ಕರ್ನಾಟಕ ರಾಜ್ಯ ಪೊಲೀಸ್ ಇಲಾಖೆಯು 200 ನಾಗರೀಕ (ಸಿವಿಲ್) ಪೊಲೀಸ್ ಸಬ್ ಇನ್ಸ್ಪೆಕ್ಟರ್ ಹುದ್ದೆಗಳ ನೇಮಕಕ್ಕೆ ಡಿಸೆಂಬರ್ 8 ರಂದು ನಡೆಸಬೇಕಾಗಿದ್ದ ಲಿಖಿತ ಪರೀಕ್ಷೆಯನ್ನು ಮುಂದೂಡಿದೆ.
ಇಲಾಖೆಯ ಮಾಹಿತಿ ಪ್ರಕಾರ ಡಿ. 8 ರಂದು ಈ ಪರೀಕ್ಷೆಯನ್ನು ನಡೆಸಲು ಉದ್ದೇಶಿಸಲಾಗಿತ್ತು. ಇಲಾಖೆ ಈ ಕುರಿತು ಅಧಿಕೃತವಾಗಿ ದಿನಾಂಕ ಪ್ರಕಟಿಸದೇ ಇದ್ದರೂ, ಇದಕ್ಕೆ ಸಿದ್ದಪಡಿಸಿದ್ದ ವೇಳಾಪಟ್ಟಿಯೂ ಬಹಿರಂಗಗೊಂಡಿತ್ತು. ಹೀಗಾಗಿ ಅರ್ಜಿ ಸಲ್ಲಿಸಿದ್ದ ಅಭ್ಯರ್ಥಿಗಳು ಪರೀಕ್ಷೆಗೆ ಸಿದ್ಧತೆ ನಡೆಸಿದ್ದರು.
ಆದರೆ ಇಲಾಖೆಯು ಪ್ರವೇಶ ಪತ್ರವನ್ನು ಇನ್ನು ಒದಗಿಸಿಲ್ಲ. ಹೀಗಾಗಿ ಪರೀಕ್ಷೆ ಮುಂದೂಡಿರುವುದು ಖಚಿತವಾಗಿದೆ. ನವೆಂಬರ್ 3 ರಿಂದ ಪ್ರತಿ ಭಾನುವಾರ ಇಲಾಖೆ ಒಂದಲ್ಲ ಒಂದು ಲಿಖಿತ ಪರೀಕ್ಷೆ ನಡೆಸಿಕೊಂಡು ಬಂದಿದ್ದು. ಈ ಪ್ರಕಾರವೇ ಈ ಪರೀಕ್ಷೆ ನಡೆಸಲಾಗುತ್ತದೆ ಎಂದು ನಿರೀಕ್ಷಿಸಲಾಗಿತ್ತಾದರೂ, ಸಹಿಷ್ಟುತೆ ಮತ್ತು ದೇಹದಾರ್ಢ್ಯ ಪರೀಕ್ಷೆ ಇನ್ನು ಪೂರ್ಣವಾಗದೆ ಇರುವದು ಪರೀಕ್ಷೆ ಮುಂದೂಡಲು ಕಾರಣ ಎನ್ನಲಾಗಿದೆ.