➤ ಇತ್ತೀಚೆಗೆ ಕೇಂದ್ರ ಬಂದರು, ಹಡಗು ಮತ್ತು ಜಲಮಾರ್ಗಗಳ ಸಚಿವಾಲಯವು ರಾಜ್ಯಸಭೆಗೆ ನೀಡಿದ ಮಾಹಿತಿಯ ಪ್ರಕಾರ, ಒಡಿಶಾದ ಒಟ್ಟು564 ಕಿ.ಮೀಉದ್ದದ ಕರಾವಳಿ ಪೈಕಿಶೇ. 28.3ರಷ್ಟು ಭಾಗವು ತೀವ್ರ ಕರಾವಳಿ ಸವೆತಕ್ಕೆ (Coastal Erosion)ಒಳಗಾಗುತ್ತಿದೆ. ರಾಷ್ಟ್ರೀಯ ಕರಾವಳಿ ಸಂಶೋಧನಾ ಕೇಂದ್ರವು (NCCR) 1990 ರಿಂದ 2022 ರವರೆಗಿನ ದೀರ್ಘಕಾಲೀನ ಮೌಲ್ಯಮಾಪನದ ಆಧಾರದ ಮೇಲೆ ಈ ವರದಿಯನ್ನು ಸಿದ್ಧಪಡಿಸಿದೆ.
➤ ಪ್ರಮುಖ ಅಂಕಿ-ಅಂಶಗಳು (NCCR ವರದಿ ಪ್ರಕಾರ):

1. ಕರಾವಳಿಯ ಒಟ್ಟು ಸ್ಥಿತಿ:

ಸವೆತಕ್ಕೆ ಒಳಗಾಗುತ್ತಿರುವ ಭಾಗ: ಶೇ. 28.3

ಮಣ್ಣು ಕೂಡಿ ವಿಸ್ತರಣೆಯಾಗುತ್ತಿರುವ ಭಾಗ (Accretion): ಶೇ. 54.1

ಸ್ಥಿರವಾಗಿರುವ ಭಾಗ: ಶೇ. 17.6

2. ಅತ್ಯಂತ ದುರ್ಬಲ ಜಿಲ್ಲೆಗಳು:

ಜಗತ್ಸಿಂಗ್‌ಪುರ: ಶೇ. 47.6 ರಷ್ಟು ಕರಾವಳಿ ಸವೆತ (ಅತ್ಯಂತ ಹೆಚ್ಚು)

ಗಂಜಾಮ್: ಶೇ. 45.7

ಕೇಂದ್ರಪಾರಾ: ಶೇ. 45.0

ಬಾಲಸೋರ್: ಶೇ. 23.8

ಪುರಿ: ಶೇ. 10.2

➤ ಕರಾವಳಿ ಸವೆತಕ್ಕೆ ಪ್ರಮುಖ ಕಾರಣಗಳು:

• ಚಂಡಮಾರುತಗಳು:ಬಂಗಾಳಕೊಲ್ಲಿಯಲ್ಲಿ ಪದೇ ಪದೇ ಸೃಷ್ಟಿಯಾಗುವ ತೀವ್ರ ಸ್ವರೂಪದ ಚಂಡಮಾರುತಗಳು ಮತ್ತು ಅಲೆಗಳ ಹೊಡೆತ.
• ಜಾಗತಿಕ ತಾಪಮಾನ: ತಾಪಮಾನ ಏರಿಕೆಯಿಂದಾಗಿ ಸಮುದ್ರದ ಮಟ್ಟ (Sea Level Rise) ನಿರಂತರವಾಗಿ ಏರಿಕೆಯಾಗುತ್ತಿರುವುದು.
• ಅವೈಜ್ಞಾನಿಕ ಕಾಮಗಾರಿಗಳು: ಬಂದರು ನಿರ್ಮಾಣ, ಜೆಟ್ಟಿ ಮತ್ತು ಕಡಲತೀರದಲ್ಲಿ ಕಾಂಕ್ರೀಟ್ ಗೋಡೆಗಳನ್ನು ಕಟ್ಟುವುದರಿಂದ ಅಲೆಗಳ ನೈಸರ್ಗಿಕ ಚಲನೆಗೆ ತಡೆಯುಂಟಾಗಿ ಸವೆತ ಹೆಚ್ಚಾಗುತ್ತದೆ.
• ಮರಳು ಗಣಿಗಾರಿಕೆ: ನದಿ ಮತ್ತು ಕಡಲತೀರದಲ್ಲಿ ನಡೆಯುವ ಅಕ್ರಮ ಮರಳು ಗಣಿಗಾರಿಕೆ.
• ಮ್ಯಾಂಗ್ರೋವ್ ಕಾಡುಗಳ ನಾಶ: ಕರಾವಳಿಯನ್ನು ರಕ್ಷಿಸುವ ನೈಸರ್ಗಿಕ ಮ್ಯಾಂಗ್ರೋವ್ (Mangroves) ಕಾಡುಗಳ ನಾಶ.

➤ ಒಡಿಶಾ ಕರಾವಳಿ ಸವೆತದಿಂದಾಗಿ ಹಳ್ಳಿಗಳು ಜಲಾವೃತಗೊಂಡು ನೂರಾರು ಕುಟುಂಬಗಳು 'ಹವಾಮಾನ ನಿರಾಶ್ರಿತರಾಗುತ್ತಿದ್ದು', ಜನರ ಜೀವನೋಪಾಯದ ಜೊತೆಗೆ 'ಆಲೀವ್ ರಿಡ್ಲೆ' ಆಮೆಗಳ ಸಾಂಪ್ರದಾಯಿಕ ಮುಖಜ ಸಂತಾನೋತ್ಪತ್ತಿ ತಾಣಗಳಿಗೂ ತೀವ್ರ ಬೆದರಿಕೆ ಎದುರಾಗಿದೆ.

➤ ಸರ್ಕಾರ ಕೈಗೊಂಡಿರುವ ಪ್ರಮುಖ ತಡೆ ಕ್ರಮಗಳು:

• ಜಿಒಟ್ಯಾಕ್ಸ್ ಟ್ಯೂಬ್ ತಡೆಗೋಡೆಗಳು (Geotextile Tube Embankments): ಅಲೆಗಳ ತೀವ್ರತೆಯನ್ನು ಕಡಿಮೆ ಮಾಡಲು ಮರಳು ತುಂಬಿದ ಹೈ-ಸ್ಟ್ರೆಂತ್ ಜಿಒಟ್ಯಾಕ್ಸ್ ಟ್ಯೂಬ್‌ಗಳನ್ನು ಬಳಸುವುದು.
• ಭಾರತದ ಮೊದಲ 'ಹವಾಮಾನ ಪುನರ್ವಸತಿ ನೀತಿ': ಕರಾವಳಿ ಸವೆತದಿಂದ ನಿರಾಶ್ರಿತರಾದ ಜನರಿಗಾಗಿ ಒಡಿಶಾ ಸರ್ಕಾರವು ಪ್ರತ್ಯೇಕ 'ಪುನರ್ವಸತಿ ಕಾಲೋನಿಗಳನ್ನು' (Climate Resettlement Colonies) ನಿರ್ಮಿಸಿದೆ.
• ಸಮುದ್ರ ಗೋಡೆ ಹಾಗೂ ಸರ್ವಿಸ್ ರಸ್ತೆಗಳು (Sea Wall-cum-Service Roads): ಕರಾವಳಿ ರಕ್ಷಣೆಯೊಂದಿಗೆ ಸಾರಿಗೆ ವ್ಯವಸ್ಥೆಗೂ ಅನುಕೂಲವಾಗುವ ದ್ವಿಪಥ ತಡೆಗೋಡೆಗಳ ನಿರ್ಮಾಣ.