* ಉಜ್ಬೇಕಿಸ್ತಾನ್ ತಾಷ್ಕೆಂಟ್ ನಲ್ಲಿ ನಡೆದ 2024 ರ ಏಷ್ಯನ್ ಸೀನಿಯರ್ ಜಿಮ್ನಾಸ್ಟಿಕ್ಸ್ ಚಾಂಪಿಯನ್ ಷಿಪ್ ನ ಮಹಿಳೆಯರ ವಾಲ್ಟ್ ವಿಭಾಗದಲ್ಲಿ ಭಾರತದ 30 ವರ್ಷದ ದೀಪಾ ಕರ್ಮಕರ್ ಅವರು 13.566 ಅಂಕಗಳನ್ನು ಗಳಿಸುವ ಮೂಲಕ ಚಿನ್ನದ ಪದಕವನ್ನು ಜಯಿಸಿದರು. ಈ ಸಾಧನೆ ಮಾಡಿದ ಭಾರತದ ಮೊದಲ ಜಿಮ್ನಾಸ್ಟ್ ಎಂಬ ಹೆಗ್ಗಳಿಕೆಗೆ ದೀಪಾ ಪಾತ್ರರಾಗಿದ್ದಾರೆ. 
* ಉತ್ತರ ಕೊರಿಯಾದ ಕಿಮ್ ಸ್ಯಾನ್ ಯಾಂಗ್ (13.466) ಬೆಳ್ಳಿ ಪದಕವನ್ನು ಮತ್ತು ಜೊ ಯಾಂಗ್ ಬಿಯಲ್ (12.966) ಕಂಚಿನ ಪದಕ ಗಳಿಸಿದರು. 
* ದೀಪಾ ಕರ್ಮಕರ್ ಅವರು ಇಡೀ ಚಾಂಪಿಯನ್‌ಷಿಪ್‌ನ ಅಲ್‌ರೌಂಡ್‌ ವಿಭಾಗದಲ್ಲಿ ಒಟ್ಟು 46.166 ಅಂಕ ಗಳಿಸಿ 16ನೇ ಸ್ಥಾನ ಪಡೆದರು.
* 2015ರಲ್ಲಿ ದೀಪಾ ಕರ್ಮಕರ್ ಅವರು ಏಷ್ಯನ್ ಜಿಮ್ನಾಸ್ಟಿಕ್ಸ್ ಚಾಂಪಿಯನ್ ಷಿಪ್ ನಲ್ಲಿ ಕಾಚಿನ ಪದಕವನ್ನು ಪಡೆದುಕೊಂಡಿದ್ದರು. 
* ಟರ್ಕಿಯ ಮರ್ಸಿನ್‌ನಲ್ಲಿ 2018ರಲ್ಲಿ ನಡೆದಿದ್ದ ಎಫ್‌ಐಜಿ ವಿಶ್ವಕಪ್ ಟೂರ್ನಿಯಲ್ಲಿಯೂ ದೀಪಾ ಚಿನ್ನದ ಪದಕ ಜಯಿಸಿದ್ದ ಸಾಧನೆ ಮಾಡಿದ್ದರು.
* ಏಷ್ಯನ್ ಜಿಮ್ನಾಸ್ಟಿಕ್ಸ್ ಚಾಂಪಿಯನ್ ಷಿಪ್ ನ ವಾಲ್ಟ್ ವಿಭಾಗದಲ್ಲಿ 2019 ಹಾಗೂ 2022ರಲ್ಲಿ ಪ್ರಣತಿ ನಾಯಕ ಅವರು ಕಂಚಿನ ಪದಕಗಳನ್ನು ಗಳಿಸಿದ್ದರು.