Job Description: ➤ ಭಾರತದ ಅತ್ಯಂತ ಯುವ ವಿಮಾನಯಾನ ಸಂಸ್ಥೆಯಾದ ಆಕಾಶ ಏರ್ (Akasa Air) ಅಂತರರಾಷ್ಟ್ರೀಯ ವಿಮಾನ ಸಾರಿಗೆ ಸಂಸ್ಥೆ (International Air Transport Association – IATA) ಯ ಅಧಿಕೃತ ಸದಸ್ಯತ್ವವನ್ನು ಪಡೆದಿದೆ. ಇದರಿಂದ ಆಕಾಶ ಏರ್, IATAಗೆ ಸೇರ್ಪಡೆಗೊಂಡ ಭಾರತದ ಐದನೇ ವಿಮಾನಯಾನ ಸಂಸ್ಥೆ ಎಂಬ ಗೌರವಕ್ಕೆ ಪಾತ್ರವಾಗಿದೆ.➤ IATA (IATA Operational Safety Audit) ಜಾಗತಿಕ ಮಟ್ಟದಲ್ಲಿ 360ಕ್ಕೂ ಹೆಚ್ಚು ವಿಮಾನಯಾನ ಸಂಸ್ಥೆಗಳನ್ನು ಪ್ರತಿನಿಧಿಸುವ ಪ್ರಮುಖ ಸಂಸ್ಥೆಯಾಗಿದ್ದು, ಜಗತ್ತಿನ 80% ಕ್ಕೂ ಹೆಚ್ಚು ವಿಮಾನ ಸಂಚಾರವನ್ನು ನಿರ್ವಹಿಸುತ್ತದೆ. ಆಕಾಶ ಏರ್ ಈ ಸದಸ್ಯತ್ವ ಪಡೆಯಲು ಅಗತ್ಯವಿರುವ IOSA (IATA Operational Safety Audit) ಸುರಕ್ಷತಾ ಪರಿಶೀಲನೆಯನ್ನು 2025ರ ಡಿಸೆಂಬರ್‌ನಲ್ಲಿ ಯಶಸ್ವಿಯಾಗಿ ಪೂರ್ಣಗೊಳಿಸಿದೆ. ಇದು ವಿಮಾನಯಾನದ ಜಾಗತಿಕ ಸುರಕ್ಷತಾ ಮಾನದಂಡಗಳಿಗೆ ಅನುಗುಣವಾಗಿದೆ ಎಂಬುದನ್ನು ಸೂಚಿಸುತ್ತದೆ.➤ ಆಕಾಶ ಏರ್ ಅನ್ನು ವಿನಯ್ ದುಬೆ ಸ್ಥಾಪಿಸಿದ್ದು, ಖ್ಯಾತ ಹೂಡಿಕೆದಾರ ದಿವಂಗತ ರಾಕೇಶ್ ಝುಂಜುನ್ವಾಲಾ ಅವರು ಸುಮಾರು 40% ಹೂಡಿಕೆಗೆ 35 ಮಿಲಿಯನ್ ಡಾಲರ್ ಹೂಡಿಕೆ ಮಾಡಿದ್ದರು. ಸಂಸ್ಥೆಯ ಮೊದಲ ವಾಣಿಜ್ಯ ವಿಮಾನಯಾನ ಸೇವೆ ಆಗಸ್ಟ್ 7, 2022 ರಂದು ಆರಂಭವಾಯಿತು.ಇಂದಿನವರೆಗೆ ಆಕಾಶ ಏರ್ 23 ಮಿಲಿಯನ್‌ಕ್ಕೂ ಹೆಚ್ಚು ಪ್ರಯಾಣಿಕರಿಗೆ ಸೇವೆ ಒದಗಿಸಿದ್ದು, ಭಾರತದಲ್ಲಿನ 26 ದೇಶೀಯ ಮತ್ತು 6 ಅಂತರರಾಷ್ಟ್ರೀಯ ನಗರಗಳಿಗೆ ಸಂಪರ್ಕ ಕಲ್ಪಿಸಿದೆ.➤ IATA ಸದಸ್ಯತ್ವದಿಂದ ಆಕಾಶ ಏರ್‌ಗೆ:=> ಜಾಗತಿಕ ವಿಮಾನಯಾನ ಚರ್ಚೆಗಳಲ್ಲಿ ಭಾಗವಹಿಸುವ ಅವಕಾಶ=> ವಿಮಾನಯಾನ ಕ್ಷೇತ್ರದ ಉತ್ತಮ ಕಾರ್ಯಪದ್ಧತಿಗಳ ರೂಪುಗೊಳಿಸುವಿಕೆಯಲ್ಲಿ ಪಾಲ್ಗೊಳ್ಳುವಿಕೆ=> ಸುರಕ್ಷತೆ, ಡಿಜಿಟಲ್ ಬೆಳವಣಿಗೆ ಮತ್ತು ಸಸ್ಥಿರ ವಿಮಾನಯಾನದ ಅಭಿವೃದ್ಧಿ=> ಜಾಗತಿಕ ಮಟ್ಟದಲ್ಲಿ ಸಂಸ್ಥೆಯ ನಂಬಿಕೆ ಮತ್ತು ಗೌರವ ಹೆಚ್ಚಳIATA ಏಷ್ಯಾ-ಪೆಸಿಫಿಕ್ ಉಪಾಧ್ಯಕ್ಷ ಶೆಲ್ಡನ್ ಹೀ ಅವರು, ಭಾರತದ ವಿಮಾನಯಾನ ಕ್ಷೇತ್ರವು 77 ಲಕ್ಷ ಉದ್ಯೋಗಗಳನ್ನು ಬೆಂಬಲಿಸುತ್ತಿದ್ದು, 53.6 ಬಿಲಿಯನ್ ಡಾಲರ್ ಆರ್ಥಿಕ ಕೊಡುಗೆ ನೀಡುತ್ತಿದೆ ಎಂದು ಹೇಳಿದ್ದಾರೆ.➤ ಭಾರತೀಯ ವಿಮಾನಯಾನ ಸಂಸ್ಥೆಗಳು: ಆಕಾಶ ಏರ್ ಸೇರ್ಪಡೆಯೊಂದಿಗೆ, IATA ಸದಸ್ಯತ್ವ ಹೊಂದಿರುವ ಭಾರತೀಯ ವಿಮಾನಯಾನ ಸಂಸ್ಥೆಗಳು:1. ಏರ್ ಇಂಡಿಯಾ2. ಏರ್ ಇಂಡಿಯಾ ಎಕ್ಸ್‌ಪ್ರೆಸ್3. ಇಂಡಿಗೋ4. ಆಕಾಶ ಏರ್5. ಸ್ಪೈಸ್‌ಜೆಟ್ ➤ ಭವಿಷ್ಯದ ಯೋಜನೆಗಳು: ಆಕಾಶ ಏರ್ 2030ರೊಳಗೆ ಜಗತ್ತಿನ ಟಾಪ್ 30 ವಿಮಾನಯಾನ ಸಂಸ್ಥೆಗಳಲ್ಲಿ ಒಂದಾಗುವ ಗುರಿ ಹೊಂದಿದೆ. ಮುಂದಿನ 10 ವರ್ಷಗಳಲ್ಲಿ 226 ಬೋಯಿಂಗ್ 737 MAX ವಿಮಾನಗಳನ್ನು ಕಾರ್ಯಾಚರಣೆಗೆ ತರಲು ಯೋಜಿಸಿದೆ. ಪ್ರಸ್ತುತ ಸಂಸ್ಥೆಯ ಬಳಿ 31 ವಿಮಾನಗಳಿದ್ದು, ಈ ವರ್ಷ ಅಂತ್ಯದೊಳಗೆ 35ಕ್ಕೆ ಏರಿಸಲು ಉದ್ದೇಶಿಸಿದೆ. FY26ರಲ್ಲಿ ಸಂಸ್ಥೆಯ ಸಾಮರ್ಥ್ಯವು 30% ಕ್ಕಿಂತ ಹೆಚ್ಚು ವೃದ್ಧಿಯಾಗುವ ನಿರೀಕ್ಷೆಯಿದೆ. ಅಲ್ಲದೇ, ಪೈಲಟ್‌ಗಳ ಸಂಖ್ಯೆ 770–775ಕ್ಕೆ ಏರಲಿದೆ.➤ FY25ರಲ್ಲಿ ಆಕಾಶ ಏರ್ ಆರ್ಥಿಕ ಸಾಧನೆ:- ಆದಾಯದಲ್ಲಿ 49% ಬೆಳವಣಿಗೆ- EBITDA ಮಾರುಜಿನ್‌ನಲ್ಲಿ 50% ಸುಧಾರಣೆ- ಲೋಡ್ ಫ್ಯಾಕ್ಟರ್ 87% ಮೀರಿದೆ- ಸಾಮರ್ಥ್ಯದಲ್ಲಿ 48% ಏರಿಕೆ- ಇಂಧನವಲ್ಲದ ಆಸನ ವೆಚ್ಚದಲ್ಲಿ 7% ಇಳಿಕೆ ಇವು ಸಂಸ್ಥೆಯ ಪರಿಣಾಮಕಾರಿ ವೆಚ್ಚ ನಿರ್ವಹಣೆ ಮತ್ತು ವೇಗದ ಬೆಳವಣಿಗೆಯನ್ನು ತೋರಿಸುತ್ತವೆ.➤ ಕಾರ್ಗೋ ಮತ್ತು ಹೆಚ್ಚುವರಿ ಸೇವೆಗಳು: ಆಕಾಶ ಏರ್ ಪ್ರಯಾಣಿಕ ಸೇವೆಗಳ ಹೊರತಾಗಿ 25ಕ್ಕೂ ಹೆಚ್ಚು ಹೆಚ್ಚುವರಿ ಸೇವೆಗಳನ್ನು ಒದಗಿಸುತ್ತಿದೆ. 2025ರ ಮಾರ್ಚ್ ವೇಳೆಗೆ ಸಂಸ್ಥೆ ಸುಮಾರು 1 ಲಕ್ಷ ಟನ್ ಕಾರ್ಗೋ ಸಾಗಣೆ ಮಾಡಿದ್ದು, ಭಾರತದ ವಿಮಾನ ಕಾರ್ಗೋ ಕ್ಷೇತ್ರದಲ್ಲಿ ಪ್ರಮುಖ ಸ್ಥಾನ ಪಡೆದಿದೆ. 1,150ಕ್ಕೂ ಹೆಚ್ಚು ಕಾರ್ಪೊರೇಟ್ ಪಾಲುದಾರರೊಂದಿಗೆ ಸಹಕಾರ ಹೊಂದಿದ್ದು, ದೀರ್ಘಕಾಲಿಕ ಸ್ಥಿರತೆಗೆ ಹೊಸ ಹೂಡಿಕೆಗಳನ್ನು ಸಹ ಪಡೆದಿದೆ.
