➤ ಭಾರತದ ಸಾಗರ ವಲಯವನ್ನು (Maritime Sector) ಸಂಪೂರ್ಣವಾಗಿ ಡಿಜಿಟಲೀಕರಣಗೊಳಿಸುವ ಹಾಗೂ ಸಾಗರ ಆಡಳಿತ ಪ್ರಕ್ರಿಯೆಗಳನ್ನು ಪಾರದರ್ಶಕಗೊಳಿಸುವ ನಿಟ್ಟಿನಲ್ಲಿ ಕೇಂದ್ರ ಬಂದರು, ಹಡಗು ಮತ್ತು ಜಲಮಾರ್ಗಗಳ ಸಚಿವಾಲಯವು 'ಇ-ಸಮುದ್ರ' (e-Samudra) ಎಂಬ ಸಂಯೋಜಿತ ಡಿಜಿಟಲ್ ಪೋರ್ಟಲ್ ಅನ್ನು ಅಧಿಕೃತವಾಗಿ ಲೋಕಾರ್ಪಣೆಗೊಳಿಸಿದೆ.
➤ ಕೇಂದ್ರ ಬಂದರು, ಹಡಗು ಮತ್ತು ಜಲಮಾರ್ಗಗಳ ಸಚಿವರಾದ ಶ್ರೀ ಸರ್ಬಾನಂದ ಸೋನೊವಾಲ್ ಅವರು ಈ ಪೋರ್ಟಲ್‌ಗೆ ಚಾಲನೆ ನೀಡಿದ್ದಾರೆ. ಸಾಗರ ವಲಯದ ಆಡಳಿತವನ್ನು ಹಳೆಯ ಕಾಗದಪತ್ರಗಳ (Paper-based) ಮಾದರಿಯಿಂದ ಸಂಪೂರ್ಣ ಪಾರದರ್ಶಕ, ವೇಗದ ಹಾಗೂ ಮುನ್ಸೂಚನೀಯ (Predictable) ಡಿಜಿಟಲ್ ವ್ಯವಸ್ಥೆಗೆ ಬದಲಾಯಿಸುವುದು ಇದರ ಮೂಲ ಉದ್ದೇಶವಾಗಿದೆ.

➤ ದೂರದೃಷ್ಟಿಯ ಗುರಿಗಳು (Visionary Goals):ಈ ಪೋರ್ಟಲ್ ಅನ್ನು ಭಾರತ ಸರ್ಕಾರದ ಪ್ರಮುಖ ದೀರ್ಘಾವಧಿ ಕಾರ್ಯತಂತ್ರಗಳಾದ 'ಮ್ಯಾರಿಟೈಮ್ ಇಂಡಿಯಾ ವಿಷನ್ 2030' ಮತ್ತು 'ಮ್ಯಾರಿಟೈಮ್ ಅಮೃತ ಕಾಲ ವಿಷನ್ 2047' ರ ದೂರದೃಷ್ಟಿಯ ಗುರಿಗಳಿಗೆ ಅನುಗುಣವಾಗಿ ರೂಪಿಸಲಾಗಿದೆ. 

ಅನುಷ್ಠಾನ ಸಂಸ್ಥೆ: ಕೇಂದ್ರ ಬಂದರು, ಹಡಗು ಮತ್ತು ಜಲಮಾರ್ಗಗಳ ಸಚಿವಾಲಯದ ಮಾರ್ಗದರ್ಶನದಲ್ಲಿ 'ಡೈರೆಕ್ಟರೇಟ್ ಜನರಲ್ ಆಫ್ ಶಿಪ್ಪಿಂಗ್' (Directorate General of Shipping - DG Shipping) ಸಂಸ್ಥೆಯು ಈ ಯೋಜನೆಯನ್ನು ಅನುಷ್ಠಾನಗೊಳಿಸುತ್ತಿದೆ.
➤ ನಾವಿಕರ ಕಲ್ಯಾಣ ಮತ್ತು ವಿಶೇಷ ಯೋಜನೆಗಳು:ಇ-ಸಮುದ್ರ ಪೋರ್ಟಲ್ ಕೇವಲ ತಾಂತ್ರಿಕ ಮತ್ತು ಆಡಳಿತಾತ್ಮಕ ಕೆಲಸಗಳಿಗೆ ಸೀಮಿತವಾಗದೆ, ಸಾಗರ ನಾವಿಕರ (Seafarers) ಮಾನಸಿಕ, ದೈಹಿಕ ಹಾಗೂ ಸಾಮಾಜಿಕ ಕಲ್ಯಾಣಕ್ಕೂ ಹೆಚ್ಚಿನ ಆದ್ಯತೆ ನೀಡಿದೆ:

1. ಸಾಗರ ಮೇನ್ ಸಮ್ಮಾನ್ (Sagara Men Samman):ಸಾಗರ ವಲಯದಲ್ಲಿ ಮಹಿಳಾ ನಾವಿಕರ ಪಾಲ್ಗೊಳ್ಳುವಿಕೆಯನ್ನು ಹೆಚ್ಚಿಸುವುದು ಮತ್ತು ಅವರಿಗೆ ಸಮಾನ ಅವಕಾಶಗಳನ್ನು ಕಲ್ಪಿಸುವುದು.
2. ಸಾಗರ ಮೇನ್ ಯೋಗ (Sagara Men Yoga):ಸುದೀರ್ಘ ಸಮುದ್ರ ಪ್ರಯಾಣದಲ್ಲಿರುವ ನಾವಿಕರ ಮಾನಸಿಕ ಒತ್ತಡ ಕಡಿಮೆಗೊಳಿಸಿ, ದೈಹಿಕ ಹಾಗೂ ಮಾನಸಿಕ ಆರೋಗ್ಯವನ್ನು ಕಾಯ್ದುಕೊಳ್ಳಲು ಯೋಗ ಮತ್ತು ಕ್ಷೇಮ ಅಭ್ಯಾಸಗಳನ್ನು ಪ್ರೋತ್ಸಾಹಿಸುವುದು.