* ಭಾರತವು ತನ್ನದೇ ಆದ ಸಂಪೂರ್ಣ ಸ್ವದೇಶಿ 4ಜಿ ತಂತ್ರಜ್ಞಾನವನ್ನು ಯಶಸ್ವಿಯಾಗಿ ಆರಂಭಿಸಿ, ಚೀನಾ, ಸ್ವೀಡನ್, ಡೆನ್ಮಾರ್ಕ್, ದಕ್ಷಿಣ ಕೊರಿಯಾದಂತಹ ತಂತ್ರಜ್ಞಾನ ದಿಗ್ಗಜರ ಸಾಲಿಗೆ ಸೇರಿದೆ.
* ಪ್ರಧಾನಿ ನರೇಂದ್ರ ಮೋದಿ ಅವರು ಒಡಿಶಾದ ಝಾರ್ಸುಗುಡಾದಲ್ಲಿ ಬಿಎಸ್‌ಎನ್‌ಎಲ್‌ನ ಈ ಯೋಜನೆಗೆ ಚಾಲನೆ ನೀಡಿದರು.
* ಮೋದಿಯವರು ದೇಶಾದ್ಯಂತ 97,500ಕ್ಕೂ ಹೆಚ್ಚು 4ಜಿ ಮೊಬೈಲ್ ಟವರ್‌ಗಳನ್ನು ಉದ್ಘಾಟಿಸಿದರು. ಇದರಲ್ಲಿ 92,600 ತಾಣಗಳು ಸಂಪೂರ್ಣ ಸ್ವದೇಶಿ ತಂತ್ರಜ್ಞಾನವನ್ನು ಆಧರಿಸಿದ್ದು, ಸುಮಾರು ₹37,000 ಕೋಟಿ ವೆಚ್ಚದಲ್ಲಿ ಇವು ನಿರ್ಮಾಣಗೊಂಡಿವೆ.
* ಈ ನೆಟ್ವರ್ಕ್ ಕ್ಲೌಡ್ ಆಧಾರಿತವಾಗಿದ್ದು, ಭವಿಷ್ಯದಲ್ಲಿ ಸುಲಭವಾಗಿ 5ಜಿಗೆ ನವೀಕರಿಸಬಹುದಾಗಿದೆ.
* ಈ ಯೋಜನೆಯ ಮೂಲಕ ಗಡಿಭಾಗ, ನಕ್ಸಲ್ ಪೀಡಿತ ಹಾಗೂ ಸಂಪರ್ಕವಿಲ್ಲದ 26,700ಕ್ಕೂ ಹೆಚ್ಚು ಗ್ರಾಮಗಳಿಗೆ ಇಂಟರ್ನೆಟ್ ಒದಗಿಸಲಾಗುತ್ತಿದೆ.
* ಇದರಲ್ಲಿ ಒಡಿಶಾದ 2,472 ಗ್ರಾಮಗಳೂ ಸೇರಿವೆ. ಹೊಸ ಸಂಪರ್ಕದಿಂದ 20 ಲಕ್ಷಕ್ಕೂ ಹೆಚ್ಚು ಗ್ರಾಹಕರು ಬಿಎಸ್‌ಎನ್‌ಎಲ್‌ಗೆ ಸೇರ್ಪಡೆಯಾಗುವ ನಿರೀಕ್ಷೆ ಇದೆ.
* ಹೊಸ ಟವರ್‌ಗಳು ಸೌರಶಕ್ತಿಯಿಂದ ಕಾರ್ಯನಿರ್ವಹಿಸುವುದರಿಂದ ಇದು ಭಾರತದ ಅತಿದೊಡ್ಡ ಹಸಿರು ದೂರಸಂಪರ್ಕ ಜಾಲವಾಗಿದೆ. ಸುಸ್ಥಿರ ಮೂಲಸೌಕರ್ಯ ನಿರ್ಮಾಣದ ಉತ್ತಮ ಮಾದರಿಯಾಗಿದೆ.
* ಡಿಜಿಟಲ್ ಇಂಡಿಯಾ ಅಭಿಯಾನಕ್ಕೆ ಇದು ದೊಡ್ಡ ಬಲ ನೀಡಲಿದ್ದು, ಗ್ರಾಮೀಣ ಸಮುದಾಯಗಳನ್ನು ಡಿಜಿಟಲ್ ಜಗತ್ತಿಗೆ ಸಂಪರ್ಕಿಸುವಲ್ಲಿ ಮಹತ್ವದ ಹೆಜ್ಜೆಯಾಗಿದೆ.
* ಇದರ ಜೊತೆಗೆ, ‘ಡಿಜಿಟಲ್ ಭಾರತ್ ನಿಧಿ’ ಅಡಿಯಲ್ಲಿ 29,000–30,000 ಗ್ರಾಮಗಳನ್ನು 4ಜಿ ನೆಟ್ವರ್ಕ್‌ಗೆ ಜೋಡಿಸಲಾಯಿತು.