Job Description: ➤ ಜಾಗತಿಕ ಹಸಿವಿನ ವಿರುದ್ಧದ ಹೋರಾಟದಲ್ಲಿ ಭಾರತವು ಮತ್ತೊಂದು ಮಹತ್ವದ ಮೈಲಿಗಲ್ಲನ್ನು ಸಾಧಿಸಿದೆ. ಭಾರತೀಯ ಆಹಾರ ನಿಗಮ (FCI) ಮತ್ತು ವಿಶ್ವಸಂಸ್ಥೆಯ ವಿಶ್ವ ಆಹಾರ ಕಾರ್ಯಕ್ರಮ (WFP) ನಡುವೆ ಅಕ್ಕಿ ಪೂರೈಕೆಗಾಗಿ ಐದು ವರ್ಷಗಳ ಅವಧಿಯ ಐತಿಹಾಸಿಕ ತಿಳುವಳಿಕಾ ಒಪ್ಪಂದ (MoU) ಸಹಿ ಮಾಡಲಾಗಿದೆ. 18 ಫೆಬ್ರವರಿ 2026 ರಂದು ನವದೆಹಲಿಯಲ್ಲಿ ನಡೆದ ಈ ಸಮಾರಂಭದಲ್ಲಿ FCI ಪರವಾಗಿ ಸಿಎಂಡಿ ರವೀಂದ್ರ ಕುಮಾರ್ ಅಗರ್ವಾಲ್ ಮತ್ತು WFP ಪರವಾಗಿ ಉಪ ಕಾರ್ಯನಿರ್ವಾಹಕ ನಿರ್ದೇಶಕ ಕಾರ್ಲ್ ಸ್ಕೌ ಅವರು ಒಪ್ಪಂದಕ್ಕೆ ಸಹಿ ಹಾಕಿದರು.➤ ಮುಂದಿನ ಐದು ವರ್ಷಗಳಲ್ಲಿ ಭಾರತವು ಒಟ್ಟು 2,00,000 ಮೆಟ್ರಿಕ್ ಟನ್ ಅಕ್ಕಿಯನ್ನು ವಿಶ್ವ ಆಹಾರ ಕಾರ್ಯಕ್ರಮಕ್ಕೆ ಪೂರೈಸಲಿದೆ.ಒಪ್ಪಂದದ ಪ್ರಕಾರ, ಶೇಕಡಾ 25ರ ವರೆಗೆ ನುಚ್ಚು ಅಕ್ಕಿ (Broken Rice) ಒಳಗೊಂಡಿರುವ ಅಕ್ಕಿಯನ್ನು ಮಾನವೀಯ ನೆರವಿನ ಉದ್ದೇಶಕ್ಕಾಗಿ ನೀಡಲಾಗುವುದು.ಅಕ್ಕಿಯ ಬೆಲೆಯನ್ನು ವಾರ್ಷಿಕವಾಗಿ ಪರಸ್ಪರ ಸಮಾಲೋಚನೆಯ ಮೂಲಕ ನಿರ್ಧರಿಸಲಾಗುತ್ತದೆ. ಪ್ರಸ್ತುತ 31 ಮಾರ್ಚ್ 2026ರ ವರೆಗೆ ಪ್ರತಿ ಕ್ವಿಂಟಾಲ್‌ಗೆ 2,800 ರೂ. ದರವನ್ನು ನಿಗದಿಪಡಿಸಲಾಗಿದೆ.ಈ ಒಪ್ಪಂದವು ಐದು ವರ್ಷಗಳ ಕಾಲ ಚಾಲ್ತಿಯಲ್ಲಿರಲಿದ್ದು, ಅಗತ್ಯವಿದ್ದರೆ ಪರಸ್ಪರ ಒಪ್ಪಿಗೆಯೊಂದಿಗೆ ವಿಸ್ತರಿಸಲು ಅವಕಾಶವಿದೆ.➤ ಈ ಒಪ್ಪಂದವು ಕೇವಲ ಒಂದು ವ್ಯಾಪಾರೀ ಒಪ್ಪಂದವಾಗಿರದೆ, ಆಫ್ರಿಕಾ ಮತ್ತು ಪಶ್ಚಿಮ ಏಷ್ಯಾದಂತಹ ಸಂಘರ್ಷ ಪೀಡಿತ ಪ್ರದೇಶಗಳಲ್ಲಿ ಹಸಿವಿನಿಂದ ಬಳಲುತ್ತಿರುವ ಜನರಿಗೆ ಜಾಗತಿಕ ಆಹಾರ ಭದ್ರತೆಯನ್ನು ಒದಗಿಸುವ ಆಶಾಕಿರಣವಾಗಿದೆ; ಅಷ್ಟೇ ಅಲ್ಲದೆ, ಇದು ಅಭಿವೃದ್ಧಿಶೀಲ ರಾಷ್ಟ್ರಗಳ ಸಂಕಷ್ಟಕ್ಕೆ ಸ್ಪಂದಿಸುವ ಮೂಲಕ ಭಾರತದ 'ಗ್ಲೋಬಲ್ ಸೌತ್' ನಾಯಕತ್ವವನ್ನು ಪುನರುಚ್ಚರಿಸುವುದರ ಜೊತೆಗೆ, ವಿಶ್ವದ ಪ್ರಮುಖ ಅಕ್ಕಿ ಉತ್ಪಾದಕ ದೇಶವಾಗಿ ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬೆಲೆ ಸ್ಥಿರತೆಯನ್ನು ಕಾಯ್ದುಕೊಳ್ಳುವ ಜವಾಬ್ದಾರಿಯುತ ಮತ್ತು ವಿಶ್ವಾಸಾರ್ಹ ರಾಷ್ಟ್ರವಾಗಿ ಭಾರತದ ಜಾಗತಿಕ ಸ್ಥಾನಮಾನವನ್ನು ಮತ್ತಷ್ಟು ಎತ್ತರಕ್ಕೆ ಕೊಂಡೊಯ್ಯಲಿದೆ.➤ "ನಾವು ಕೇವಲ ಅಕ್ಕಿಯನ್ನು ರಫ್ತು ಮಾಡುತ್ತಿಲ್ಲ; ಬದಲಾಗಿ ಆಶಯ, ಪೋಷಣೆ ಮತ್ತು ಘನತೆಯನ್ನು ರಫ್ತು ಮಾಡುತ್ತಿದ್ದೇವೆ." — ಸಂಜೀವ್ ಚೋಪ್ರಾ, ಕಾರ್ಯದರ್ಶಿಗಳು, ಆಹಾರ ಮತ್ತು ಸಾರ್ವಜನಿಕ ವಿತರಣಾ ಇಲಾಖೆ.
