* ಲೈಂಗಿಕ ಕಿರುಕುಳದ ದೂರುಗಳನ್ನು ಪರಿಹರಿಸುವ ಮತ್ತು ನಿರ್ವಹಿಸುವ ಮೂಲಕ ಮಹಿಳೆಯರಿಗೆ ಕೆಲಸದ ಸ್ಥಳಗಳನ್ನು ಸುರಕ್ಷಿತಗೊಳಿಸಲು ವಿನ್ಯಾಸಗೊಳಿಸಲಾದ ಕೇಂದ್ರೀಕೃತ ಪೋರ್ಟಲ್ ಗೆ ಕೇಂದ್ರ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವೆ ಅನ್ನಪೂರ್ಣ ದೇವಿ ಚಾಲನೆ ನೀಡಿದ್ದಾರೆ.
* ಕೋಲ್ಕತಾದಲ್ಲಿ ವೈದ್ಯೆ ಮೇಲೆ ಅತ್ಯಾಚಾರ ಪ್ರಕರಣ, ಕೇರಳದಲ್ಲಿ ಸಿನಿಮಾ ಕ್ಷೇತ್ರದಲ್ಲಿನ ಲೈಂಗಿಕ ಕಿರುಕುಳ ಪ್ರಕರಣ ಜೊತೆಗೆ ದೇಶಾದ್ಯಂತ ಮಹಿಳೆ ಹಾಗೂ ಹೆಣ್ಣುಮಕ್ಕಳ ಮೇಲೆ ಕಿರುಕುಳ ಅತ್ಯಾಚಾರ ಪ್ರಕರಣಗಳು ದಾಖಲಾಗುತ್ತಿದೆ. ಕೆಲಸ, ಕಚೇರಿ ಸ್ಥಳಗಳಲ್ಲಿ ಮಹಿಳೆಯರ ಮೇಲೆ ನಡೆಯುವ ಕಿರುಕುಳ ಪ್ರಕರಣಗಳಿಗೆ ಅಂತ್ಯಹಾಡಲು ಇದೀಗ ಕೇಂದ್ರ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಶಿ ಬಾಕ್ಸ್(She box) ಅನ್ನೋ ಪೋರ್ಟಲ್ ಆರಂಭಿಸಿದೆ.
* ಶೀ-ಬಾಕ್ಸ್ ಪೋರ್ಟಲ್ ಕೆಲಸದ ಸ್ಥಳದಲ್ಲಿ ಮಹಿಳೆಯರಿಗೆ ಲೈಂಗಿಕ ಕಿರುಕುಳದ ದೂರುಗಳನ್ನು ನೋಂದಾಯಿಸಲು ಮತ್ತು ಮೇಲ್ವಿಚಾರಣೆ ಮಾಡಲು ಕೇಂದ್ರೀಕೃತ ವೇದಿಕೆಯಾಗಿದೆ.
* ಈ ಪ್ಲಾಟ್‌ಫಾರ್ಮ್ ದೂರುಗಳನ್ನು ಸಲ್ಲಿಸಲು, ಅದರ ಸ್ಥಿತಿಯನ್ನು ಟ್ರ್ಯಾಕ್ ಮಾಡಲು ಮತ್ತು ಆಂತರಿಕ ಸಮಿತಿಗಳಿಂದ ದೂರುಗಳ ಕಾಲಮಿತಿಯ ಪ್ರಕ್ರಿಯೆಯನ್ನು ಖಚಿತಪಡಿಸಿಕೊಳ್ಳಲು ಸೌಲಭ್ಯವನ್ನು ಒದಗಿಸುತ್ತದೆ.
* She-Box ಪೋರ್ಟಲ್ ಮತ್ತು ಸಚಿವಾಲಯದ ಹೊಸ ವೆಬ್‌ಸೈಟ್ ಅನ್ನು shebox.wcd.gov.in ಮತ್ತು wcd.gov.in ನಲ್ಲಿ ಪ್ರವೇಶಿಸಬಹುದು.
* ಈ ಪೋರ್ಟಲ್ ಮೂಲಕ ಮಹಿಳೆಯರು ದೂರುಗಳನ್ನು ದಾಖಲಿಸಲು ಸಾಧ್ಯವಿದೆ. ಇದರಿಂದ ಈ ದೂರು ಹಾಗೂ ಮಾಹಿತಿ ಸಾರ್ವಜನಿಕವಾಗಿ ಬಹಿರಂಗವಾಗುವುದಿಲ್ಲ. ಗೌಪ್ಯವಾಗಿರಲಿದೆ. ಜೊತೆಗೆ ದೂರು ದಾಖಲಿಸುವವರ ಮಾಹಿಯೂ ಯಾರಿಗೂ ತಿಳಿಯದಂತೆ ದಾಖಲಾಗಲಿದೆ. ಇದರಿಂದ ಮಹಿಳೆಯ ಸುರಕ್ಷತೆ ಹಾಗೂ ಆಕೆ ಗೌರವಕ್ಕೆ ಯಾವುದೇ ಧಕ್ಕೆ ಬರುವುದಿಲ್ಲ.