* ತೈವಾನ್‌ನಲ್ಲಿ ಏಪ್ರಿಲ್ 03 ರಂದು (ಬುಧವಾರ) ಸಂಭವಿಸಿದ ಪ್ರಬಲ ಭೂಕಂಪದಲ್ಲಿ 7 ಮಂದಿ ಮೃತಪಟ್ಟು ಹಾಗೂ 900 ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ. ಭೂಮಿ ಕಂಪಿಸಿ ಹಲವಾರು ಕಡೆಗೆ ಭಾರೀ ಅನಾಹುತ ಸಂಭವಿಸಿವೆ.
* 1999ರ ಸೆಪ್ಟಂಬರ್‌ನಲ್ಲಿ ತೈವಾನ್‌ನಲ್ಲಿ ಸಂಭವಿಸಿದ್ದ ಭೀಕರ ಭೂಕಂಪಕಕ್ಕೆ 2,400 ಜನ ಜೀವ ತೆತ್ತಿದ್ದರು. ಆಗ ಭೂಕಂಪದ ಪ್ರಮಾಣ 7.6ರ ತೀವ್ರತೆಯಲ್ಲಿ ದಾಖಲಾಗಿತ್ತು.
* ಈ ಬಾರಿ ಭೂಕಂಪನ 25 ವರ್ಷದ ನಂತರದಲ್ಲಿ ಸಂಭವಿಸಿದ ಭಾರೀ ಪ್ರಮಾಣವು  ಭೂಕಂಪದ ತೀವ್ರತೆಯು 7.4 ರಷ್ಟಿರುವುದು ಕಂಡು ಬಂದಿದೆ. 
* ರಾಯಿಟರ್ಸ್ ಸಂಸ್ಥೆ ಪ್ರಕಾರ ತೈವಾನ್ ಮತ್ತು ಓಕಿನಾವಾ, ಜಪಾನ್ ಮತ್ತು ಫಿಲಿಪೈನ್ಸ್‌ನಲ್ಲಿ ಸುನಾಮಿ ಎಚ್ಚರಿಕೆ ನೀಡಲಾಗಿದೆ. ತೈವಾನ್‌ನಲ್ಲಿ ಇಂಟರ್ನೆಟ್ ಸ್ಥಗಿತಗೊಳಿಸಲಾಗಿದೆ ಎಂದು ವರದಿಯಾಗಿದೆ. ತೈವಾನ್ ದೂರದರ್ಶನ ಕೇಂದ್ರಗಳು ಭೂಕಂಪದ ಕೇಂದ್ರದ ಸಮೀಪವಿರುವ ಹುವಾಲಿಯನ್‌ನಲ್ಲಿ ಕೆಲವು ಕುಸಿದ ಕಟ್ಟಡಗಳ ಚಿತ್ರಗಳನ್ನು ತೋರಿಸಿವೆ. 
* ತೈವಾನ್‌ನ ಭೂಕಂಪನ ಮೇಲ್ವಿಚಾರಣಾ ಸಂಸ್ಥೆ ಭೂಕಂಪನದ ತೀವ್ರತೆ ಮಾನಿಟರಿಂಗ್ ಏಜೆನ್ಸಿ ರಿಕ್ಟರ್ ಮಾಪಕದಲ್ಲಿ 7.2 ರ ತೀವ್ರತೆ ದಾಖಲಾಗಿದೆ ಎಂದು ತಿಳಿಸಿದೆ. ಅಮೇರಿಕಾದ ಜಿಯೋಲಾಜಿಕಲ್ ಸರ್ವೇ ಅದನ್ನು 7.4 ತೀವ್ರತೆ ಇದೆ ಎಂದು ತಿಳಿಸಿದೆ. ಇದು ಹುವಾಲಿಯನ್‌ನ ದಕ್ಷಿಣ-ನೈಋತ್ಯಕ್ಕೆ ಸುಮಾರು 18 ಕಿಲೋಮೀಟರ ಅಪ್ಪಳಿಸಿತು ಮತ್ತು ಸುಮಾರು 35 ಕಿಲೋಮೀಟರ್‌ಗಳು (21 ಮೈಲುಗಳು) ಆಳವಾಗಿತ್ತು.
* ತೈವಾನ್‌ನ ಭೂಕಂಪ ಮಾನಿಟರಿಂಗ್ ಬ್ಯೂರೋದ ಮುಖ್ಯಸ್ಥ ಚಿಯೆನ್-ಫೂ ಅವರು ಚೀನಾದ ಕರಾವಳಿಯಲ್ಲಿರುವ ತೈವಾನೀಸ್ ನಿಯಂತ್ರಿತ ದ್ವೀಪವಾದ ಕಿನ್‌ಮೆನ್‌ನಷ್ಟು ದೂರದಲ್ಲಿ ಪರಿಣಾಮಗಳನ್ನು ಕಂಡುಹಿಡಿಯಲಾಗಿದೆ ಎಂದು ತಿಳಿಸಿದರು.