➤ ಭಾರತೀಯ ಜನತಾ ಪಕ್ಷದ (ಬಿಜೆಪಿ) ರಾಷ್ಟ್ರೀಯ ಅಧ್ಯಕ್ಷ ನಿತಿನ್ ನವೀನ್ ಸೇರಿದಂತೆ ನೂತನವಾಗಿ ಆಯ್ಕೆಯಾದ 15ಕ್ಕೂ ಹೆಚ್ಚು ಗಣ್ಯರು ಗುರುವಾರ(16-04-2026) ಸಂಸತ್ತಿನ ಮೇಲ್ಮನೆಯಾದ ರಾಜ್ಯಸಭೆಯ ಸದಸ್ಯರಾಗಿ ಅಧಿಕೃತವಾಗಿ ಪ್ರಮಾಣ ವಚನ ಸ್ವೀಕರಿಸಿದರು. ದೆಹಲಿಯ ಸಂಸತ್ ಭವನದಲ್ಲಿ ನಡೆದ ಈ ಮಹತ್ವದ ಸಮಾರಂಭದಲ್ಲಿ ರಾಜ್ಯಸಭೆಯ ಅಧ್ಯಕ್ಷರಾದ ಸಿ.ಪಿ. ರಾಧಾಕೃಷ್ಣನ್ ಅವರು ನೂತನ ಸಂಸದರಿಗೆ ಪ್ರಮಾಣ ವಚನ ಬೋಧಿಸಿದರು. ಈ ಮೂಲಕ ಸಂಸತ್ತಿನ ಕಲಾಪಗಳಲ್ಲಿ ನೂತನ ಸದಸ್ಯರ ಭಾಗವಹಿಸುವಿಕೆಗೆ ಅಧಿಕೃತ ಮುದ್ರೆ ಬಿತ್ತು.➤ ನಿತಿನ್ ನವೀನ್ ಪ್ರಮಾಣ: ಬಿಹಾರದಿಂದ ರಾಜ್ಯಸಭೆಗೆ ಆಯ್ಕೆಯಾಗಿರುವ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ನಿತಿನ್ ನವೀನ್ ಅವರು ಹಿಂದಿ ಭಾಷೆಯಲ್ಲಿ ಪ್ರಮಾಣ ವಚನ ಸ್ವೀಕರಿಸಿದರು. ಈ ಸಂದರ್ಭದಲ್ಲಿ ಸಂಸತ್ತಿನ ಸದಸ್ಯರು ಮೇಜುಗಳನ್ನು ತಟ್ಟುವ ಮೂಲಕ ಅವರಿಗೆ ಆತ್ಮೀಯ ಸ್ವಾಗತ ಕೋರಿದರು.➤ ಸಂಸತ್ತಿನ ಮೇಲ್ಮನೆಯಲ್ಲಿ ಗುರುವಾರ ಪ್ರಮಾಣ ವಚನ ಸ್ವೀಕರಿಸಿದ ಸದಸ್ಯರ ವಿವರ:1.ನಿತಿನ್ ನವೀನ್ (ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷರು)2.ಅಭಿಷೇಕ್ ಮನು ಸಿಂಘ್ವಿ 3.ವಿನೋದ್ ಶ್ರೀಧರ್ ತಾವ್ಡೆ 4.ರಾಮನಾಥ್ ಠಾಕೂರ್ಜ 5.ಶಿವೇಷ್ ಕುಮಾರ್ 6.ಉಪೇಂದ್ರ ಕುಶ್ವಾಹ7.ಸಂಜಯ್ ಭಾಟಿಯಾ8.ಕರಮ್‌ವೀರ್ ಸಿಂಗ್ ಬೌದ್ಧ್ 9.ವೇಮ್ ನರೇಂದರ್ ರೆಡ್ಡಿ10.ಅನುರಾಗ್ ಶರ್ಮಾ 11.ಲಕ್ಷ್ಮಿ ವರ್ಮಾ 12.ಫುಲೋ ದೇವಿ ನೇತಮ್ 13.ಟೆರಾಶ್ ಗೌಡ14.ಜೋಗನ್ ಮೋಹನ್ 15.ಪ್ರಮೋದ್ ಬೋರೋ 16.ಸುಜಿತ್ ಕುಮಾರ್ಬ  ➤ ಶ್ರದ್ಧಾಂಜಲಿ ಸಭೆ: ಪ್ರಮಾಣ ವಚನ ಸಮಾರಂಭದ ನಂತರ, ಸದನವು ಇತ್ತೀಚೆಗೆ ನಿಧನರಾದ ಭಾರತದ ಖ್ಯಾತ ಗಾಯಕಿ ಆಶಾ ಭೋಂಸ್ಲೆ ಹಾಗೂ ಮಾಜಿ ಸಂಸದೆ ಮತ್ತು ಕೇಂದ್ರ ಸಚಿವರಾಗಿದ್ದ ಮೊಹ್ಸಿನಾ ಕಿದ್ವಾಯಿ ಅವರಿಗೆ ಭಾವಪೂರ್ಣ ಶ್ರದ್ಧಾಂಜಲಿ ಸಲ್ಲಿಸಿತು. ಆಶಾ ಭೋಂಸ್ಲೆ ಅವರ ಸಂಗೀತ ಕ್ಷೇತ್ರದ ಸುದೀರ್ಘ ಕೊಡುಗೆಯನ್ನು ಅಧ್ಯಕ್ಷ ಸಿ.ಪಿ. ರಾಧಾಕೃಷ್ಣನ್ ಅವರು ಸ್ಮರಿಸಿದರು.
