Job Description: ➤ ಭಾರತ ಸರ್ಕಾರದ ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಸಚಿವಾಲಯವು (MoEFCC) ದೇಶದಲ್ಲಿ ಅತಿ ಅಪರೂಪದ ಹಾಗೂ ಅಳಿವಿನಂಚಿನಲ್ಲಿರುವ 'ಕ್ಲೌಡೆಡ್ ಲೆಪರ್ಡ್' (Clouded Leopard / ಮೋಡದ ಚಿರತೆ) ತಳಿಯ ರಕ್ಷಣೆಗಾಗಿ ನೂತನ ರಾಷ್ಟ್ರೀಯ ಸಂರಕ್ಷಣಾ ಕ್ರಿಯಾ ಯೋಜನೆಯನ್ನು (Conservation Action Plan - CAP) ಅಧಿಕೃತವಾಗಿ ಜಾರಿಗೆ ತಂದಿದೆ. ಅಂತಾರಾಷ್ಟ್ರೀಯ ಕ್ಲೌಡೆಡ್ ಲೆಪರ್ಡ್ ದಿನದ (ಆಗಸ್ಟ್ 4) ಅಂಗವಾಗಿ ಕೊಯಂಬತ್ತೂರಿನಲ್ಲಿ ನಡೆದ ರಾಷ್ಟ್ರೀಯ ವನ್ಯಜೀವಿ ಮಂಡಳಿಯ (NBWL) 91ನೇ ಸ್ಥಾಯಿ ಸಮಿತಿ ಸಭೆಯಲ್ಲಿ ಈ ಮಹತ್ವದ ಯೋಜನೆಯನ್ನು ಬಿಡುಗಡೆ ಮಾಡಲಾಯಿತು.➤ ಯೋಜನೆಯ ಪ್ರಮುಖ ಮುಖ್ಯಾಂಶಗಳು: 14 ಆದ್ಯತೆಯ ಆವಾಸಸ್ಥಾನಗಳ ಗುರುತಿಸುವಿಕೆ: ಈಶಾನ್ಯ ಭಾರತ (ಅಸ್ಸಾಂ, ಅರುಣಾಚಲ ಪ್ರದೇಶ, ಮೇಘಾಲಯ, ನಾಗಾಲ್ಯಾಂಡ್, ಮಿಜೋರಾಂ, ಮಣಿಪುರ, ತ್ರಿಪುರ) ಹಾಗೂ ಪಶ್ಚಿಮ ಬಂಗಾಳ ಮತ್ತು ಬಿಹಾರದ ಗಡಿ ಭಾಗಗಳಲ್ಲಿ 14 ಪ್ರಮುಖ ಸಂರಕ್ಷಣಾ ವಲಯಗಳನ್ನು ಗುರುತಿಸಲಾಗಿದೆ. ಆವಾಸಸ್ಥಾನ & ಕಾರಿಡಾರ್ ಮರುಸ್ಥಾಪನೆ: ತುಂಡರಿಸಲ್ಪಟ್ಟಿರುವ ಅರಣ್ಯ ಸಂಪರ್ಕಗಳನ್ನು (Corridors) ಪುನರುಜ್ಜೀವನಗೊಳಿಸಿ, ಪ್ರಾಣಿಗಳ ಮುಕ್ತ ಸಂಚಾರಕ್ಕೆ ಭದ್ರತೆ ಒದಗಿಸುವುದು. ಸಮುದಾಯ ಸಹಭಾಗಿತ್ವ: ಅರಣ್ಯ ಅಂಚಿನ ಸ್ಥಳೀಯ ಬುಡಕಟ್ಟು ಜನರನ್ನು ಸಂರಕ್ಷಣಾ ಕಾರ್ಯಗಳಲ್ಲಿ ಜೋಡಿಸಿಕೊಂಡು, ಬೇಟೆಯಾಡುವಿಕೆಯನ್ನು ತಡೆಯುವುದು ಮತ್ತು ಪರ್ಯಾಯ ಜೀವನೋಪಾಯ ಕಲ್ಪಿಸುವುದು. ತಂತ್ರಜ್ಞಾನದ ಬಳಕೆ: ಪ್ರಾಣಿಗಳ ಪತ್ತೆಗಾಗಿ ಕ್ಯಾಮೆರಾ ಟ್ರ್ಯಾಪ್ (Camera Traps), ಜೆನೆಟಿಕ್ ಸ್ಯಾಂಪ್ಲಿಂಗ್, ಮತ್ತು ಪರಿಸರ DNA (eDNA) ತಂತ್ರಜ್ಞಾನ. ಅರಣ್ಯ ಸಿಬ್ಬಂದಿಯ ರೋಂದಿಗಾಗಿ M-STrIPES (Monitoring System for Tigers - Intensive Protection and Ecological Status) ಸ್ಮಾರ್ಟ್ ಆ್ಯಪ್‌ ಬಳಕೆ. ಪ್ರಭೇದ ಮರುಪಡೆಯುವಿಕೆ ಕಾರ್ಯಕ್ರಮ: ಈ ಯೋಜನೆಯನ್ನು ಕೇಂದ್ರ ಸರ್ಕಾರದ 'ಆವಾಸಸ್ಥಾನಗಳ ಸಮಗ್ರ ಅಭಿವೃದ್ಧಿ' (Integrated Development of Wildlife Habitats - IDWH) ಯೋಜನೆಯಡಿ ಬರುವ 'Species Recovery Programme' ನೊಂದಿಗೆ ಸಂಯೋಜಿಸಲಾಗಿದೆ. ➤ ಕೌಡೆಡ್ ಲೆಪರ್ಡ್ ಕುರಿತಾದ ಪ್ರಮುಖ ವಿಜ್ಞಾನ ಹಾಗೂ ಜೀವಶಾಸ್ತ್ರದ ಅಂಶಗಳು:ವೈಜ್ಞಾನಿಕ ಹೆಸರು: Neofelis nebulosa ವಿಶೇಷ ದೇಹರಚನೆ: - ಇವುಗಳ ದೇಹದ ಮೇಲಿರುವ ಚುಕ್ಕೆಗಳು ಮೋಡದ ಆಕಾರವನ್ನು ಹೋಲುವುದರಿಂದ ಇವುಗಳನ್ನು 'ಕೌಡೆಡ್ ಲೆಪರ್ಡ್' ಎನ್ನಲಾಗುತ್ತದೆ. - ಇವುಗಳ ಹಿಮ್ಮಡಿ ಗಂಟುಗಳು (Ankle joints) 180 ಡಿಗ್ರಿ ತಿರುಗಬಲ್ಲವಾದ್ದರಿಂದ, ಮರಗಳಿಂದ ತಲೆ ಕೆಳಗಾಗಿ ಕೆಳಗೆ ಇಳಿಯಬಲ್ಲ ಅಪರೂಪದ ಸಾಮರ್ಥ್ಯ ಹೊಂದಿವೆ.- ತಮ್ಮ ತಲೆಬುರುಡೆಯ ಗಾತ್ರಕ್ಕೆ ಹೋಲಿಸಿದರೆ ಅತಿ ಉದ್ದವಾದ ಕೋರೆಹಲ್ಲುಗಳನ್ನು (Canines) ಹೊಂದಿದ್ದು, ಇವುಗಳನ್ನು "ಆಧುನಿಕ ಯುಗದ ಸೇಬರ್-ಟೂತ್" (Modern-day saber-tooth) ಎಂದೂ ಕರೆಯಲಾಗುತ್ತದೆ. KAS, PSI, PC, FDA, SDA, RRB, PDO ಸೇರಿದಂತೆ ಇನ್ನಿತರ ಪರೀಕ್ಷೆಗಳ ಹಳೆ ಪ್ರಶ್ನೆ ಪತ್ರಿಕೆಗಳನ್ನು ಅಭ್ಯಾಸ ಮಾಡಲು ಇಲ್ಲಿ ಕ್ಲಿಕ್ ಮಾಡಿ
