➤ ಭಾರತೀಯ ಷೇರು ಮಾರುಕಟ್ಟೆ ನಿಯಂತ್ರಕ ಸಂಸ್ಥೆಯಾದ ‘ಸೆಬಿ’ (SEBI - Securities and Exchange Board of India) ಮಂಡಳಿಗೆ ಕೇಂದ್ರ ಸರ್ಕಾರವು ಹೊಸ ಪೂರ್ಣಾವಧಿ ಸದಸ್ಯರನ್ನು ನೇಮಕ ಮಾಡಿದೆ. ಅನುಭವಿ ಅಧಿಕಾರಿ ಕೆ.ವಿ. ರಮಣ ಮೂರ್ತಿ (KV Ramana Murty) ಅವರು ಈ ಪ್ರಮುಖ ಜವಾಬ್ದಾರಿಯನ್ನು ವಹಿಸಿಕೊಂಡಿದ್ದಾರೆ. ಇತ್ತೀಚೆಗೆ ಹೊರಡಿಸಲಾದ ಅಧಿಕೃತ ಆದೇಶದ ಪ್ರಕಾರ, ಕೆ.ವಿ. ರಮಣ ಮೂರ್ತಿ ಅವರನ್ನು ಸೆಬಿಯ ಪೂರ್ಣಾವಧಿ ಸದಸ್ಯರನ್ನಾಗಿ (Whole-Time Member - WTM) ಮೂರು ವರ್ಷಗಳ ಅವಧಿಗೆ ಅಥವಾ ಮುಂದಿನ ಆದೇಶದವರೆಗೆ ನೇಮಿಸಲಾಗಿದೆ.➤ ಕೆ.ವಿ. ರಮಣ ಮೂರ್ತಿ: ರಮಣ ಮೂರ್ತಿ ಅವರು 1992ರ ಬ್ಯಾಚ್‌ನ ಐಡಿಎಎಸ್ (IDAS - Indian Defence Accounts Service) ಅಧಿಕಾರಿ. ಈ ನೇಮಕಾತಿಗೂ ಮುನ್ನ ಅವರು ಕಾರ್ಪೊರೇಟ್ ವ್ಯವಹಾರಗಳ ಸಚಿವಾಲಯದಲ್ಲಿ (Ministry of Corporate Affairs) ಜಂಟಿ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸುತ್ತಿದ್ದರು. ಕಾರ್ಪೊರೇಟ್ ಆಡಳಿತ ಮತ್ತು ಹಣಕಾಸು ನಿಯಂತ್ರಣದಲ್ಲಿ ಅವರು ಅಪಾರ ಅನುಭವ ಹೊಂದಿದ್ದಾರೆ.➤ ಸೆಬಿ (SEBI) : Securities and Exchange Board of India- ಸ್ಥಾಪನೆ: ಸೆಬಿಯನ್ನು ಏಪ್ರಿಲ್ 12, 1988 ರಂದು ಸ್ಥಾಪಿಸಲಾಯಿತು. ಆದರೆ ಇದಕ್ಕೆ ಶಾಸನಾತ್ಮಕ ಅಧಿಕಾರ ಸಿಕ್ಕಿದ್ದು 1992ರ ಸೆಬಿ ಕಾಯ್ದೆಯ ಮೂಲಕ.- ಕೇಂದ್ರ ಕಚೇರಿ: ಮುಂಬೈ (ಮಹಾರಾಷ್ಟ್ರ).- ಧ್ಯೇಯ: ಹೂಡಿಕೆದಾರರ ಹಿತಾಸಕ್ತಿ ಕಾಪಾಡುವುದು ಮತ್ತು ಷೇರು ಮಾರುಕಟ್ಟೆಯನ್ನು ವ್ಯವಸ್ಥಿತವಾಗಿ ನಿಯಂತ್ರಿಸುವುದು.- ಪ್ರಸ್ತುತ ಅಧ್ಯಕ್ಷರು: ಮಾಧಬಿ ಪುರಿ ಬುಚ್ (Madhabi Puri Buch) - ಇವರು ಸೆಬಿಯ ಮೊದಲ ಮಹಿಳಾ ಅಧ್ಯಕ್ಷರಾಗಿದ್ದಾರೆ.
