್ತಾನ್, ತಜಕಿಸ್ತಾನ್ ಮತ್ತು ಉಜ್ಬೇಕಿಸ್ತಾನ್ ನಾಯಕರು ಮುಂದಿಟ್ಟರು.
* ಶಾಂಘೈ ಸಹಕಾರ ಸಂಸ್ಥೆಯ ಚಾರ್ಟರ್ ಅನ್ನು ಜೂನ್ 2002 ರಲ್ಲಿ ಔಪಚಾರಿಕವಾಗಿ ಸ್ಥಾಪಿಸಲಾಯಿತು.
* SCO ಸೆಪ್ಟೆಂಬರ್ 19, 2003 ರಂದು ಜಾರಿಗೆ ಬಂದಿತು.
* * SCO ದ ಹಿನ್ನಲೆಯನ್ನು ನೋಡುವದಾದರೆ : - 
* SCO ದ ಮೂಲ ಐದು ಸದಸ್ಯರು; ಚೀನಾ, ರಷ್ಯಾ, ಕಝಾಕಿಸ್ತಾನ್, ತಜಿಕಿಸ್ತಾನ್ ಮತ್ತು ಕಿರ್ಗಿಸ್ತಾನ್; ಈ ಹಿಂದೆ ಏಪ್ರಿಲ್ 1996 ರಲ್ಲಿ ಸ್ಥಾಪಿಸಲಾದ ಶಾಂಘೈ ಫೈವ್ ಗುಂಪಿನ ಸದಸ್ಯರಾಗಿದ್ದರು. ಅಂದಿನಿಂದ, ಸಂಸ್ಥೆಯು ತನ್ನ ಸದಸ್ಯತ್ವವನ್ನು ಎಂಟು ರಾಜ್ಯಗಳಿಗೆ ವಿಸ್ತರಿಸಿದೆ. 
* SCO ಯ ಹೊಸ ಸದಸ್ಯರು ಭಾರತ ಮತ್ತು ಪಾಕಿಸ್ತಾನ. ಜೂನ್ 9, 2017 ರಂದು SCO ನ ಅಸ್ತಾನಾ ಶೃಂಗಸಭೆಯಲ್ಲಿ ಎರಡೂ ದೇಶಗಳು ಪೂರ್ಣ ಸದಸ್ಯರಾಗಿ ಸೇರಿಕೊಂಡವು.