* ಐಸಿಸಿ ರ್ಯಾಂಕಿಂಗ್​ನಲ್ಲಿ ಬಹಳಷ್ಟು ದಿನಗಳ ಕಾಲ ಅಗ್ರಸ್ಥಾನದಲ್ಲಿದ್ದ ಇಂಗ್ಲೆಂಡ್ ತಂಡದ ಸ್ಟಾರ್ ಬ್ಯಾಟ್ಸ್‌ಮನ್ ಡೇವಿಡ್ ಮಲಾನ್ ಅಂತರಾಷ್ಟ್ರೀಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದಾರೆ. 
* ಬಹಳ ದಿನಗಳಿಂದ ಇಂಗ್ಲೆಂಡ್ ತಂಡದಿಂದ ಹೊರಗಿದ್ದ ಮಲಾನ್ 2023ರ ಏಕದಿನ ವಿಶ್ವಕಪ್ ಬಳಿಕ ತಂಡದಲ್ಲಿ ಸ್ಥಾನ ಪಡೆದಿರಲಿಲ್ಲ. ಆಸ್ಟ್ರೇಲಿಯ ವಿರುದ್ದ ಸರಣಿಯಿಂದ ಅವಕಾಶ ವಂಚಿತರಾದ ಹಲವು ಅನುಭವಿ ಆಟಗಾರರಲ್ಲಿ ಮಲಾನ್ ಕೂಡ ಒಬ್ಬರು.
* ಮಲಾನ್ ಅವರು ವೃತ್ತಿಜೀವನದ ಅವಧಿಯಲ್ಲಿ 114 ಪಂದ್ಯಗಳನ್ನು ಆಡಿದ್ದಾರೆ 22 ಟೆಸ್ಟ್, 30 ಏಕದಿನ ಮತ್ತು 62 ಟಿ20 ಪಂದ್ಯಗಳನ್ನು ಆಡಿದ್ದಾರೆ. ಎಂಟು ಶತಕಗಳು ಮತ್ತು 31 ಅರ್ಧಶತಕಗಳನ್ನು ಒಳಗೊಂಡಂತೆ 37.74 ರ ಸರಾಸರಿಯಲ್ಲಿ 4,416 ರನ್ ಗಳಿಸಿದ್ದಾರೆ. 
* ಜೂನ್ 2017 ರಲ್ಲಿ ತನ್ನ T20 ಚೊಚ್ಚಲ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ 44 ಎಸೆತಗಳಲ್ಲಿ 78 ರನ್ ಗಳಿಸುವ ಮೂಲಕ ಮಲಾನ್ ಮೊದಲ ಬಾರಿಗೆ ಅಂತರಾಷ್ಟ್ರೀಯ ವೇದಿಕೆಯಲ್ಲಿ ತನ್ನ ಛಾಪು ಮೂಡಿಸಿದರು ಮತ್ತು ಈ ಸ್ವರೂಪದಲ್ಲಿ ಅವರು ನಿಜವಾಗಿಯೂ ಮಿಂಚಿದರು. 
* ನಿವೃತ್ತಿಯನ್ನು ಘೋಷಿಸಿದ ನಂತರ ಮಾತನಾಡಿದ ಮಲಾನ್ "ಜುಲೈ 2017 ರಿಂದ ಇದು ನಂಬಲಾಗದ ಪ್ರಯಾಣವಾಗಿದೆ. ಇಂಗ್ಲೆಂಡ್‌ಗಾಗಿ ಆಡುವ ಅವಕಾಶವನ್ನು ಪಡೆದಿದ್ದಕ್ಕಾಗಿ ನಾನು ತುಂಬಾ ಕೃತಜ್ಞನಾಗಿದ್ದೇನೆ" ಎಂದು ಮಲಾನ್ ಹೇಳಿರುವುದಾಗಿ ಐಸಿಸಿ ಉಲ್ಲೇಖಿಸಿದೆ.