* ಪ್ರತಿಷ್ಠಿತ ಇನ್ಫೋಸಿಸ್‌ ಸೈನ್ಸ್‌ ಫೌಂಡೇಷನ್‌ನ (ಐಎಸ್‌ಎಫ್‌) 16ನೇ ವಾರ್ಷಿಕ ಪ್ರಶಸ್ತಿ ಘೋಷಿಸಿದೆ.  ವಿಜ್ಞಾನ ಮತ್ತು ಸಂಶೋಧನೆಯಲ್ಲಿ ಮಹತ್ವದ ಸಾಧನೆಯನ್ನು ಗುರುತಿಸುವಲ್ಲಿ ಭಾರತದ ಅತಿದೊಡ್ಡ ಹಾಗು ಅತಿ ಹೆಚ್ಚು ಮೊತ್ತದ ಪುರಸ್ಕಾರ ಎನಿಸಿರುವ ಇನ್ಫೋಸಿಸ್‌ ವಿವಿಧ ಕ್ಷೇತ್ರಗಳ ಆರು ಸಾಧಕರ ಹೆಸರನ್ನು ಘೋಷಿಸಿದೆ.
* ಕನ್ನಡಿಗ ಅರ್ಥಶಾಸ್ತ್ರಜ್ಞ ಅರುಣ್ ಚಂದ್ರಶೇಖರ್ ಸೇರಿದಂತೆ ಆರು ಜನರಿಗೆ ಪ್ರಶಸ್ತಿ ಪ್ರಕಟಿಸಿದೆ.
* ಇಂಜಿನಿಯರಿಂಗ್‌ ಮತ್ತು ಗಣಕ ವಿಜ್ಞಾನ ವಿಭಾಗದಲ್ಲಿ ವಾಷಿಂಗ್ಟನ್‌ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕ ಶ್ಯಾಮ್‌ ಗೊಲ್ಲಕೋಟ, ಮಾನವಿಕ ಮತ್ತು ಸಮಾಜ ವಿಜ್ಞಾನ ವಿಭಾಗದಲ್ಲಿ ಮಹಮೂದ್‌ ಕೂರಿಯಾ, ಜೀವ ವಿಜ್ಞಾನ ವಿಭಾಗದಲ್ಲಿ ಸಹ ಪ್ರಾಧ್ಯಾಪಕ ಸಿದ್ದೇಶ್‌ ಕಾಮತ್‌, ತಾತ್ವಿಕ ಸಂಖ್ಯಾಶಾಸ್ತ್ರ ಮತ್ತು ಗಣಿತ ವಿಭಾಗದ ಪ್ರಾಧ್ಯಾಪಕಿ ನೀನಾ ಗುಪ್ತಾ, ಭೌತ ವಿಜ್ಞಾನ ವಿಭಾಗದಲ್ಲಿ ಸ್ಟ್ಯಾನ್‌ಫೋರ್ಡ್‌ ವಿಶ್ವವಿದ್ಯಾಲಯದ ಸಹ ಪ್ರಾಧ್ಯಾಪಕಿ ವೇದಿಕಾ ಖೇಮಾನಿ ಅವರಿಗೆ ಪ್ರಶಸ್ತಿ ಲಭಿಸಿದೆ.
* ಪ್ರಶಸ್ತಿ ಚಿನ್ನದ ಪದಕ, ಪ್ರಶಂಸಾ ಪತ್ರ 1 ಲಕ್ಷ ಅಮೆರಿಕನ್ ಡಾಲರ್(ಅಂದಾಜು ₹84 ಲಕ್ಷ) ಒಳಗೊಂಡಿದೆ.
* ಐಎಸ್‌ಎಫ್‌, ಕಳೆದ 15 ವರ್ಷಗಳಲ್ಲಿ ಜನಜೀವನದ ಎಲ್ಲಾ ಆಯಾಮಗಳಿಗೂ ಕೊಡುಗೆ ನೀಡಿರುವ ಅತ್ಯುತ್ತಮ ಸಂಶೋಧಕರ ಪಾಂಡಿತ್ಯವನ್ನು ಗುರುತಿಸುವ ಕೆಲಸ ಮಾಡಿದೆ. ಐಎಸ್‌ಎಫ್‌ ಪ್ರಶಸ್ತಿಯು, ವಿಜ್ಞಾನ ಮತ್ತು ಸಂಶೋಧನಾ ಕ್ಷೇತ್ರದ ಅನನ್ಯ ಸಾಧನೆಗಳನ್ನು ಗುರುತಿಸುವ ವಿಚಾರದಲ್ಲಿ ಭಾರತದಲ್ಲಿಅತಿ ದೊಡ್ಡ ಪ್ರಶಸ್ತಿ ಎಂಬ ಹೆಗ್ಗಳಿಕೆ ಪಡೆದಿದೆ.
* ''ಸಂಸ್ಥೆಯು ಕಳೆದ 15 ವರ್ಷಗಳಿಂದ 92 ಪ್ರತಿಭಾವಂತರನ್ನು ಗುರುತಿಸಿದ್ದು, ಅತ್ಯುತ್ತಮ ಹಾಗೂ ಸೃಜನಶೀಲ ವೈಜ್ಞಾನಿಕ ಸಂಶೋಧನೆಗೆ ಪ್ರೋತ್ಸಾಹ ನೀಡುತ್ತಿದೆ. ಈ ಬಾರಿ 40 ವರ್ಷದೊಳಗಿನ ಮತ್ತು ವೃತ್ತಿ ಜೀವನದಲ್ಲಿ ಆರಂಭಿಕ ಹಂತದಲ್ಲಿರುವ ಸಾಧಕರನ್ನು ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ.