* ಟೀಮ್​ ಇಂಡಿಯಾದ ಮಾಜಿ ನಾಯಕ ಹಾಗೂ ಅವಳಿ ವಿಶ್ವ ಕಪ್ ವಿಜೇತ ಮಹೇಂದ್ರ ಸಿಂಗ್​ ಧೋನಿ(MS Dhoni) ಅವರ 7ನೇ ಸಂಖ್ಯೆ ಜೆರ್ಸಿಯನ್ನು ಬಿಸಿಸಿಐ ನಿವೃತ್ತಿಗೊಳಿಸಲು ನಿರ್ಧರಿಸಿದೆ ಎಂದು ವರದಿಯಾಗಿದೆ.ಇನ್ನು ಮುಂದೆ  ಯಾವುದೇ ಆಟಗಾರ ಧೋನಿಗೆ ಸಂಬಂಧಿಸಿದ ಈ ಜೆರ್ಸಿ ಸಂಖ್ಯೆ 7 ಅನ್ನು ಆಯ್ಕೆ ಮಾಡುವಂತಿಲ್ಲ. 
* ಕ್ರಿಕೆಟ್  ದೇವರು ಎಂದು ಕರೆಯಲ್ಪಡುವ ಸಚಿನ್ ತೆಂಡೂಲ್ಕರ್ ಅವರ ನಂ. 10 ಶರ್ಟ್ ಗೆ ಈಗಾಗಲೇ ಭಾರತೀಯ ಮಂಡಳಿ  2017ರಲ್ಲಿ ನಿವೃತ್ತಿ ಮಾಡಿದೆ. ಇದೀಗ ಭಾರತ ತಂಡಕ್ಕೆ ಧೋನಿ ಸಲ್ಲಿಸಿದ ಕೊಡುಗೆಗೆ ಗೌರವ ಸೂಚಿಸುವ ಸಲುವಾಗಿ ಅವರ 7 ನಂಬರ್ ನ ಜೆರ್ಸಿಗೂ ನಿವೃತ್ತಿ ಹೇಳಿ ಸಚಿನ್ ಅವರ ಪಟ್ಟಿಗೆ ಸೇರಿಸಲು ನಿರ್ಧರಿಸಲಾಗಿದೆ ಎಂದು ಎನ್ ಡಿಟಿವಿ ವರದಿ ಮಾಡಿದೆ. ಈ ಮೂಲಕ 16 ವರ್ಷಗಳ ಕಾಲ ಧರಿಸಿದ್ದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರಿಗೆ ಗೌರವ ನೀಡಲಿದೆ.
* ಎಂ.ಎಸ್ ಧೋನಿ ಅವರು 2019ರ ಏಕದಿನ ವಿಶ್ವಕಪ್ ನಲ್ಲಿ ಕೊನೆಯದಾಗಿ ಭಾರತದ ಪರ ಆಡಿದ್ದರು,  2020ರ ಆಗಸ್ಟ್ 15ರಂದು ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ವಿದಾಯ ಘೋಷಿಸಿದ್ದರು. ಸದ್ಯ ಅವರು ಐಪಿಎಲ್ ನಲ್ಲಿ ಮಾತ್ರ ಆಡುತ್ತಿದ್ದಾರೆ. 
* ಲೆಜೆಂಡರಿ ಆಟಗಾರ ದೋನಿಯವರ ನಾಯಕತ್ವದಲ್ಲಿ 2007ರಲ್ಲಿ ಟಿ20 ವಿಶ್ವಕಪ್, 2011ರಲ್ಲಿ ಏಕದಿನ ವಿಶ್ವಕಪ್ ಮತ್ತು 2013ರಲ್ಲಿ ಭಾರತ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಯನ್ನು ಭಾರತ ಗೆದ್ದುಕೊಂಡಿದೆ.
* ಕ್ರಿಕೆಟಿಗರು ತಮ್ಮ ಜೆರ್ಸಿಯ ಹಿಂಭಾಗದಲ್ಲಿ 1 ರಿಂದ 100 ರವರೆಗಿನ ಯಾವುದೇ ಸಂಖ್ಯೆಯನ್ನು ಆಯ್ಕೆ ಮಾಡಲು ಐಸಿಸಿ ಅನುಮತಿಸುತ್ತದೆ. ರಾಷ್ಟ್ರೀಯ ತಂಡದಲ್ಲಿ ಹೊಸ ಆಟಗಾರ ಆಯ್ಕೆಯಾದಾಗ, ಅವನು ಅಥವಾ ಆಕೆಗೆ ಅವರ ಬೆನ್ನಿನಲ್ಲಿ ಯಾವ ಸಂಖ್ಯೆ ಬೇಕು ಎಂದು ಕೇಳಲಾಗುತ್ತದೆ. ಸಂಖ್ಯೆ ಲಭ್ಯವಿದ್ದರೆ, ಅದನ್ನು ಆ ಆಟಗಾರನಿಗೆ ನೀಡಲಾಗುತ್ತದೆ.