Job Description: ➤ ಭಾರತದ ಪ್ರತಿಷ್ಠಿತ ನಾಗರಿಕ ಪ್ರಶಸ್ತಿಗಳಲ್ಲಿ ಒಂದಾದ ಪದ್ಮಶ್ರೀ (Padma Shri) ಪ್ರಶಸ್ತಿಯನ್ನು ಈ ಬಾರಿ ಪಶ್ಚಿಮ ಬಂಗಾಳದ ಸಾಂಪ್ರದಾಯಿಕ ಕಸೂತಿ ಕಲೆ ‘ಕಾಂಥಾ ಸ್ಟಿಚ್’ (Kantha Stitch) ಖ್ಯಾತಿಯ ಹಿರಿಯ ಕಲಾವಿದೆ ತೃಪ್ತಿ ಮುಖರ್ಜಿ (Tripti Mukherjee) ಅವರಿಗೆ ಪ್ರಕಟಿಸಲಾಗಿದೆ. ಮೇ 25 ರಂದು ನವದೆಹಲಿಯಲ್ಲಿ ನಡೆಯಲಿರುವ ಅಧಿಕೃತ ಸಮಾರಂಭದಲ್ಲಿ ಭಾರತದ ಗೌರವಾನ್ವಿತ ರಾಷ್ಟ್ರಪತಿಗಳಾದ ದ್ರೌಪದಿ ಮುರ್ಮು ಅವರು ಈ ಪ್ರಶಸ್ತಿಯನ್ನು ಪ್ರದಾನ ಮಾಡಲಿದ್ದಾರೆ.➤ ತೃಪ್ತಿ ಮುಖರ್ಜಿ: 1966 ಏಪ್ರಿಲ್ 28 ರಂದು ಜನಿಸಿದ ತೃಪ್ತಿ ಮುಖರ್ಜಿ ಅವರು ಪಶ್ಚಿಮ ಬಂಗಾಳದ ಖ್ಯಾತ ಕಾಂಥಾ ಕಸೂತಿ ಕಲಾವಿದರಾಗಿದ್ದಾರೆ. ಬಾಲ್ಯದಲ್ಲಿಯೇ ತಮ್ಮ ತಾಯಿಯವರ ಕಸೂತಿ ಕೆಲಸದಿಂದ ಪ್ರಭಾವಿತರಾಗಿ ಈ ಕಲೆಯತ್ತ ಆಕರ್ಷಿತರಾದರು. ಕಾಂಥಾ ಸ್ಟಿಚ್ ಕ್ಷೇತ್ರದಲ್ಲಿ ಇವರಿಗೆ ಸುಮಾರು 37 ವರ್ಷಗಳಿಗೂ ಹೆಚ್ಚಿನ ಸುದೀರ್ಘ ಅನುಭವವಿದೆ.➤ ತೃಪ್ತಿ ಮುಖರ್ಜಿ ಅವರು ಪಶ್ಚಿಮ ಬಂಗಾಳದ 'ಸುರಿ'ಯಲ್ಲಿ ತರಬೇತಿ ಕೇಂದ್ರ ಸ್ಥಾಪಿಸಿ, ಸಾವಿರಾರು ಗ್ರಾಮೀಣ ಮಹಿಳೆಯರಿಗೆ ಉಚಿತ ಕಾಂಥಾ ಕಸೂತಿ ತರಬೇತಿ ಹಾಗೂ ಉದ್ಯೋಗ ನೀಡುವ ಮೂಲಕ ಅವರನ್ನು ಆರ್ಥಿಕವಾಗಿ ಸ್ವಾವಲಂಬಿಗಳನ್ನಾಗಿ ಮಾಡಿದ್ದಾರೆ.➤ ತೃಪ್ತಿ ಮುಖರ್ಜಿ ಅವರು ಭಾರತೀಯ ಹಸ್ತಶಿಲ್ಪ ಕಲೆಯನ್ನು ಅಂತರರಾಷ್ಟ್ರೀಯ ಮಟ್ಟಕ್ಕೆ ಕೊಂಡೊಯ್ದಿದ್ದಾರೆ:- 2017 (ಯುನೈಟೆಡ್ ಕಿಂಗ್‌ಡಮ್): ಭಾರತ ಸರ್ಕಾರದ ಪ್ರಾಯೋಜಿತ ಯೋಜನೆಯಡಿ ಬರ್ಮಿಂಗ್‌ಹ್ಯಾಮ್‌ನಲ್ಲಿ ಕಾಂಥಾ ಕಲೆಯ ಪ್ರದರ್ಶನ ನೀಡಿದರು.- 2025 (ಜಪಾನ್): ಜವಳಿ ಸಚಿವಾಲಯದ ಹಸ್ತಶಿಲ್ಪ ರಫ್ತು ಉತ್ತೇಜನ ಮಂಡಳಿ ಆಯೋಜಿಸಿದ್ದ ಟೋಕಿಯೊದ 14ನೇ ಇಂಡಿಯಾ ಟ್ರೆಂಡ್ ಫೇರ್ನಲ್ಲಿ ಭಾಗವಹಿಸಿ ಕಾಂಥಾ ಕಲೆಯ ಹಿರಿಮೆಯನ್ನು ಜಗತ್ತಿಗೆ ಪರಿಚಯಿಸಿದರು.➤ ಕಾಂಥಾ ಸ್ಟಿಚ್ (Kantha Stitch) : ಇದು ಭಾರತದ ಅತ್ಯಂತ ಹಳೆಯ ಸಾಂಪ್ರದಾಯಿಕ ಕಸೂತಿ ಕಲೆಗಳಲ್ಲಿ ಒಂದಾಗಿದ್ದು, ಪಶ್ಚಿಮ ಬಂಗಾಳ ಮತ್ತು ಬಾಂಗ್ಲಾದೇಶದ ಸಂಸ್ಕೃತಿಗೆ ನಿಕಟ ಸಂಬಂಧ ಹೊಂದಿದೆ. ಸರಳವಾದ ರನ್ನಿಂಗ್ ಸ್ಟಿಚ್‌ಗಳನ್ನು (Running Stitches) ಬಳಸಿ ಅತ್ಯಂತ ಸೂಕ್ಷ್ಮವಾದ ಮತ್ತು ಆಕರ್ಷಕ ವಿನ್ಯಾಸಗಳನ್ನು ಕೈಯಿಂದಲೇ ಮೂಡಿಸುವುದು ಇದರ ವಿಶೇಷತೆ. ➤ ತೃಪ್ತಿ ಮುಖರ್ಜಿ ಅವರಿಗೆ ಸಂದ ಪ್ರಮುಖ ಪ್ರಶಸ್ತಿಗಳು:1. ರಾಷ್ಟ್ರೀಯ ಪ್ರಶಸ್ತಿ ಪ್ರಮಾಣಪತ್ರ (National Award Certificate): 20102. ಶಿಲ್ಪ ಗುರು ಪ್ರಶಸ್ತಿ (Shilp Guru Award): 2016 (ಭಾರತ ಸರ್ಕಾರದ ಜವಳಿ ಸಚಿವಾಲಯದಿಂದ)3. ಬಂಗಶ್ರೀ ಪ್ರಶಸ್ತಿ (Bangashree Award): 2017 (ಪಶ್ಚಿಮ ಬಂಗಾಳ ಸರ್ಕಾರದಿಂದ)4. ಪದ್ಮಶ್ರೀ ಪ್ರಶಸ್ತಿ (Padma Shri): 2026 (ಕಲೆ ಮತ್ತು ಹಸ್ತಶಿಲ್ಪ ಕ್ಷೇತ್ರಕ್ಕೆ ನೀಡಿದ ಕೊಡುಗೆಗಾಗಿ)KAS, PSI, PC, FDA, SDA, RRB, PDO ಸೇರಿದಂತೆ ಇನ್ನಿತರ ಪರೀಕ್ಷೆಗಳ ಹಳೆ ಪ್ರಶ್ನೆ ಪತ್ರಿಕೆಗಳನ್ನು ಅಭ್ಯಾಸ ಮಾಡಲು ಇಲ್ಲಿ ಕ್ಲಿಕ್ ಮಾಡಿ
