Job Description: * ಬಾಲಿವುಡ್ ನಟಿ ಆಲಿಯಾ ಭಟ್ ಅವರನ್ನು ಸೌದಿ ಅರೇಬಿಯಾದಲ್ಲಿ ನಡೆಯುತ್ತಿರುವ ರೆಡ್ ಸೀ ಫಿಲ್ಮ್ ಫೆಸ್ಟಿವಲ್‌ನ ಐದನೇ ಆವೃತ್ತಿಯಲ್ಲಿ ಗೋಲ್ಡನ್ ಗ್ಲೋಬ್ಸ್ ವತಿಯಿಂದ ವಿಶೇಷ ಗೌರವದಿಂದ ಸನ್ಮಾನಿಸಲಾಗಿದೆ. ಈ ಸಮಾರಂಭದಲ್ಲಿ ಆಲಿಯಾ ಭಟ್ ಅವರಿಗೆ “ಗೋಲ್ಡನ್ ಗ್ಲೋಬ್ಸ್ ಹೋರೈಜನ್ ಅವಾರ್ಡ್” ಪ್ರದಾನ ಮಾಡಲಾಗಿದ್ದು, ಅಂತರರಾಷ್ಟ್ರೀಯ ಸಿನೆಮಾಕ್ಕೆ ನೀಡಿದ ಮಹತ್ವದ ಕೊಡುಗೆಯನ್ನು ಗುರುತಿಸಲಾಗಿದೆ. * Highway, Raazi, Udta Punjab, Dear Zindagi, ಮತ್ತು Gangubai Kathiawadi ಚಿತ್ರಗಳಲ್ಲಿನ ಆಲಿಯಾ ಅವರ ವಿಮರ್ಶಾತ್ಮಕವಾಗಿ ಪ್ರಶಂಸಿತ ಅಭಿನಯಗಳು ಈ ಗೌರವಕ್ಕೆ ಕಾರಣವಾಗಿವೆ. ಪ್ರಶಸ್ತಿ ಸ್ವೀಕರಿಸಿದ ಬಳಿಕ ಮಾತನಾಡಿದ ಆಲಿಯಾ, ಗೋಲ್ಡನ್ ಗ್ಲೋಬ್ಸ್ ಜಾಗತಿಕ ಪ್ರಶಸ್ತಿ ಲೋಕದ ಒಂದು ಪ್ರಮುಖ ಭಾಗ. ಇದರ ಭಾಗವಾಗಿರುವುದು ನನಗೆ ಅತ್ಯಂತ ಸಂತೋಷ ತಂದಿದೆ. ಮುಂದೆಯೂ ಶಕ್ತಿಶಾಲಿ ಹಾಗೂ ಅರ್ಥಪೂರ್ಣ ಮಹಿಳಾ ಕಥೆಗಳನ್ನು ಹೇಳುವ ಕೆಲಸವನ್ನು ಮುಂದುವರಿಸುತ್ತೇನೆ” ಎಂದು ಹೇಳಿದರು.* ಈ ಸಮಾರಂಭದಲ್ಲಿ ಟುನೀಷಿಯಾದ ಖ್ಯಾತ ನಟಿ ಹೆಂಡ್ ಸಾಬ್ರಿ ಅವರಿಗೆ ಒಮರ್ ಶರೀಫ್ ಅವಾರ್ಡ್ ನೀಡಲಾಯಿತು. ಗೋಲ್ಡನ್ ಗ್ಲೋಬ್ಸ್ ಅಧ್ಯಕ್ಷೆ ಹೆಲೆನ್ ಹೋಹ್ನೆ, ಹೆಂಡ್ ಸಾಬ್ರಿಯನ್ನು ಅರಬ್ ಸಿನೆಮಾದ ಶಕ್ತಿ ಮತ್ತು ಜಾಗತಿಕ ಪ್ರಭಾವವನ್ನು ಪ್ರತಿಬಿಂಬಿಸುವ ವಿಶಿಷ್ಟ ಕಲಾವಿದೆಯೆಂದು ಶ್ಲಾಘಿಸಿದರು. ಜೊತೆಗೆ, ಆಲಿಯಾ ಭಟ್ ಅವರ ಅಂತರರಾಷ್ಟ್ರೀಯ ಸಿನೆಮಾದಲ್ಲಿನ ಅಪರೂಪದ ಸಾಧನೆಗಳನ್ನೂ ಪ್ರಶಂಸಿಸಿದರು.
