* ಇಂದು ಕಾಮನ್ ವೆಲ್ತ್ ಕ್ರೀಡಾಕೂಟವು ಅಲೆಕ್ಸಾಂಡರ್ ಸ್ಟೇಡಿಯಂ, ಭರ್ಮಿಂಗ್ ಹಾಂ ದಲ್ಲಿ ಉದ್ಘಾಟನೆಯಾಗಲಿದೆ. 
* ಇಂದಿನಿಂದ ಪ್ರಾರಂಭವಾದ ಈ ಕ್ರೀಡಾ ಹಬ್ಬ12 ದಿನಗಳವರೆಗೆ ನಡೆಯಲಿದೆ.
* 22 ನೇ ಆವೃತ್ತಿಯಾದ ಕಾಮನ್ ವೆಲ್ತ್ ಕ್ರೀಡಾಕೂಟವನ್ನು ನಡೆಸಿಕೊಡಲು ಇಂಗ್ಲೆಂಡ್ ಸಜ್ಜಾಗಿದೆ.
* ಈ ಕ್ರೀಡಾಕೂಟದಲ್ಲಿ 111 ಪುರುಷರು , 104 ಮಹಿಳೆಯರ ಸಹಿತ ಭಾರತ ಒಟ್ಟು 215 ಕ್ರೀಡಾಪಟುಗಳ ತಂಡದೊಂದಿಗೆ ಕಣಕ್ಕಿಳಿಯಲಿದ್ದು,16 ಕ್ರೀಡೆಗಳಲ್ಲಿ ಸ್ಪರ್ಧಿಸಲಿದೆ.
* * 22 ನೇ ಕಾಮನ್ವೆಲ್ತ್ ಕ್ರೀಡಾಕೂಟದಲ್ಲಿ 72 ದೇಶಗಳು,
* 5054 ಕ್ರೀಡಾಪಟುಗಳು,
* 20 ಕ್ರೀಡೆಗಳು,
* 280 ಸ್ವರ್ಣ ಸ್ಪರ್ಧೆ,
* 12 ದಿನಗಳು,
* 15 ಕ್ರೀಡಾಂಗಣಗಳು,
* 215 ಭಾರತದ ಸ್ಪರ್ಧಿಗಳು ಈ ಕ್ರೀಡಾಕೂಟದಲ್ಲಿ ಭಾಗವಹಿಸಲಿದ್ದಾರೆ.
* ದೆಹಲಿಯಲ್ಲಿ ನಡೆದ ಕಾಮನ್ವೆಲ್ತ್ ಗೇಮ್ಸ್‌ನಲ್ಲಿ 38 ಚಿನ್ನ, 27 ಬೆಳ್ಳಿ, 36 ಕಂಚಿನ, 101 ಪದಕ ಜಯಿಸಿದ್ದು ಕೂಟದ ಇತಿಹಾಸದಲ್ಲಿ ಭಾರತದ ಸರ್ವಶ್ರೇಷ್ಠ ನಿರ್ವಹಣೆಯಾಗಿದೆ. 
*  ಹಿಂದಿನ 2018 ರ ಗೋಲ್ಡ್ ಕೋಸ್ಟ್ ಗೇಮ್ಸ್‌ನಲ್ಲಿ ಭಾರತ 26 ಚಿನ್ನ , 20 ಬೆಳ್ಳಿ ಮತ್ತು 20 ಕಂಚಿನ ಸಹಿತ ಒಟ್ಟು 66 ಪದಕ ಜಯಿಸಿತ್ತು. ಕಳೆದ ವರ್ಷ ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಚಿನ್ನ , 2 ಬೆಳ್ಳಿ , 4 ಕಂಚಿನ ಸಹಿತ 7 ಪದಕವನ್ನು ಪಡೆದುಕೊಂಡಿದೆ. 
* ನೀರಜ್ ಚೋಪ್ರಾ ಅವರು ಗೈರು ಇರುವ ಕಾರಣ ಒಲಿಂಪಿಕ್ಸ್ ಅವಳಿ ಪದಕ ವಿಜೇತ ಬ್ಯಾಡ್ಮಿಂಟನ್ ತಾರೆಯಾದ ಪಿವಿ ಸಿಂಧುಗೆ ಉದ್ಘಾಟನಾ ಸಮಾರಂಭದಲ್ಲಿ ಭಾರತದ ಧ್ವಜಧಾರಿಯಾಗುವ ಅವಕಾಶ ಒಲಿದಿದೆ.
* 2018 ರ ಗೋಲ್ಡ್ ಕೋಸ್ಟ್ ಕಾಮನ್ವೆಲ್ತ್ ಗೇಮ್ಸ್ ನಲ್ಲೂ ಪಿವಿ ಸಿಂಧು ಭಾರತದ ಧ್ವಜಧಾರಿಯಾಗಿದ್ದರು.
* ಆರಂಭೋತ್ಸವದ ಪಥ ಸಂಚಲನದಲ್ಲಿ ಭಾರತದಿಂದ ಗರಿಷ್ಠ 164 ಮಂದಿ ಭಾಗವಹಿಸಲು ಅವಕಾಶ ಲಭಿಸಿದೆ ಎಂದು ಭಾರತ ತಂಡದ ಚೀಪ್ ಡಿ ಮಿಷನ್ ರಾಜೇಶ್ ಭಂಡಾರಿ ತಿಳಿಸಿದ್ದಾರೆ.
** ಕಾಮನ್ವೆಲ್ತ್‌ನಲ್ಲಿ ಕನ್ನಡಿಗರು
* ಅಶ್ವಿನಿ ಪೊನ್ನಪ್ಪ(ಬ್ಯಾಡ್ಮಿಂಟನ್)
* ಶ್ರೀಹರಿ ನಟರಾಜ್(ಈಜು)
* ಡಿಪಿ ಮನು (ಜಾವೆಲಿನ್)
* ರಾಜೇಶ್ವರಿ ಗಾಯಕ್ವಾಡ್ ( ಕ್ರಿಕೆಟ್ ) 
* ಗುರುರಾಜ್ ಪೂಜಾರಿ ( ವೇಟ್ ಲಿಫ್ಟಿಂಗ್ )
* ವೆಂಕಪ್ಪ ಕೆಂಗಲಗುತ್ತಿ ( ಸೈಕ್ಲಿಂಗ್ )
* ಎನ್ಎಸ್ ಸಿಮಿ ( 4/100 ರಿಲೇ )
* ಈ ಭಾರಿ ಆತಿಥೇಯ ಬರ್ಮಿಂಗ್ ಹ್ಯಾಮ್ ನಲ್ಲಿ ಸೂಕ್ತ ರೇಂಜ್ ವ್ಯವಸ್ಥೆ ಇಲ್ಲದ ಕಾರಣ ಶೂಟಿಂಗ್ ಸ್ಪರ್ಧೆಯನ್ನೇ ಕೈ ಬಿಡಲಾಗಿದೆ.
* ಕಳೆದ ಗೋಲ್ಡ್ ಕೋಸ್ಟ್ ಗೇಮ್ಸ್ ನಲ್ಲಿ ಭಾರತೀಯ ಶೂಟರ್ ಗಳು 7 ಚಿನ್ನ, 4 ಬೆಳ್ಳಿ, 5 ಕಂಚು ಜಯಿಸಿದ್ದರು.
* ಭಾರತದ ಆವೃತ್ತಿಗಳ ಪದಕ ಪಟ್ಟಿಯಲ್ಲಿ ಅಗ್ರ 5ರೊಳಗೆ ಸ್ಥಾನದ ಗುರಿಯನ್ನು ಹೊಂದಿದೆ. ಪ್ರತಿ ವರ್ಷವೂ ಅಗ್ರ ರೊಳಗೆ ಸ್ಥಾನ ಪಡೆಯುವ ಗುರಿ ಇಟ್ಟು ಕೊಳ್ಳುತ್ತಿತ್ತು. ಆದರೆ ಈ ಬಾರಿ ಶೂಟಿಂಗ್ ಇಲ್ಲದ ಕಾರಣ ಅಗ್ರ 5ರೊಳಗೆ ಸ್ಥಾನ ಸಂಪಾದಿಸಲು ಹೋರಾಡಬೇಕಿದೆ.  
* ಈ ಬಾರಿಯ ಕ್ರೀಡಾಕೂಟದ ಪದಕಗಳನ್ನು ಅಂಬರ್ ಅಲಿಸ್ ಫ್ರಾನ್ಸೆಸ್ಕಾ ವಿಲ್‌ಕಾಕ್ಸ್ ಮತ್ತು ಕ್ಯಾತರಿನಾ ರಾಡ್ರಿಗಸ್ ಸಿಯೆರೊ ಎಂಬ ವಿದ್ಯಾರ್ಥಿಗಳು ವಿನ್ಯಾಸ ಮಾಡಿದ್ದಾರೆ. ಉತ್ತಮ ಗುಣಮಟ್ಟದಿಂದ ಕೂಡಿದ ಈ ಪದಕಗಳ ಸ್ಪರ್ಶದ ಅಮಭೂತಿಯನ್ನು ಅಂಧ ಕ್ರೀಡಾಪಟುಗಳೂ ಅನುಭವಿಸಬಹುದಾಗಿದೆ. 
* *ಗೇಮ್ಸ್ ಇತಿಹಾಸ :  ಪ್ರತಿ 4 ವರ್ಷಕ್ಕೊಮ್ಮೆ ಆಯೋಜನೆ ಯಾಗುವ ಕಾಮನ್ವೆಲ್ತ್ ಗೇಮ್ಸ್ ಮೊದಲು ಆರಂಭವಾಗಿದ್ದು 1930 ರಲ್ಲಿ. ಬ್ರಿಟಿಷ್ ವಸಾಹತುಗಳಾ ಗಿದ್ದ ದೇಶಗಳು ಈ ಕೂಟದಲ್ಲಿ ಭಾಗವಹಿಸುತ್ತವೆ. ಕೆನಡದಲ್ಲಿ ಮೊದಲ ಕ್ರೀಡಾಕೂಟ ನಡೆದಿತ್ತು. 1930 ರಿಂದ 1950 ರವರೆಗೆ ಬ್ರಿಟಿಷ್ ಎಂಪೈರ್ ಗೇಮ್ಸ್, 1954 ರಿಂದ 74 ರವರೆಗೆ ಬ್ರಿಟಿಷ್ ಕಾಮನ್ವೆಲ್ತ್ ಗೇಮ್ಸ್ ಎನ್ನಲಾಗಿತ್ತು . 1978 ರಿಂದ ಈಗಿರುವ ಕಾಮನ್ವೆಲ್ತ್ ಗೇಮ್ಸ್ ಎನ್ನುವ ಹೆಸರಿನಿಂದ ಗುರುತಿಸಿಕೊಂಡಿದೆ.
* ಚೊಚ್ಚಲ ಕೂಟವನ್ನು ಆಯೋಜಿಸಿದ್ದು ಕೆನಡಾದ ಹ್ಯಾಮಿಲ್ಸನ್ ಹ್ಯಾಮಿಲ್ಟನ್  ನಗರ , ಕೆನಡಾದ ಪತ್ರಕರ್ತ ಮೆಲ್ವಿಲ್ಲೆ ಮಾರ್ಕ್ಸ್ ರಾಬಿನ್ಸನ್ ಅವರನ್ನು ಗೇಮ್ಸ್‌ನ ಜನಕ ಎಂದು ಕರೆ ಯಲಾಗುತ್ತದೆ . ಬ್ರಿಟಿಷರು ಆಳಿದ ದೇಶಗಳಲ್ಲಿ, ಹಬ್ಬಗಳ ವೇಳೆ ಆಯೋಜಿಸುವ ಆಟಗಳಿಂದ ಸ್ಫೂರ್ತಿ ಪಡೆದು ಕಾಮನ್‌ವೆಲ್ತ್ ಗೇಮ್ಸ್ ಶುರುವಾದವು.