➤ ಭಾರತವು ಈ ದಶಕದ ಅಂತ್ಯದ ವೇಳೆಗೆ ಜಾಗತಿಕ ಆರ್ಥಿಕ ಭೂಪಟದಲ್ಲಿ ಬಲಿಷ್ಠ ಶಕ್ತಿಯಾಗಿ ಹೊರಹೊಮ್ಮಲು ಸಜ್ಜಾಗಿದೆ. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ಇತ್ತೀಚೆಗೆ ಬಿಡುಗಡೆ ಮಾಡಿರುವ ಸಂಶೋಧನಾ ವರದಿಯ ಪ್ರಕಾರ, 2030ರ ವೇಳೆಗೆ ಭಾರತವು 'ಮೇಲ್ಮಧ್ಯಮ ಆದಾಯದ ರಾಷ್ಟ್ರ' (Upper-Middle Income Nation) ಎಂಬ ಹೆಗ್ಗಳಿಕೆಗೆ ಪಾತ್ರವಾಗಲಿದೆ. ಭಾರತವು 2025ರಲ್ಲಿ $4 ಟ್ರಿಲಿಯನ್ ಜಿಡಿಪಿ ಮೈಲಿಗಲ್ಲನ್ನು ದಾಟಿ, 2028ರ ವೇಳೆಗೆ ವಿಶ್ವದ ಮೂರನೇ ಅತಿದೊಡ್ಡ ಆರ್ಥಿಕತೆಯಾಗಿ ಜರ್ಮನಿಯನ್ನು ಹಿಂದಿಕ್ಕುವ ಗುರಿ ಹೊಂದಿದ್ದು, 2030ರ ವೇಳೆಗೆ ತಲಾ ಆದಾಯವು $4,000 ತಲುಪುವ ಮೂಲಕ 'ಮೇಲ್ಮಧ್ಯಮ ಆದಾಯದ ರಾಷ್ಟ್ರ'ವಾಗಿ ಹೊರಹೊಮ್ಮುವ ನಿರೀಕ್ಷೆಯಿದೆ."➤ ವಿಶ್ವ ಬ್ಯಾಂಕ್‌ನ ವರ್ಗೀಕರಣ : ವಿಶ್ವ ಬ್ಯಾಂಕ್ ರಾಷ್ಟ್ರಗಳ ತಲಾ ಒಟ್ಟು ರಾಷ್ಟ್ರೀಯ ಆದಾಯದ (GNI) ಆಧಾರದ ಮೇಲೆ ನಾಲ್ಕು ಗುಂಪುಗಳಾಗಿ ವರ್ಗೀಕರಿಸುತ್ತದೆ:1.ಕಡಿಮೆ ಆದಾಯ (Low-Income)2. ಕೆಳ-ಮಧ್ಯಮ ಆದಾಯ (Lower-Middle-Income) – ಪ್ರಸ್ತುತ ಭಾರತ ಈ ಗುಂಪಿನಲ್ಲಿದೆ.3. ಮೇಲ್ಮಧ್ಯಮ ಆದಾಯ (Upper-Middle-Income) – 2030ರಲ್ಲಿ ಭಾರತ ಇಲ್ಲಿಗೆ ಸೇರಲಿದೆ.4. ಹೆಚ್ಚಿನ ಆದಾಯ (High-Income)➤ ಭಾರತದ ಆರ್ಥಿಕ ಪ್ರಯಾಣ (1962 - 2030): ಭಾರತದ ಆರ್ಥಿಕ ಬೆಳವಣಿಗೆಯು ಸ್ಥಿರವಾದ ಏರಿಕೆಯನ್ನು ಕಾಣುತ್ತಿದೆ:=> 1962: ತಲಾ ಆದಾಯ ಕೇವಲ $90 ಇತ್ತು.=> 2007: ಕೆಳ-ಮಧ್ಯಮ ಆದಾಯದ ಗುಂಪಿಗೆ ಸೇರ್ಪಡೆ ($910 ತಲುಪಿದಾಗ).=> 2019: ತಲಾ ಆದಾಯ $2,000 ತಲುಪಿತು.=> 2026 (ನಿರೀಕ್ಷಿತ): $3,000 ತಲುಪುವ ಸಾಧ್ಯತೆ.=> 2030 (ಗುರಿ): $4,000 ದಾಟುವ ಮೂಲಕ ಚೀನಾ ಮತ್ತು ಇಂಡೋನೇಷ್ಯಾದಂತಹ ದೇಶಗಳ ಸಾಲಿಗೆ ಭಾರತ ಸೇರಲಿದೆ.➤ ಈ ಬೆಳವಣಿಗೆಗೆ ಕಾರಣಗಳು: ಭಾರತದ ಈ ವೇಗದ ಆರ್ಥಿಕ ಪ್ರಗತಿಗೆ ಈ ಕೆಳಗಿನ ಅಂಶಗಳು ಪ್ರಮುಖ ಕಾರಣಗಳಾಗಿವೆ:=> ಜಿಡಿಪಿ ಬೆಳವಣಿಗೆ: ಸತತವಾಗಿ 7% ಕ್ಕಿಂತ ಹೆಚ್ಚಿನ ಜಿಡಿಪಿ ದರ.=> ಡಿಜಿಟಲೀಕರಣ: ತಂತ್ರಜ್ಞಾನ ಮತ್ತು ಡಿಜಿಟಲ್ ಪಾವತಿ ವ್ಯವಸ್ಥೆಯಲ್ಲಿನ ಕ್ರಾಂತಿ.=> ಮೂಲಸೌಕರ್ಯ: ರಸ್ತೆ, ರೈಲ್ವೆ ಮತ್ತು ಬಂದರುಗಳ ಅಭಿವೃದ್ಧಿಗೆ ಹೆಚ್ಚಿನ ಒತ್ತು.=> ನೀತಿ ಸುಧಾರಣೆಗಳು: ಹೂಡಿಕೆಗೆ ಪೂರಕವಾದ ಸರ್ಕಾರದ ಹೊಸ ನೀತಿಗಳು.=> ಉತ್ಪಾದಕತೆ: 2001-2024ರ ಅವಧಿಯಲ್ಲಿ ಭಾರತದ ತಲಾ ಆದಾಯವು 8% ರಷ್ಟು ಸಂಯೋಜಿತ ವಾರ್ಷಿಕ ಬೆಳವಣಿಗೆ ದರವನ್ನು (CAGR) ದಾಖಲಿಸಿದೆ.
