* ಸೆರೆಬ್ರಲ್ ಪಾಲ್ಸಿ ಕಾಯಿಲೆಯಿಂದ ಬಳಲುತ್ತಿರುವ ಜನರ ಜೀವನ ಮತ್ತು ಸಾಧನೆಗಳ ಬಗ್ಗೆ ಹೆಮ್ಮೆ ವ್ಯಕ್ತಪಡಿಸಲು, ರೋಗದ ಬಗ್ಗೆ ಜನರಿಗೆ ಅರಿವು ಮೂಡಿಸುವ ಉದ್ದೇಶದಿಂದ ಪ್ರತಿ ವರ್ಷ ಅಕ್ಟೋಬರ್ 6 ರಂದು ವಿಶ್ವ ಸೆರೆಬ್ರಲ್ ಪಾಲ್ಸಿ ದಿನವನ್ನು ಆಚರಿಸಲಾಗುತ್ತದೆ.
* ವಿಶ್ವ ಸೆರೆಬ್ರಲ್ ಪಾಲ್ಸಿ ದಿನದ 2024 ರ ಥೀಮ್ "ಉಜ್ವಲ ಭವಿಷ್ಯಕ್ಕಾಗಿ ಕ್ರಮ (Taking Action for a Brighter Future) ಎಂಬುದು ಥೀಮ್ ಆಗಿದೆ.
* ಸೆರೆಬ್ರಲ್ ಪಾಲ್ಸಿ ಅಲಯನ್ಸ್ 2012ರ ಅಕ್ಟೋಬರ್ 6ರಂದು ಮೊತ್ತಮೊದಲ ಬಾರಿಗೆ ವಿಶ್ವ ಸೆರೆಬ್ರಲ್ ಪಾಲ್ಸಿ ದಿನವನ್ನು ಘೋಷಿಸಿತು. 
* ಪ್ರಪಂಚದಲ್ಲಿ ಬದುಕುತ್ತಿರುವ ಇತರ ಜನರಂತೆ - ಸೆರೆಬ್ರಲ್ ಪಾಲ್ಸಿಯಿಂದ ಬಳಲುತ್ತಿರುವವರಿಗೂ ಸಮಾನ ಹಕ್ಕು, ಅವಕಾಶಗಳನ್ನು ನೀಡಬೇಕು ಎಂದು ಪ್ರತಿಪಾದಿಸುವುದು ಈ ದಿನದ ಉದ್ದೇಶವಾಗಿತ್ತು.
* ಸೆರೆಬ್ರಲ್ ಪಾಲ್ಸಿ ನರಮಂಡಲಕ್ಕೆ ಸಂಬಂಧಿತ ಖಾಯಿಲೆಯಾಗಿದ್ದು, ಮಗುವಿನ ಮಿದುಳು ಅಭಿವೃದ್ಧಿ ಹಂತದಲ್ಲಿರುವಾಗ ಆಗುವ ಗಾಯ ಅಥವಾ ಮಿದುಳಿನ ಅಸಮರ್ಪಕ ರಚನೆಯಿಂದ ಉಂಟಾಗುತ್ತದೆ. 
* ದೇಹದ ಚಲನೆ, ಮಾಂಸಖಂಡದ ನಿಯಂತ್ರಣ ಮತ್ತು ಸಂರಚನೆ, ಮತ್ತು ದೇಹದ ಭಾಗಗಳ ಸಮತೋಲನದ ಮೇಲೆ ಇದು ಪರಿಣಾಮ ಬೀರುತ್ತದೆ. ಬಾಲ್ಯದಲ್ಲಿ ಸಾಮಾನ್ಯವಾಗಿ ಕಾಣಿಸಿಕೊಳ್ಳುವ ದೀರ್ಘಕಾಲದ ಅಸ್ವಸ್ಥತೆಗಳಲ್ಲಿ ಇದೂ ಒಂದಾಗಿದೆ.
* ಸೆರೆಬ್ರಲ್ ಪಾಲ್ಸಿ ಮೂರು ವಿಧಗಳಲ್ಲಿ ಭಿನ್ನವಾಗಿದೆ: ಕ್ವಾಡ್ರಿಪ್ಲೆಜಿಯಾ (ಎರಡೂ ತೋಳುಗಳು ಮತ್ತು ಕಾಲುಗಳು ಬಾಧಿತವಾಗಿವೆ), ಡಿಪ್ಲೆಜಿಯಾ (ಎರಡೂ ಕಾಲುಗಳು ಬಾಧಿತವಾಗಿವೆ), ಮತ್ತು ಹೆಮಿಪ್ಲೆಜಿಯಾ (ದೇಹದ ಒಂದು ಭಾಗವು ಪರಿಣಾಮ ಬೀರುತ್ತದೆ ಅಂದರೆ ಒಂದು ತೋಳು ಮತ್ತು ಒಂದು ಕಾಲಿನ ಮೇಲೆ ಪರಿಣಾಮ ಬೀರುತ್ತದೆ).