Job Description: ➤ ರಾಷ್ಟ್ರೀಯ ಆರೋಗ್ಯ ಖಾತೆ ಅಂದಾಜು (National Health Accounts - NHA) 2022-23ರ ವರದಿಯನ್ನು ಇತ್ತೀಚೆಗೆ ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವು ಬಿಡುಗಡೆ ಮಾಡಿದೆ. ಸ್ಪರ್ಧಾತ್ಮಕ ಪರೀಕ್ಷೆಗಳ ದೃಷ್ಟಿಯಿಂದ ಈ ವರದಿಯು ಅತ್ಯಂತ ಪ್ರಮುಖವಾಗಿದ್ದು, ದೇಶದ ಆರೋಗ್ಯ ವಲಯದ ಆರ್ಥಿಕ ಹೂಡಿಕೆ ಹಾಗೂ ಸಾರ್ವಜನಿಕರ ವೈದ್ಯಕೀಯ ವೆಚ್ಚಗಳ ಮೇಲಿನ ಸಂಪೂರ್ಣ ಚಿತ್ರಣವನ್ನು ಇದು ನೀಡುತ್ತದೆ. ಇದು ಸರಣಿಯ 10ನೇ ವರದಿಯಾಗಿದ್ದು, ವಿಶ್ವ ಆರೋಗ್ಯ ಸಂಸ್ಥೆಯ (WHO) ಅಂತರರಾಷ್ಟ್ರೀಯ ಮಾನದಂಡಗಳ (System of Health Accounts 2011 Framework) ಆಧಾರದ ಮೇಲೆ ಇದನ್ನು ಸಿದ್ಧಪಡಿಸಲಾಗಿದೆ.➤ ಕಳೆದ ಒಂದು ದಶಕದಲ್ಲಿ (2013-14 ರಿಂದ 2022-23) ಭಾರತದ ಆರೋಗ್ಯ ಕ್ಷೇತ್ರದಲ್ಲಿ ಸರ್ಕಾರಿ ಹೂಡಿಕೆ ಗಮನಾರ್ಹವಾಗಿ ಹೆಚ್ಚಾಗಿದ್ದು, ನಾಗರಿಕರ ಸ್ವಂತ ಕೈಯಿಂದ ಭರಿಸುವ ವೆಚ್ಚ (Out-of-Pocket Expenditure) ಗಣನೀಯವಾಗಿ ಕಡಿಮೆಯಾಗಿದೆ.1.ಸರ್ಕಾರಿ ಆರೋಗ್ಯ ವೆಚ್ಚದಲ್ಲಿ ಭಾರಿ ಹೆಚ್ಚಳ (Rise in Government Health Expenditure) ಮೂರು ಪಟ್ಟು ಹೆಚ್ಚಳ: 2013-14ರಲ್ಲಿ ₹1.30 ಲಕ್ಷ ಕೋಟಿ ಇದ್ದ ಸರ್ಕಾರದ ಒಟ್ಟು ಆರೋಗ್ಯ ವೆಚ್ಚವು 2022-23ರ ವೇಳೆಗೆ ₹3.85 ಲಕ್ಷ ಕೋಟಿಗೆ ಏರಿಕೆಯಾಗಿದೆ. ಜಿಡಿಪಿ ಪಾಲು (GHE as % of GDP): ದೇಶದ ಒಟ್ಟು ಜಿಡಿಪಿಯಲ್ಲಿ (GDP) ಆರೋಗ್ಯ ವಲಯದ ಪಾಲು ಶೇ. 1.15 ರಿಂದ ಶೇ. 1.43 ಕ್ಕೆ ಏರಿದೆ (ಹೊಸ ಜಿಡಿಪಿ ಸರಣಿಯ ಪ್ರಕಾರ ಇದು ಶೇ. 1.48 ರಷ್ಟಿದೆ). ತಲಾ ಆರೋಗ್ಯ ವೆಚ್ಚ (Per Capita Spending): ಸರ್ಕಾರದ ತಲಾ ಆರೋಗ್ಯ ವೆಚ್ಚವು ₹1,042 ರಿಂದ ಸುಮಾರು 2.7 ಪಟ್ಟು ಹೆಚ್ಚಾಗಿ ₹2,786 ಕ್ಕೆ ತಲುಪಿದೆ. 2. ಸಾರ್ವಜನಿಕರ ಸ್ವಂತ ವೆಚ್ಚದಲ್ಲಿ ಇಳಿಕೆ: ಸಾಮಾನ್ಯ ಜನರು ಆಸ್ಪತ್ರೆ, ಔಷಧಿ ಹಾಗೂ ಚಿಕಿತ್ಸೆಗಾಗಿ ತಮ್ಮ ಸ್ವಂತ ಜೆಬಿನಿಂದ ಮಾಡುವ ವೆಚ್ಚವನ್ನು 'ಔಟ್ ಆಫ್ ಪಾಕೆಟ್ ಎಕ್ಸ್‌ಪೆಂಡಿಚರ್' ಎನ್ನಲಾಗುತ್ತದೆ. 2013-14ರಲ್ಲಿ ದೇಶದ ಒಟ್ಟು ಆರೋಗ್ಯ ವೆಚ್ಚದಲ್ಲಿ ಜನರ ಸ್ವಂತ ಪಾಲು ಶೇ. 64.2 ರಷ್ಟಿತ್ತು. ಆದರೆ 2022-23ರ ವರದಿಯ ಪ್ರಕಾರ ಇದು ಶೇ. 43.4 ಕ್ಕೆ ಕುಸಿದಿದೆ. ಇದು ಬಡ ಮತ್ತು ಮಧ್ಯಮ ವರ್ಗದ ಕುಟುಂಬಗಳ ಮೇಲಿನ ಆರ್ಥಿಕ ಹೊರೆಯನ್ನು ಕಡಿಮೆ ಮಾಡಿದೆ ಎಂಬುದನ್ನು ತೋರಿಸುತ್ತದೆ. 3. ಪ್ರಾಥಮಿಕ ಆರೋಗ್ಯ ಕ್ಷೇತ್ರಕ್ಕೆ ಆದ್ಯತೆ: ಸರ್ಕಾರವು ಪ್ರಾಥಮಿಕ ಆರೋಗ್ಯ ರಕ್ಷಣೆಗೆ ನೀಡುವ ನಿಧಿಯನ್ನು ₹0.5 ಲಕ್ಷ ಕೋಟಿಯಿಂದ ₹1.4 ಲಕ್ಷ ಕೋಟಿಗೆ (ಎರಡಕ್ಕಿಂತ ಹೆಚ್ಚು ಪಟ್ಟು) ಹೆಚ್ಚಿಸಿದೆ. ಒಟ್ಟು ಸಾರ್ವಜನಿಕ ಆರೋಗ್ಯ ವೆಚ್ಚದಲ್ಲಿ ಪ್ರಾಥಮಿಕ ಆರೋಗ್ಯ ಕ್ಷೇತ್ರವೇ ಸಿಂಹಪಾಲನ್ನು (ಶೇ. 46) ಹೊಂದಿದೆ. ಆಯುಷ್ಮಾನ್ ಆರೋಗ್ಯ ಮಂದಿರಗಳ ಸ್ಥಾಪನೆ, ಉಚಿತ ಔಷಧಿ ಮತ್ತು ತಪಾಸಣೆ ಯೋಜನೆಗಳು ಇದಕ್ಕೆ ಪ್ರಮುಖ ಕಾರಣಗಳಾಗಿವೆ. 4. ಸಾಮಾಜಿಕ ಭದ್ರತೆ ಮತ್ತು ವಿಮಾ ವಲಯದ ಬೆಳವಣಿಗೆ: ಆಯುಷ್ಮಾನ್ ಭಾರತ್ (PM-JAY) ನಂತಹ ಸರ್ಕಾರಿ ಆರೋಗ್ಯ ವಿಮೆ ಹಾಗೂ ನೌಕರರ ಆರೋಗ್ಯ ಯೋಜನೆಗಳ ಒಳಗೊಳ್ಳುವಿಕೆ (Social Security Expenditure) ಶೇ. 6 ರಿಂದ ಶೇ. 9.9 ಕ್ಕೆ ಹೆಚ್ಚಾಗಿದೆ. ಖಾಸಗಿ ಆರೋಗ್ಯ ವಿಮೆಯ ಪಾಲು ಕೂಡ ಶೇ. 3.4 ರಿಂದ ಶೇ. 9.2 ಕ್ಕೆ ಏರಿಕೆಯಾಗಿದ್ದು, ಜನರ ಆರೋಗ್ಯ ಜಾಗೃತಿ ಹೆಚ್ಚಿರುವುದನ್ನು ಇದು ಸೂಚಿಸುತ್ತದೆ ➤ ವರದಿಯು ಧನಾತ್ಮಕ ಬೆಳವಣಿಗೆಯನ್ನು ತೋರಿಸಿದರೂ, ಭಾರತದ ಸಾರ್ವಜನಿಕ ಆರೋಗ್ಯ ವೆಚ್ಚವು ಇನ್ನೂ ರಾಷ್ಟ್ರೀಯ ಆರೋಗ್ಯ ನೀತಿ 2017 (NHP 2017) ಗುರಿಪಡಿಸಿರುವ ಜಿಡಿಪಿಯ ಶೇ. 2.5 ರಷ್ಟನ್ನು ತಲುಪಿಲ್ಲ. ಅಲ್ಲದೆ, ಪ್ರಸ್ತುತ ಚಾಲ್ತಿಯಲ್ಲಿರುವ ಒಟ್ಟು ವೈದ್ಯಕೀಯ ವೆಚ್ಚದಲ್ಲಿ ಖಾಸಗಿ ಆಸ್ಪತ್ರೆಗಳ ಪಾಲು (ಶೇ. 30.77) ಮತ್ತು ಔಷಧಿಗಳ ಮೇಲಿನ ವೆಚ್ಚವೇ ಹೆಚ್ಚಾಗಿರುವುದರಿಂದ, ಇನ್ನೂ ಹೆಚ್ಚಿನ ಸುಧಾರಣೆಯ ಅಗತ್ಯವಿದೆ ಎಂದು ತಜ್ಞರು ಅಭಿಪ್ರಾಯಪಡುತ್ತಾರೆ.➤ ರಾಷ್ಟ್ರೀಯ ಆರೋಗ್ಯ ಖಾತೆ (NHA) ಪ್ರಮುಖ ಸೂಚಕಗಳ ಹೋಲಿಕೆ: ಪ್ರಮುಖ ಸೂಚಕಗಳು (Indicators): 2013-14ರ ಸ್ಥಿತಿ : 2022-23ರ ಪ್ರಸ್ತುತ ಸ್ಥಿತಿಒಟ್ಟು ಸರ್ಕಾರಿ ಆರೋಗ್ಯ ವೆಚ್ಚ: ₹1.30 ಲಕ್ಷ ಕೋಟಿ : ₹3.85 ಲಕ್ಷ ಕೋಟಿ ಜಿಡಿಪಿಯಲ್ಲಿ ಆರೋಗ್ಯ ವೆಚ್ಚದ ಪಾಲು: 1.15% : 1.43% (ಹೊಸ ಸರಣಿಯಲ್ಲಿ 1.48%) ಜನರ ಸ್ವಂತ ಕೈಯ ವೆಚ್ಚ (OOPE): 64.2% : 43.4% (ಕಡಿಮೆಯಾಗಿದೆ) ಸರ್ಕಾರದ ತಲಾ ಆರೋಗ್ಯ ವೆಚ್ಚ: ₹1,042 : ₹2,786 ಒಟ್ಟು ಆರೋಗ್ಯ ವೆಚ್ಚ (THE): ₹8,81,359 ಕೋಟಿ (ಜಿಡಿಪಿಯ 3.37%)
